ಚಲನಚಿತ್ರ ನಿರ್ದೇಶಕ ಹನ್ಸಲ್ ಮೆಹ್ತಾ (Hansal Mehta) ಅವರ ಚೊಚ್ಚಲ ಸೀರಿಸ್ ಸ್ಕೂಪ್ (Scoop) ಪ್ರಸಾರಕ್ಕೆ ಮುಹೂರ್ತ ಫಿಕ್ಸ್ ಆಗಿದೆ. ಜೂನ್ 2ರಂದು ಸ್ಕೂಪ್ ಪ್ರಥಮ ಪ್ರದರ್ಶನಕ್ಕೆ ಸಿದ್ಧವಾಗಿದೆ ಎಂದು ಸ್ಟ್ರೀಮಿಂಗ್ ಪ್ಲಾಟ್‌ಫಾರ್ಮ್ ನೆಟ್ಫ್ಲಿಕ್ಸ್ ಇಂದು ತಿಳಿಸಿದೆ.
ಸ್ಕೂಪ್ ಸೀರಿಸ್, ಜಿಗ್ನಾ ವೋರಾ ಅವರ ಜೀವನಚರಿತ್ರೆಯ ಪುಸ್ತಕ ಬಿಹೈಂಡ್ ಬಾರ್ಸ್ ಇನ್ ಬೈಕುಲ್ಲಾ: ಮೈ ಡೇಸ್ ಇನ್ ಪ್ರಿಸನ್ (Behind Bars in Byculla: My Days in Prison), ನೈಜ ಘಟನೆಗಳಿಂದ ಪ್ರೇರಿತವಾಗಿದೆ ಎಂದು ವೆಬ್ ಸೀರಿಸ್ ತಂಡ ಹೇಳಿಕೊಂಡಿದೆ.
ಕ್ಯೂಂಕಿ ಸಾಸ್ ಭಿ ಕಭಿ ಬಹು ಥಿ ಮತ್ತು ರಾಜ್‌ಕುಮಾರ್ ಹಿರಾನಿ ನಿರ್ದೇಶನದಲ್ಲಿ ಮೂಡಿ ಬಂದ ಚಲನಚಿತ್ರ 'ಸಂಜು' ಸಿನಿಮಾ ಮೂಲಕ ಹೆಸರುವಾಸಿಯಾಗಿರುವ ಕರಿಷ್ಮಾ ತನ್ನಾ, ಸ್ಕೂಪ್ ಸೀರಿಸ್ನ ಮೊದಲ ಸೀಸನ್‌ನಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಈ ಸರಣಿಯನ್ನು ಹನ್ಸಲ್ ಮೆಹ್ತಾ ಮತ್ತು ಮೃಣ್ಮಯೀ ಲಗೂ ವೈಕುಲ್ ರಚಿಸಿದ್ದಾರೆ. ಸರಣಿಯ ಮೊದಲ ಸೀಸನ್ ಕ್ರೈಮ್ ಜರ್ನಲಿಸ್ಟ್ ಜಾಗೃತಿ ಪಾಠಕ್ ವೃತ್ತಿಜೀವನವನ್ನು ವ್ಯಾಖ್ಯಾನಿಸಲಿದೆ. ಪೊಲೀಸ್, ಭೂಗತ ಜಗತ್ತು ಮತ್ತು ಮಾಧ್ಯಮಗಳ ನಡುವೆ ಸಿಲುಕುವ ಜಾಗೃತಿ ಪಾಠಕ್ ಕಥೆ ಹೇಳಲಿದೆ ಸ್ಕೂಪ್ ಸೀರಿಸ್ನ ಮೊದಲ ಸೀಸನ್.