ಚೆನ್ನೈ(ತಮಿಳುನಾಡು):ಕಾಲಿವುಡ್ ನಟ ಸೂರ್ಯ ಪ್ರತಿಷ್ಠಿತ ಆಸ್ಕರ್ ಸಮಿತಿಗೆ ಆಯ್ಕೆಯಾಗಿದ್ದಾರೆ. ಈ ಮೂಲಕ ಆಸ್ಕರ್ ಆಯೋಜಕರ ಸದಸ್ಯತ್ವ ಸಮಿತಿಗೆ ಆಹ್ವಾನಿಸಲ್ಪಟ್ಟಿರುವ ಮೊದಲ ತಮಿಳು ನಟ ಎಂದು ಗುರುತಿಸಿಕೊಂಡಿದ್ದಾರೆ.
ನಟ ಸೂರ್ಯ ಜೊತೆಗೆ ಬಾಲಿವುಡ್ನ ಖ್ಯಾತ ನಟಿ ಕಾಜೋಲ್ ಹಾಗೂ ನಿರ್ದೇಶಕಿ ರೀಮಾ ಕಗ್ತಿ ಸಹ ಈ ಸಮಿತಿಗೆ ಆಹ್ವಾನ ಪಡೆದುಕೊಂಡಿದ್ದಾರೆ. ಸೂರರೈ ಪೊಟ್ರು ಹಾಗೂ ಜೈ ಭೀಮ್ ಚಿತ್ರಗಳ ಮೂಲಕ ಯಶಸ್ಸು ಸಾಧಿಸಿರುವ ಸೂರ್ಯ ಅವರಿಗೆ ಇದೀಗ ವಿಶೇಷ ಗೌರವ ಸಿಕ್ಕಿದೆ. ದಿ ಅಕಾಡೆಮಿ ಆಫ್ ಮೋಷನ್ ಪಿಕ್ಚರ್ ಆ್ಯಂಡ್ ಸೈನ್ಸ್ ಸೋಶಿಯಲ್ ಮೀಡಿಯಾದಲ್ಲಿ ಈ ಮಾಹಿತಿ ಹಂಚಿಕೊಂಡಿದೆ.