'RRR' ಸಿನಿಮಾ ನೋಡಿದ ಕೆಲವು ವಿದೇಶಿಗರು ಸಾಮಾಜಿಕ ಜಾಲತಾಣಗಳಲ್ಲಿ ನೆಗೆಟಿವ್ ಕಮೆಂಟ್ ಮಾಡಿದ್ದಾರೆ. ಭಾರತೀಯ ಸಿನಿಮಾ ಅಭಿಮಾನಿಗಳು ಮತ್ತು ಸೆಲೆಬ್ರಿಟಿಗಳು ಈಗಾಗಲೇ ಅವರಿಗೆ ಕೌಂಟರ್ ಸಹ ನೀಡಿದ್ದಾರೆ. ಇದೀಗ ಖ್ಯಾತ ಸೌಂಡ್ ಇಂಜಿನಿಯರ್ ರೆಸುಲ್ ಪೂಕುಟ್ಟಿ ಮಾಡಿರುವ ಕಮೆಂಟ್ಗೆ 'ಬಾಹುಬಲಿ' ನಿರ್ಮಾಪಕ ಶೋಬು ಯಾರ್ಲಗಡ್ಡ ಆಕ್ರೋಶ ವ್ಯಕ್ತಪಡಿಸಿದ್ದಾರೆ.
"ನಿನ್ನೆ ರಾತ್ರಿ RRR ಎಂಬ 30 ನಿಮಿಷಗಳ ರಬ್ಬೀಷ್ ಸಿನಿಮಾ ನೋಡಿದೆ" ಎಂದು ಚಲನಚಿತ್ರ ನಿರ್ಮಾಪಕ ಮುನೀಶ್ ಭಾರದ್ವಾಜ್ ಇತ್ತೀಚೆಗೆ ಟ್ವೀಟ್ ಮಾಡಿದ್ದರು. ಅದಕ್ಕೆ ಪ್ರತಿಕ್ರಿಯೆಯಾಗಿ ಆಸ್ಕರ್ ಪ್ರಶಸ್ತಿ ವಿಜೇತ ಸೌಂಡ್ ಇಂಜಿನಿಯರ್ ರೆಸುಲ್ ಪೂಕುಟ್ಟಿ ಇದೊಂದು "ಗೇ ಲವ್ ಸ್ಟೋರಿ" ಎಂದು ಕಮೆಂಟ್ ಮಾಡಿದ್ದರು.
ಶೋಬು ಯಾರ್ಲಗಡ್ಡ ಅದನ್ನು ರೀಟ್ವೀಟ್ ಮಾಡಿ, "ಆರ್ಆರ್ಆರ್ ಇದು ಗೇ ಲವ್ ಸ್ಟೋರಿ ಎಂದು ನಾನು ಭಾವಿಸುವುದಿಲ್ಲ. ಇದು ಗೇ ಲವ್ ಸ್ಟೋರಿ ಎಂದು ಹೇಗೆ ಸಮರ್ಥಿಸುತ್ತೀರಿ? ಒಂದು ವೇಳೆ ಇದು ಗೇ ಲವ್ ಸ್ಟೋರಿ ಆಗಿದ್ದರೆ ಅದರಲ್ಲಿ ತಪ್ಪೇನು? ಈ ರೀತಿಯ ಕಮೆಂಟ್ ನಿಮ್ಮ ಗುಣಮಟ್ಟಕ್ಕೆ ತಕ್ಕಂತೆ ಇಲ್ಲ. ಸ್ವಲ್ಪ ಗಂಭೀರವಾಗಿ ಉತ್ತರಿಸಿ ಎಂದು ಪ್ರತಿಕ್ರಿಯೆ ನೀಡಿದ್ದರು.