ವಿರಾಟ್ ಕೊಹ್ಲಿ ಭಾರತ ತಂಡದ ಶ್ರೇಷ್ಠ ಕ್ರಿಕೆಟಿಗ. ಅನುಷ್ಕಾ ಶರ್ಮಾ ಸಿನಿಮಾ ಲೋಕದ ಸಾಧಕಿ. ಈ ತಾರಾ ದಂಪತಿಗಿದೆ ಅಪಾರ ಸಂಖ್ಯೆಯ ಅಭಿಮಾನಿ ಬಳಗ. ಪ್ರೀತಿಸಿ, ವೈವಾಹಿಕ ಬಂಧನಕ್ಕೊಳಗಾಗಿರುವ ಈ ಸ್ಟಾರ್ ಕಪಲ್ ಅದೆಷ್ಟೋ ಮಂದಿಗೆ ಮಾದರಿ. ಇವರ ಪ್ರೀತಿ ಬಗ್ಗೆ ತಿಳಿದುಕೊಳ್ಳಲು ಅಭಿಮಾನಿಗಳು ಕಾತರರಾಗಿರುತ್ತಾರೆ. ಇದೀಗ ವಿರಾಟ್ ಕೊಹ್ಲಿ ಪತ್ನಿ ಅನುಷ್ಕಾ ಶರ್ಮಾ ಬಗ್ಗೆ ಗುಣಗಾನ ಮಾಡುವ ಮೂಲಕ ಅಭಿಮಾನಿಗಳ ಮನ ಸೆಳೆದಿದ್ದಾರೆ.
ಅನುಷ್ಕಾ ಬಗ್ಗೆ ಹೃದಯಸ್ಪರ್ಶಿ ಮಾತು: ಇತ್ತೀಚಿನ ಸಂದರ್ಶನವೊಂದರಲ್ಲಿ ಸ್ಟಾರ್ ಕ್ರಿಕೆಟಿಗ ವಿರಾಟ್ ಕೊಹ್ಲಿ ಅವರು ಪತ್ನಿ ಅನುಷ್ಕಾ ಬಗ್ಗೆ ಹೃದಯಸ್ಪರ್ಶಿ ಮಾತುಗಳನ್ನಾಡಿದ್ದಾರೆ. ತಮ್ಮ ಜೀವನದಲ್ಲಿ ಪ್ರೀತಿ ತುಂಬಿದ್ದಕ್ಕಾಗಿ ತಮ್ಮ ಪತ್ನಿ ಅನುಷ್ಕಾ ಶರ್ಮಾರಿಗೆ ನಾನು ಎಂದೆಂದಿಗೂ ಕೃತಜ್ಞರಾಗಿರುತ್ತೇನೆ ಎಂದು ತಿಳಿಸಿದ್ದಾರೆ. ಸಂದರ್ಶನದಲ್ಲಿ ವೈಯಕ್ತಿಕ ಮತ್ತು ವೃತ್ತಿಪರ ಜೀವನ ಬಗ್ಗೆ ಮಾತನಾಡಿದ್ದು, ಪತ್ನಿ ಅನುಷ್ಕಾ ಶರ್ಮಾ ಬಗೆಗಿನ ಮಾತು ಅಭಿಮಾನಿಗಳ ಹೃದಯ ಕದ್ದಿದೆ.
ಅನುಷ್ಕಾ ನನ್ನ ಸ್ಫೂರ್ತಿ, ಶಕ್ತಿ:ಅನುಷ್ಕಾ ಶರ್ಮಾ ಅವರ ಗರ್ಭಾವಸ್ಥೆ ಪ್ರಯಾಣವು ಸ್ಫೂರ್ತಿ ಮತ್ತು ಶಕ್ತಿಯನ್ನು ನೀಡಿತು. ತನ್ನ ಪಿತೃತ್ವದ ಪ್ರಯಾಣವು ತುಂಬಾ ವಿಶೇಷವಾಗಿದೆ. ಆದರೆ ಅನುಷ್ಕಾರಿಗೆ ಹೆಚ್ಚು ವಿಶೇಷ. ತಮ್ಮ ಮಗುವನ್ನು ಜಗತ್ತಿಗೆ ಪರಿಚಯಿಸುವುದು ಪೋಷಕರಿಗೆ ಒಂದು ವಿಶೇಷ ಭಾವನೆ. ಆದರೆ ನಿರ್ದಿಷ್ಟವಾಗಿ, ತಾಯಿಯಾದವಳಿಗೆ ಇದು ಜೀವನವನ್ನೇ ಬದಲಾಯಿಸುತ್ತದೆ. ಇದು ನನ್ನ ಜೀವನವನ್ನು ಸಂಪೂರ್ಣವಾಗಿ ಪರಿವರ್ತಿಸಿದ ಪ್ರಕ್ರಿಯೆ ಎಂದು ವಿರಾಟ್ ಕೊಹ್ಲಿ ತಿಳಿಸಿದ್ದಾರೆ.
ಇದನ್ನೂ ಓದಿ:ಸಾಗರದಾಚೆ ಭಾರತೀಯ ಸಿನಿಮಾ ಸದ್ದು: ಅಮೆರಿಕದ ಥಿಯೇಟರ್ನಲ್ಲಿಂದು ಆರ್ಆರ್ಆರ್ ಶೋ!