ಮುಂಬೈ: ನಟ ಶಾರುಖ್ ಖಾನ್ ಅಭಿಮಾನಿಗಳು ಅವರ ಬಹು ನಿರೀಕ್ಷಿತ ಆಕ್ಷ್ಯನ್ ಭರಿತ ಚಿತ್ರವಾಗಿರುವ 'ಜವಾನ್' ಸಿನಿಮಾದ ಟ್ರೈಲರ್ಗೆ ಎದುರು ನೋಡುತ್ತಿದ್ದಾರೆ. 'ಪಠಾಣ್' ಸಿನಿಮಾ ಬಳಿಕ ಈ ಚಿತ್ರದ ಮೇಲೆ ಅಭಿಮಾನಿಗಳ ನಿರೀಕ್ಷೆ ಹೆಚ್ಚಿದ್ದು, 'ಜವಾನ್'ನಲ್ಲಿ ವಿಭಿನ್ನ ಲುಕ್ ನಲ್ಲಿ ಕೂಡ ನಟ ಕಾಣಿಸಿಕೊಂಡಿದ್ದಾರೆ. ಈ ಹಿನ್ನೆಲೆಯಲ್ಲಿ ಈ ಸಿನಿಮಾ ಹೇಗಿರಲಿದೆ, ಟ್ರೈಲರ್ ಹೇಗಿರಲಿದೆ ಎಂಬ ಪ್ರಶ್ನೆಗಳು ಅವರಲ್ಲಿ ಇದೆ. ನಟ ಶಾರುಖ್ ಇತ್ತೀಚೆಗೆ ಟ್ವಿಟರ್ನಲ್ಲಿ ಆಸ್ಕ್ ಎಸ್ಆರ್ಕೆ ಪ್ರಶ್ನಾವಳಿ ನಡೆಸಿದಾಗ ಅವರಿಗೆ ಎದುರಾದ ಪ್ರಮುಖ ಪ್ರಶ್ನೆ ಎಂದರೆ, ಜವಾನ್ ಟ್ರೈಲರ್ ಯಾವಾಗ ಬಿಡುಗಡೆ ಆಗಲಿದೆ ಎಂಬುದಾಗಿದೆ.
ಇದಕ್ಕೆ ಉತ್ತರಿಸಿದ ಶಾರುಖ್ 'ಟ್ರೈಲರ್ ಬರಲಿಲ್ಲ ಎಂದರೆ ಸಿನಿಮಾವನ್ನು ನೋಡುವುದಿಲ್ವಾ ಎಂದು ಪ್ರಶ್ನಿಸಿದರು. ಟ್ರೈಲರ್ ಟ್ರೈಲರ್ ಟ್ರೈಲರ್... ಬರುತ್ತದೆ ತಾಳ್ಮೆ ಇರಲಿ' ಎಂದು ಅಭಿಮಾನಿಗಳನ್ನು ಸಮಾಧಾನ ಪಡಿಸಿದ್ದರು.
ಇದೀಗ ಮತ್ತು ಶಾರುಖ್ ಅಭಿಮಾನಿಗಳ ಕುತೂಹಲ ಹೆಚ್ಚಿದೆ. ಇದಕ್ಕೆ ಕಾರಣ ನಿರ್ದೇಶಕ ಕರಣ್ ಜೋಹರ್, ತಮ್ಮ ಇನ್ಸ್ಟಾಗ್ರಾಂನಲ್ಲಿ 'ತಾವು ಈಗಷ್ಟೇ ಶತಮಾನದ ಟ್ರೈಲರ್ ನೋಡಿರುವುದಾಗಿ' ಜವಾನ್ ಸಿನಿಮಾದ ಟ್ರೈಲರ್ ಕುರಿತು ಶ್ಲಾಘಿಸಿದ್ದಾರೆ.
ಕರಣ್ ಜೋಹರ್ ಪೋಸ್ಟ್ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗುತ್ತಿದ್ದಂತೆ ಮತ್ತೆ ಸಾಮಾಜಿಕ ಜಾಲತಾಣದಲ್ಲಿ 'ಜವಾನ್' ತಾಪ ಹೆಚ್ಚಿದೆ. ಅನೇಕ ಅಭಿಮಾನಿಗಳು, 'ಜವಾನ್' ಟ್ರೈಲರ್ಗಾಗಿ ಇನ್ನೂ ಕಾಯುತ್ತಿದ್ದೇವೆ. ಕರಣ್ ಹೊಗಳಿದ್ದು, ಜವಾನ್ ಟ್ರೈಲರ್ ಬಗ್ಗೆಯಾ ಎಂದು ಕೇಳಿದ್ದಾರೆ. ಕರಣ್ ಶತಮಾನದ ಟ್ರೈಲರ್ ನೋಡಿದೆ ಎಂದು ಬರೆದಿದ್ದು, ಎಲ್ಲಿಯೂ ಜವಾನ್ ಹೆಸರನ್ನು ಉಲ್ಲೇಖಿಸಿಲ್ಲ. ಆದಾಗ್ಯೂ ಅನೇಕ ಮಂದಿ ಇದನ್ನು ಎಸ್ಆರ್ಕೆ ಚಿತ್ರ ಎಂದು ಭಾವಿಸಿದ್ದು, ಅಭಿಮಾನಿಗಳು ಈ ಪೋಸ್ಟ್ ಅನ್ನು ತಮ್ಮ ಸಾಮಾಜಿಕ ಜಾಲತಾಣದಲ್ಲಿ ರಿಪೋಸ್ಟ್ ಮಾಡಿದ್ದಾರೆ.
ತಮಿಳು ನಿರ್ದೇಶಕ ಅಟ್ಲಿಯ ನಿರ್ದೇಶನದಲ್ಲಿ ಮೂಡಿ ಬರುತ್ತಿರುವ 'ಜವಾನ್' ಚಿತ್ರದಲ್ಲಿ ಇದೇ ಮೊದಲ ಬಾರಿಗೆ ನಟ ಶಾರುಖ್ ಜೊತೆಗೆ ನಟಿ ನಯನ ತಾರ ಮತ್ತು ವಿಜಯ್ ಸೇತುಪತಿ ಪ್ರಮುಖ ಪಾತ್ರದಲ್ಲಿ ನಟಿಸುತ್ತಿದ್ದಾರೆ. ಚಿತ್ರದಲ್ಲಿ ಪ್ರಿಯಾಮಣಿ ಮತ್ತು ಸಾನ್ಯಾ ಮಲ್ಹೋತ್ರಾ ಕೂಡ ಬಣ್ಣ ಹಚ್ಚಿದ್ದಾರೆ. ನಟಿ ದೀಪಿಕಾ ಪಡುಕೋಣೆ ಕೂಡ ಅತಿಥಿ ಪಾತ್ರದಲ್ಲಿ ಮಿಂಚಿದ್ದಾರೆ ತಮಿಳು, ತೆಲುಗು ಮತ್ತು ಹಿಂದಿಯಲ್ಲಿ ಈ ಚಿತ್ರ ಇದೇ ಸೆಪ್ಟೆಂಬರ್ 7ರಂದು ವರ್ಲ್ಡ್ ವೈಲ್ಡ್ ಬಿಡುಗಡೆಗೆ ಸಜ್ಜಾಗಿದೆ.
ಇದನ್ನೂ ಓದಿ: Jawan: ಎಸ್ಆರ್ಕೆ ನಟನೆಯ ಜವಾನ್ ಕ್ರೇಜ್ - 15 ನಿಮಿಷದೊಳಗೆ ಮೊದಲ ದಿನದ ಟಿಕೆಟ್ ಸೇಲ್!
