ಕೊನೆಗೂ ಅಭಿಮಾನಿಗಳ ಕಾಯುವಿಕೆ ಅಂತ್ಯವಾಗಿದೆ. ಬಾಲಿವುಡ್ ಸೂಪರ್‌ ಸ್ಟಾರ್ಗಳಾದ ಶಾರುಖ್ ಖಾನ್ ಮತ್ತು ಸಲ್ಮಾನ್ ಖಾನ್ ಅವರ 'ಟೈಗರ್ 3' ಚಿತ್ರದ ವಿಶೇಷ ಸೀಕ್ವೆನ್ಸ್‌ನ ಚಿತ್ರೀಕರಣ ಶೀಘ್ರದಲ್ಲೇ ಪ್ರಾರಂಭವಾಗಲಿದೆ. ಮೂಲಗಳ ಪ್ರಕಾರ, ಇದೇ ಮೇ. 8ರಂದು 'ಟೈಗರ್ 3' ಚಿತ್ರೀಕರಣಕ್ಕಾಗಿ ಇಬ್ಬರೂ ಒಂದೇ ಸೆಟ್‌ನಲ್ಲಿ ಎದುರು ಬದುರಾಗಲಿದ್ದಾರೆ. ಈ ಹಿಂದೆ ಕನಿಷ್ಠ ಒಂದು ವಾರ ಕಾಲ ಒಟ್ಟಿಗೆ ಚಿತ್ರೀಕರಣ ನಡೆಸಲಿದ್ದಾರೆ ಎಂದು ಮೂಲಗಳು ಬಹಿರಂಗಪಡಿಸಿದ್ದವು.
ಎಸ್ಆರ್ಕೆ - ಸಲ್ಲು ಶೂಟಿಂಗ್ ಎಸ್ಆರ್ಕೆ ಮತ್ತು ಸಲ್ಲು ಭಾರತೀಯ ಚಿತ್ರರಂಗದಲ್ಲೇ ಅಪಾರ ಸಂಖ್ಯೆಯ ಅಭಿಮಾನಿಗಳನ್ನು ಹೊಂದಿರುವ ಬಹುಬೇಡಿಕೆ ನಟರು. ಈಗಾಗಲೇ ಕೆಲ ಚಿತ್ರದಲ್ಲಿ ಇಬ್ಬರೂ ಒಟ್ಟಿಗೆ ನಟಿಸಿದ್ದಾರೆ. ಈ ಕಾಂಬೋವನ್ನು ಮತ್ತೆ ಮತ್ತೆ ತೆರೆ ಮೇಲೆ ಒಟ್ಟಾಗಿ ನೋಡಬೇಕೆಂಬುದು ಅಭಿಮಾನಿಗಳ ಆಸೆ. ಇದೀಗ ಇಬ್ಬರೂ ಆದಿತ್ಯ ಚೋಪ್ರಾ ಅವರ ಸ್ಪೈ ಥ್ರಿಲ್ಲರ್ ಚಿತ್ರಕ್ಕೆ ಮತ್ತೆ ಒಂದಾಗುತ್ತಿದ್ದಾರೆ. ಅವರ ಚಿತ್ರೀಕರಣ ಆರಂಭಕ್ಕೆ ಮೇ 8ನ್ನು ನಿಗದಿ ಪಡಿಸಲಾಗಿದೆ.
ಈ ಇಬ್ಬರು ಅಪ್ರತಿಮ ಮೆಗಾಸ್ಟಾರ್‌ಗಳು ಶೂಟಿಂಗ್ ಸೆಟ್ಗೆ ಹೆಜ್ಜೆ ಹಾಕಿದಾಗ 'ಟೈಗರ್ 3ರ ಸೆಟ್'ಗಳಲ್ಲಿನ ಶಕ್ತಿಯು ಸ್ಪಷ್ಟವಾಗಲಿದೆ. ಟೈಗರ್ 3ನಲ್ಲಿ ಈ ಜೋಡಿ ಕೆಲ ಕ್ರೇಜಿ ಆ್ಯಕ್ಷನ್ ಸೀಕ್ವೆನ್ಸ್ನಲ್ಲಿ ಕೆಲಸ ಮಾಡಲಿದ್ದಾರೆ. ಶಾರುಖ್ ಮತ್ತು ಸಲ್ಮಾನ್ ಅವರ ಸೀನ್, ಸೆಟ್ಗೆ ಆರು ತಿಂಗಳಿನಿಂದ ಕೆಲಸ ನಡೆಯುತ್ತಿದೆ. ಟೈಗರ್ 3ನಲ್ಲಿ ಪಠಾಣ್ ಎಂಟ್ರಿ ಬಗ್ಗೆ ಅಭಿಮಾನಿಗಳು ಬೆಟ್ಟದಷ್ಟು ನಿರೀಕ್ಷೆ ಇಟ್ಟುಕೊಂಡಿದ್ದಾರೆ.
