'ವ್ಯಾನಿಶಿಂಗ್ ಪಾಯಿಂಟ್' ಖ್ಯಾತಿಯ ಹಾಲಿವುಡ್​ ಹಿರಿಯ ನಟ ಬ್ಯಾರಿ ನ್ಯೂಮನ್ ನಿಧನ

ಹಾಲಿವುಡ್​ ಹಿರಿಯ ನಟ ಬ್ಯಾರಿ ನ್ಯೂಮನ್ ನಿಧನರಾಗಿದ್ದಾರೆ. ಅವರು 'ವ್ಯಾನಿಶಿಂಗ್ ಪಾಯಿಂಟ್' ಸಿನಿಮಾಗೆ ಹೆಸರುವಾಸಿಯಾಗಿದ್ದಾರೆ.

ಹಾಲಿವುಡ್​ ಹಿರಿಯ ನಟ ಬ್ಯಾರಿ ನ್ಯೂಮನ್ ವಯೋಸಹಜತೆಯಿಂದ ನಿಧನರಾಗಿದ್ದಾರೆ. ಅವರಿಗೆ 92 ವರ್ಷ ವಯಸ್ಸಾಗಿತ್ತು. ಇವರು 1971 ರ ಕಲ್ಟ್ ಆ್ಯಕ್ಷನ್ ಥ್ರಿಲ್ಲರ್ 'ವ್ಯಾನಿಶಿಂಗ್ ಪಾಯಿಂಟ್' ನಲ್ಲಿ ನಟಿಸಿದ್ದಕ್ಕಾಗಿ ಹೆಸರುವಾಸಿಯಾಗಿದ್ದಾರೆ. ನ್ಯೂಯಾರ್ಕ್​- ಪ್ರೆಸ್ಬಿಟೇರಿಯನ್​ ಕೊಲಂಬಿಯಾ ಯೂನಿವರ್ಸಿಟಿ ಇರ್ವಿಂಗ್​ ಮೆಡಿಕಲ್​ ಸೆಂಟರ್​ನಲ್ಲಿ ನ್ಯೂಮನ್​ ಮೇ 11ರಂದು ವಯೋಸಹಜತೆಯಿಂದ ನಿಧನರಾದರು ಎಂದು ಅಂತಾರಾಷ್ಟ್ರೀಯ ಮಾಧ್ಯಮಗಳು ವರದಿ ಮಾಡಿವೆ. ನ್ಯೂಮನ್​ ಪತ್ನಿ ಏಂಜೆಲಾ ಅವರು ಯುಎಸ್​ನಲ್ಲಿ ಈ ಸುದ್ದಿ ಹಂಚಿಕೊಂಡಿದ್ದಾರೆ.

'ವ್ಯಾನಿಶಿಂಗ್​ ಪಾಯಿಂಟ್'​ ಸಿನಿಮಾದಲ್ಲಿ ನ್ಯೂಮನ್​ ಮಾಜಿ ರೇಸ್ ಕಾರ್​ ಡ್ರೈವರ್​ ಕೊವಾಲ್ಸ್ಕಿ ಪಾತ್ರವನ್ನು ನಿರ್ವಹಿಸಿದ್ದಾರೆ. ಈ ಸಿನಿಮಾಗಾಗಿ ಅವರು ಪ್ರೇಕ್ಷಕರಿಂದ ವಿಶೇ​ಷ ಮೆಚ್ಚುಗೆಯನ್ನು ಗಳಿಸಿದ್ದಾರೆ. ಈ ಚಲನಚಿತ್ರವನ್ನು 70 ರ ದಶಕದ ಅಮೆರಿಕನ್​ ಆ್ಯಕ್ಷನ್​ ಚಲನಚಿತ್ರಗಳಲ್ಲಿ ಒಂದು ಎಂದು ಪರಿಗಣಿಸಲಾಗಿದೆ. ಈ ಚಿತ್ರವನ್ನು ರಿಚರ್ಡ್​ ಸಿ ಸರಾಫಿಯಾನ್​ ನಿರ್ದೇಶಿಸಿದ್ದಾರೆ.

ಇದನ್ನೂ ಓದಿ:ಸಂಜಯ್ ಪುರಣ್ ಸಿಂಗ್ ನಿರ್ದೇಶನದ 72 ಹುರೇನ್ ಚಿತ್ರದ ಟೀಸರ್ ಬಿಡುಗಡೆ

ವ್ಯಾನಿಶಿಂಗ್ ಪಾಯಿಂಟ್ ಅನ್ನು ಎಂಟು ವಾರಗಳಲ್ಲಿ ಚಿತ್ರೀಕರಿಸಲಾಯಿತು. ಸ್ಟೀವನ್ ಸ್ಪೀಲ್‌ಬರ್ಗ್ ಇದನ್ನು ತನ್ನ ಮೆಚ್ಚಿನ ಚಲನಚಿತ್ರಗಳಲ್ಲಿ ಒಂದೆಂದು ಕರೆದರು. ಹೀಗಾಗಿ ಈ ಸಿನಿಮಾ ಮತ್ತಷ್ಟು ಹಿಟ್​ ಆಗಿತ್ತು. ಸಿಲ್ವೆಸ್ಟರ್ ಸ್ಟಲ್ಲೋನ್ ನಟಿಸಿದ ಡೇಲೈಟ್ (1996), ಬೌಫಿಂಗರ್ (1999), ಸ್ಟೀವನ್ ಸೋಡರ್‌ಬರ್ಗ್‌ನ ದಿ ಲೈಮಿ (1999) ಮತ್ತು 40 ಡೇಸ್ ಮತ್ತು 40 ನೈಟ್ಸ್ (2002) ನಂತಹ ಚಲನಚಿತ್ರಗಳಲ್ಲಿ ನ್ಯೂಮನ್ ಕಾಣಿಸಿಕೊಂಡಿದ್ದಾರೆ.

