ಟಾಲಿವುಡ್ ಸ್ಟಾರ್ ಹೀರೋ ರಾಮ್ ಪೋತಿನೇನಿ ಮತ್ತು ಬೋಯಾಪಾಟಿ ಶ್ರೀನು ಕಾಂಬೋದ ಬಹುನಿರೀಕ್ಷಿತ ಚಿತ್ರ ಸ್ಕಂದ. ಹೈ ವೋಲ್ಟೇಜ್ ಪ್ಯಾನ್ ಇಂಡಿಯಾ ಸಿನಿಮಾ ಸ್ಕಂದ ಸಿನಿಪ್ರಿಯರಲ್ಲಿ ಸಾಕಷ್ಟು ಕುತೂಹಲ ಮೂಡಿಸಿದೆ. ರಾಮ್ ಪೋತಿನೇನಿ ಜೊತೆ ಕನ್ನಡತಿ, ಯುವ ತಾರೆ, ಸೆನ್ಸೇಶನಲ್ ತಾರೆ ಶ್ರೀಲೀಲಾ ಕಾಣಿಸಿಕೊಳ್ಳಲಿದ್ದಾರೆ. ಸಿನಿಮಾ ಬಿಡುಗಡೆಗೆ ಇನ್ನೊಂದು ತಿಂಗಳು ಬಾಕಿ ಇದ್ದು, ಪ್ರೇಕ್ಷಕರು ಚಿತ್ರ ವೀಕ್ಷಣೆಗೆ ಕಾತರರಾಗಿದ್ದಾರೆ.
ಮಾಸ್ ಆ್ಯಕ್ಷನ್ ಎಂಟರ್ಟೈನ್ಮೆಂಟ್ ಸಿನಿಮಾ ಸ್ಕಂದ ಮುಂದಿನ ಸೆಪ್ಟೆಂಬರ್ 15 ರಂದು ದೇಶಾದ್ಯಂತ ಅದ್ಧೂರಿಯಾಗಿ ಬಿಡುಗಡೆ ಆಗಲಿದೆ. ಸಿನಿಮಾ ರಿಲೀಸ್ ಡೇಟ್ ಹತ್ತಿರ ಬರುತ್ತಿದ್ದಂತೆ ಚಿತ್ರತಂಡ ವಿಭಿನ್ನ ಪ್ರಚಾರ ಪ್ರಾರಂಭಿಸಿದೆ. ಇತ್ತೀಚೆಗಷ್ಟೇ ಸಿನಿಮಾದ ಹಾಡು ಅನಾವರಣಗೊಂಡು ಸಿನಿಪ್ರಿಯರ ಮನ ಗೆದ್ದಿತ್ತು. ಇದೀಗ ಚಿತ್ರ ಪೋಸ್ಟರ್ ರಿಲೀಸ್ ಆಗುವ ಮೂಲಕ ಅಭಿಮಾನಿಗಳ ಕುತೂಹಲ ಹೆಚ್ಚಿಸಿದ್ದಾರೆ.
ರಾಮ್ ಪೋತಿನೇನಿ ಮತ್ತು ಬೋಯಾಪಾಟಿ ಶ್ರೀನು ಕಾಂಬಿನೇಶನ್ನ ಸ್ಕಂದ ಸಿನಿಮಾ ಪ್ರಚಾರ ಆನ್ಲೈನ್ನಲ್ಲಿ ವೇಗ ಪಡೆದುಕೊಂಡಿದೆ. ಪ್ರಮೋಶನ್ ಮೂಲಕ ಅಭಿಮಾನಿಗಳ ಗಮನವನ್ನು ತನ್ನತ್ತ ಕೇಂದ್ರೀಕರಿಸಿರುವ ಚಿತ್ರತಂಡ, ಸಿನಿಮಾ ಗ್ಲಿಂಪ್ಸ್ ಮತ್ತು ಹಾಡನ್ನು ಅನಾವರಣಗೊಳಿಸಿದ್ದರು. ಇದೀಗ ಚಿತ್ರ ತಯಾರಕರು ಮತ್ತೆರಡು ಹೊಸ ಪೋಸ್ಟರ್ಗಳನ್ನು ಸಾಮಾಜಿಕ ಜಾಲತಾಣದಲ್ಲಿ ಶೇರ್ ಮಾಡಿದ್ದಾರೆ. ಈ ಎರಡೂ ಹೊಸ ಪೋಸ್ಟರ್ಗಳು ಚಿತ್ರಕಥೆಯನ್ನು ಪ್ರತಿನಿಧಿಸುತ್ತಿದೆ. ಶುದ್ಧ ಪ್ರೀತಿ ಮತ್ತು ಆ್ಯಕ್ಷನ್ ಎಲಿಮೆಂಟ್ಸ್ ಅನ್ನು ಈ ಪೋಸ್ಟರ್ಗಳಲ್ಲಿ ಕಾಣಬಹುದು.
