ಮುಂಬೈ:ಬಾಲಿವುಡ್ ತಾರೆ ತುಷಾರ್ ಕಪೂರ್ ನಟನೆಯ 'ಮಾರಿಚ್' ಚಿತ್ರವು ಡಿಸೆಂಬರ್ 9 ರಂದು ನೇರವಾಗಿ ಥಿಯೇಟರ್‌ಗಳಲ್ಲಿ ಬಿಡುಗಡೆಯಾಗಲಿದೆ ಎಂದು ಚಿತ್ರತಂಡ ಮಂಗಳವಾರ ಘೋಷಿಸಿದೆ.
ಹಿರಿಯ ನಟ ನಾಸಿರುದ್ದೀನ್ ಶಾ ಸಹ ಚಿತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ತುಷಾರ್ ಎಂಟರ್ಟೈನ್ಮೆಂಟ್ ಹೌಸ್ನಿಂದ ಬಿಡುಗೆಡೆಗೊಳ್ಳುತ್ತಿರುವ ಎರಡನೇ ಚಿತ್ರ ಇದಾಗಿದೆ. ಈ ಮೊದಲು ಅಕ್ಷಯ್ ಕುಮಾರ್ ಅಭಿನಯದ "ಲಕ್ಷ್ಮಿ" ಚಿತ್ರವು ಇದೇ ಬ್ಯಾನರ್ ಅಡಿ ತೆರೆ ಕಂಡಿತ್ತು. "ಮಾರಿಚ್" ಅನ್ನು ಧ್ರುವ ಲಾಥರ್ ಬರೆದು ನಿರ್ದೇಶಿಸಿದ್ದಾರೆ. ನಟ ಕಪೂರ್ ಪೊಲೀಸ್ ಅಧಿಕಾರಿಯ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ.
"ಹಲವು ಕಾರಣಗಳಿಗಾಗಿ ಈ ಚಿತ್ರ ನನ್ನ ಹೃದಯಕ್ಕೆ ತುಂಬಾ ಹತ್ತಿರವಾಗಿದೆ. ನಿರ್ಮಾಪಕನಾಗಿ 'ಲಕ್ಷ್ಮಿ' ನಂತರ 'ಮಾರಿಚ್' ನನ್ನ ಎರಡನೇ ಚಿತ್ರ ಇದಾಗಿದೆ. ಬಹಳ ದಿನಗಳ ಬಳಿಕ ನಾನು ಮತ್ತು ನಾಸಿರುದ್ದೀನ್ ಶಾ ಅವರು ಒಟ್ಟಿಗೆ ಕಾಣಿಸಿಕೊಳ್ಳಲಿದ್ದೇವೆ. ನಟನಾಗಿ ನಾನು ಈ ಹಿಂದೆ ಹಲವು ಸಿನಿಮಾಗಳಲ್ಲಿ ನಟಿಸಿರುವೆ.