2007 ರಲ್ಲಿ ನ್ಯೂಮನ್​ ಅವರಿಗೆ ಗಂಟಲು ಕ್ಯಾನ್ಸರ್​ ಕಾಣಿಸಿಕೊಂಡಿತ್ತು. ಹೀಗಾಗಿ ಅವರು ತಮ್ಮ ಸಿನಿ ವೃತ್ತಿ ಜೀವನವನ್ನು ಅಲ್ಲಿಗೆ ಮೊಟಕುಗೊಳಿಸಿದ್ದರು. ಬಳಿಕ ಅವರು ಚೇತರಿಸಿಕೊಂಡಿದ್ದರು. ನಂತರ ಇತ್ತೀಚೆಗೆ ಅವರು ಸ್ವತಂತ್ರ ಚಲನಚಿತ್ರ ಫೈಂಡಿಂಗ್ ಹನ್ನಾ (2022) ನಲ್ಲಿ ನಟಿಸಲು ಬರಹಗಾರ-ನಿರ್ದೇಶಕ ಫ್ಯೂರಿಯೊಂದಿಗೆ ಮತ್ತೆ ಸೇರಿಕೊಂಡರು.

ಇದನ್ನೂ ಓದಿ:ಕಾರು - ಪಿಕಪ್​ ಡಿಕ್ಕಿ: ಮಲಯಾಳಂ ನಟ ಕೊಲ್ಲಂ ಸುಧಿ ದುರ್ಮರಣ

ಸುಲೋಚನಾ ಲಾತ್ಕರ್​ ನಿಧನ:ಬಾಲಿವುಡ್​ ಹಿರಿಯ ನಟಿ ತಾಯಿ ಪಾತ್ರಗಳಿಗೆ ಹೆಸರುವಾಸಿಯಾಗಿದ್ದ ಸುಲೋಚನಾ ಲಾತ್ಕರ್​ ಭಾನುವಾರ ನಿಧನರಾಗಿದ್ದಾರೆ. ವಯೋಸಹಜ ಕಾಯಿಲೆಯಿಂದ ಬಳಲುತ್ತಿದ್ದ ಅವರು ಮುಂಬೈನ ಸುಶ್ರುಷಾ ಆಸ್ಪತ್ರೆ ಕೊನೆಯುಸಿರೆಳೆದಿದ್ದಾರೆ. ನಟಿಗೆ 94 ವರ್ಷ ಪ್ರಾಯವಾಗಿತ್ತು.

ಇಂದು ಅವರ ಪಾರ್ಥಿವ ಶರೀರವನ್ನು ಪ್ರಭಾದೇವಿಯಲ್ಲಿರುವ ಅವರ ಮನೆಯಲ್ಲಿ ಅಂತಿಮ ದರ್ಶನಕ್ಕಾಗಿ ಇರಿಸಲಾಗಿದೆ. ನಂತರ ಮುಂಬೈನ ಶಿವಾಜಿ ಪಾರ್ಕ್​ನಲ್ಲಿ ಅವರ ಅಂತ್ಯ ಸಂಸ್ಕಾರವನ್ನು ನೆರವೇರಿಸಲಾಗುವುದು ಎಂದು ಕುಟುಂಬಸ್ಥರು ಮಾಧ್ಯಮಗಳಿಗೆ ತಿಳಿಸಿದ್ದಾರೆ. ನಟಿಯ ನಿಧನಕ್ಕೆ ಇಡೀ ಭಾರತೀಯ ಚಿತ್ರರಂಗವೇ ಕಂಬನಿ ಮಿಡಿದಿದೆ. ಪ್ರಧಾನಿ ನರೇಂದ್ರ ಮೋದಿ ಸೇರಿದಂತೆ ಅನೇಕ ರಾಜಕೀಯ ಗಣ್ಯರು, ಸೆಲೆಬ್ರಿಟಿಗಳು ಟ್ವೀಟ್​ ಮಾಡಿ ಸಂತಾಪ ಸೂಚಿಸಿದ್ದಾರೆ.

ಇದನ್ನೂ ಓದಿ:'ಸತ್ಯಪ್ರೇಮ್ ಕಿ ಕಥಾ'.. ನಾಳೆ ಬಿಡುಗಡೆಯಾಗಲಿದೆ 2023ರ ಬಹುನಿರೀಕ್ಷಿತ ಸಿನಿಮಾದ ಟ್ರೇಲರ್