ಇದನ್ನೂ ಓದಿ:ಗದರ್ 2 ವೀಕ್ಷಿಸುವ ಆಸೆ ವ್ಯಕ್ತಪಡಿಸಿದ ರಾಷ್ಟ್ರಪತಿ: ದ್ರೌಪದಿ ಮುರ್ಮು ಅವ್ರಿಗೆ ಚಿತ್ರ ತಂಡದಿಂದ ವಿಶೇಷ ಪ್ರದರ್ಶನ
ಚಿತ್ರ ತಯಾರಕರು ಶೇರ್ ಮಾಡಿರುವ ಹೊಸ ಪೋಸ್ಟರ್ ಒಂದರಲ್ಲಿ ಟಾಲಿವುಡ್ ಸ್ಟಾರ್ ಹೀರೋ ರಾಮ್ ಪೋತಿನೇನಿ ಸಖತ್ ಪವರ್ಫುಲ್ ಲುಕ್ನಲ್ಲಿ ಕಾಣಿಸಿಕೊಂಡಿದ್ದಾರೆ. ದಾಡಿ, ಸೀರಿಯಸ್ ನೋಟದಲ್ಲಿ ಕಾಣಿಸಿಕೊಂಡಿರುವ ರಾಮ್ ವಿಲನ್ಗಳ ವಿರುದ್ಧ ಸೆಣಸಾಟಕ್ಕೆ ನಿಂತಿರುವಂತೆ ತೋರುತ್ತಿದೆ. ಸಿನಿಮಾದಲ್ಲಿ ಇದೊಂದು ಕಂಪ್ಲೀಟ್ ಆ್ಯಕ್ಷನ್ ಸೀನ್ ಆಗಿರಲಿದೆ. ಮತ್ತೊಂದು ಪೋಸ್ಟರ್ನಲ್ಲಿ ರಾಮ್ ಶ್ರೀಲೀಲಾರ ಪ್ರೇಮಭರಿತ ನೋಟವಿದೆ. ಚಿತ್ರದಲ್ಲಿ ಇವರಿಬ್ಬರ ಕೆಮಿಸ್ಟ್ರಿ ಸಖತ್ ವರ್ಕ್ ಔಟ್ ಆಗಲಿದೆ ಅನ್ನೋದು ಪೋಸ್ಟರ್ನಲ್ಲಿ ಖಚಿತವಾಗಿದೆ. ಹೊಸ ಪೋಸ್ಟರ್ನಲ್ಲಿ ಸ್ಕಂದ ಕಪಲ್ ಬಹಳ ಆಕರ್ಷಕವಾಗಿ ಕಾಣಿಸಿಕೊಂಡಿದ್ದಾರೆ. ರಾಮ್ ಪೋತಿನೇನಿ ಬಿಳಿ ಪಂಚೆ, ಶರ್ಟ್ನಲ್ಲಿ ಕಾಣಿಸಿಕೊಂಡರೆ, ಶ್ರೀಲೀಲಾ ಗೋಲ್ಡ್ನ್ ಸ್ಯಾರಿಯಲ್ಲಿ ಕಂಗೊಳಿಸಿದ್ದಾರೆ. ಮುದ್ದಾಗಿ ಕಾಣಿಸಿಕೊಮಂಡಿದ್ದು, ಪೋಸ್ಟರ್ಗಳು ಮಾಸ್ ಆ್ಯಂಡ್ ಫ್ಯಾಮಿಲಿ ಪ್ರೇಕ್ಷಕರಿಗೆ ಇಷ್ಟವಾಗಿದೆ. ಸಿನಿಮಾ ಬಗ್ಗೆ ಕುತೂಹಲ ಹೆಚ್ಚಾಗಿದೆ.
ಇದನ್ನೂ ಓದಿ:'ಭೋಲಾಶಂಕರ್' ಉತ್ತಮ ಪ್ರದರ್ಶನ: ಸೌತ್ನಲ್ಲೀಗ 'ಜೈಲರ್'ನದ್ದೇ ಹವಾ
ಸಂತೋಷ್ ಡಿಕೇಟ್ ಛಾಯಾಗ್ರಹಣ, ತಮನ್ ಸಂಗೀತ ಈ ಚಿತ್ರಕ್ಕಿದೆ. ಶ್ರೀನಿವಾಸ್ ಸಿಲ್ವರ್ ಸ್ಕ್ರೀನ್ ಬ್ಯಾನರ್ ಅಡಿ ಶ್ರೀನಿವಾಸ್ ಚಿತ್ತೂರಿ ಅವರು ಸಿನಿಮಾವನ್ನು ನಿರ್ಮಿಸಿದ್ದಾರೆ. ಜೀ ಸ್ಟುಡಿಯೋಸ್ ಸೌತ್ ಹಾಗೂ ಪವನ್ ಕುಮಾರ್ ಅರ್ಪಿಸುತ್ತಿರುವ ಸಿನಿಮಾ ಸೆ. 15 ರಂದು ತೆಲುಗು, ಕನ್ನಡ, ಹಿಂದಿ, ಮಲಯಾಳಂ, ತಮಿಳು ಭಾಷೆಯಲ್ಲಿ ಈ ಸಿನಿಮಾ ಚಿತ್ರಮಂದಿರಗಳಲ್ಲಿ ತೆರೆಕಾಣಲಿದೆ.