ಇದನ್ನೂ ಓದಿ:ಮೇ 13ಕ್ಕೆ ಪರಿಣಿತಿ ಚೋಪ್ರಾ - ರಾಘವ್ ಚಡ್ಡಾ ನಿಶ್ಚಿತಾರ್ಥ
ಈ ಹಿಂದೆ ಖಾನ್ ಕನಿಷ್ಠ ಒಂದು ವಾರ ಕಾಲ ಒಟ್ಟಿಗೆ ಚಿತ್ರೀಕರಣದಲ್ಲಿ ಭಾಗಿಯಾಗಲಿದ್ದಾರೆ ಎಂದು ಮೂಲಗಳು ಬಹಿರಂಗಪಡಿಸಿದ್ದವು. ಈ ಸೀಕ್ವೆನ್ಸ್‌ನ ಚಿತ್ರೀಕರಣಕ್ಕೆ 7 ದಿನ ಮೀಸಲಿಡಲಾಗಿದೆ ಎಂದರೆ ಪ್ರೇಕ್ಷಕರಿಗೆ ಭರ್ಜರಿ ಸೀನ್ಗಳನ್ನು ಕೊಡಲು ವ್ಯಾಪಕವಾದ ಯೋಜನೆಗಳನ್ನು ಹಾಕಲಾಗಿದೆ ಎಂದೇ ತೋರುತ್ತಿದೆ. ಪಠಾಣ್‌ನಲ್ಲಿ ಜನರು ಈ ಇಬ್ಬರನ್ನೂ ಒಟ್ಟಿಗೆ ನೋಡಿದ ನಂತರ ನಿರೀಕ್ಷೆಗಳು ಹೆಚ್ಚಾಗಿವೆ. ಚಿತ್ರ ತಯಾರಕರು ಸಹ ಪ್ರೇಕ್ಷಕರ ನಿರೀಕ್ಷೆ ಬಹಳ ತಿಳಿದಿದ್ದಾರೆ. ಆದ್ದರಿಂದ, ಪಠಾಣ್ ಮತ್ತು ಟೈಗರ್ ನಡುವಿನ ಈ ದೃಶ್ಯವನ್ನು ಭಾರತೀಯ ಚಿತ್ರರಂಗ ನೆನಪಿಡುವಂತಾಗಬೇಕು ಎಂದು ಚಿತ್ರತಂಡ ಶ್ರಮ ವಹಿಸುತ್ತಿದೆ. ಸಿನಿಮಾ ನಿರ್ಮಾಣ ಸಂಸ್ಥೆ ಯಶ್ ರಾಜ್ ಫಿಲ್ಮ್ಸ್ ಮತ್ತು ನಿರ್ದೇಶಕ ಮನೀಶ್ ಶರ್ಮಾ ಇದಕ್ಕೆ ಬೇಕಾದ ಸರ್ವ ತಯಾರಿ ಮಾಡಿಕೊಂಡಿದ್ದು, ಅಭಿಮಾನಿಗಳ ಮನ ಸೆಳೆಯುವ ಯಾವು ವಿಷಯವನ್ನೂ ಬಿಡುತ್ತಿಲ್ಲ ಎಂದು ನಾವು ಭಾವಿಸಬೇಕು.
ಇದನ್ನೂ ಓದಿ:ಸಂಗೀತ ಕಾರ್ಯಕ್ರಮಕ್ಕೆ ತಡೆ: ಎ.ಆರ್ ರೆಹಮಾನ್ ಪ್ರತಿಕ್ರಿಯೆ ಹೀಗಿದೆ
ಟೈಗರ್ ಮೂರನೇ ಭಾಗವನ್ನು ಮನೀಶ್ ಶರ್ಮಾ ನಿರ್ದೇಶಿಸುತ್ತಿದ್ದಾರೆ. ಇದೇ ದೀಪಾವಳಿಗೆ ಚಿತ್ರ ಹಿಂದಿ, ತಮಿಳು ಮತ್ತು ತೆಲುಗು ಭಾಷೆಗಳಲ್ಲಿ ಬಿಡುಗಡೆಯಾಗಲಿದೆ. ಮುಂಬರುವ ಈ ಆ್ಯಕ್ಷನ್ ಸಿನಿಮಾದಲ್ಲಿ ಇಮ್ರಾನ್ ಹಶ್ಮಿ ಅವರು ಸಲ್ಮಾನ್ ಎದುರು ಕಾಣಿಸಿಕೊಳ್ಳಲಿದ್ದಾರೆ. ಕತ್ರಿನಾ ಕೈಫ್ ಚಿತ್ರದ ನಾಯಕ ನಟಿ. ಟೈಗರ್ 1 ಮತ್ತು 2ರಲ್ಲಿಯೂ ಸಲ್ಲು ಕ್ಯಾಟ್ ತೆರೆ ಹಂಚಿಕೊಂಡಿದ್ದರು. ಸಲ್ಮಾನ್ ಮತ್ತು ಶಾರುಖ್ ಕೊನೆಯದಾಗಿ 'ಪಠಾಣ್'ನಲ್ಲಿ ತೆರೆ ಹಂಚಿಕೊಂಡಿದ್ದರು. ಈ ಸಿನಿಮಾ ಪ್ರೇಕ್ಷಕರನ್ನು ತಲುಪಿ, ಬಾಕ್ಸ್ ಆಫೀಸ್ ಲೂಟಿ ಮಾಡುವಲ್ಲಿ ಯಶಸ್ವಿ ಆಯಿತು.
