ಮುಂಬೈ : ಬಾಲಿವುಡ್ ನಟ ಕಾರ್ತಿಕ್ ಆರ್ಯನ್ ತಮ್ಮ ಸಹ ನಟರೊಂದಿಗೆ ಲೋಹ್ರಿ ಹಬ್ಬವನ್ನು ಪಂಜಾಬ್ನ ಜಲಂಧರ್ನಲ್ಲಿ ಅದ್ಧೂರಿಯಾಗಿ ಆಚರಿಸಿದ್ದಾರೆ. ನಟ ಕಾರ್ತಿಕ್ ಅವರು ಇದೇ ಮೊದಲ ಬಾರಿಗೆ ಪಂಜಾಬ್ನಲ್ಲಿ ಲೋಹ್ರಿ ಹಬ್ಬವನ್ನು ಆಚರಿಸಿದರು. ಈ ವೇಳೆ ಕಾರ್ತಿಕ್ ತಮ್ಮ ಸಹನಟರೊಂದಿಗೆ ಭಾಂಗ್ರಾ ನೃತ್ಯ ಮಾಡಿದರು.
ಪಂಜಾಬ್ನಲ್ಲಿ ಲೋಹ್ರಿ ಆಚರಣೆ :ಹಬ್ಬದ ಆಚರಣೆಯಲ್ಲಿ ಕಾರ್ತಿಕ್ ಮತ್ತು ಸಹನಟಿ ಕೃತಿ ಸನೊನ್ ಫುಲ್ಕರಿ ದುಪ್ಪಟ್ಟವನ್ನು ಧರಿಸಿ ಮಿಂಚುತ್ತಿದ್ದರು. ಈ ಬಗ್ಗೆ ಸಾಮಾಜಿಕ ತಾಲತಾಣದಲ್ಲಿ ಕಾರ್ತಿಕ್ ಹಂಚಿಕೊಂಡಿದ್ದು, ಶೆಹಜಾದ ಸಿನೆಮಾ ತಂಡದ ಪರವಾಗಿ ಲೋಹ್ರಿ ಹಬ್ಬದ ಶುಭಾಶಯಗಳು. ಇದು ಪಂಜಾಬ್ನಲ್ಲಿ ನನ್ನ ಮೊದಲ ಲೋಹ್ರಿ ಆಚರಣೆ ಎಂದು ಬರೆದುಕೊಂಡಿದ್ದಾರೆ. ಇನ್ನು ಕಾರ್ತಿಕ್ ಆರ್ಯನ್ ಹಾಗೂ ಕೃತಿ ಸನೊನ್ ಮುಖ್ಯ ಭೂಮಿಕೆಯಲ್ಲಿ ನಟಿಸಿರುವ ಶೆಹಜಾದ ಸಿನೆಮಾ ಬಿಡುಗಡೆಗೆ ಸಿದ್ಧವಾಗಿದೆ. ಈ ಸಿನೆಮಾವನ್ನು ರೋಹಿತ್ ಧವನ್ ನಿರ್ದೇಶನ ಮಾಡಿದ್ದಾರೆ. ಈ ಚಿತ್ರದಲ್ಲಿ ಬಾಲಿವುಡ್ ದಿಗ್ಗಜರಾದ ಪರೇಶ್ ರಾವಲ್, ಮನಿಶಾ ಕೊಯಿರಾಲಾ, ರೋನಿತ್ ರಾಯ್ ಮತ್ತು ಸಚಿನ್ ಖೇಡೇಕರ್ ಮುಂತಾದವರು ನಟಿಸಿದ್ದಾರೆ.
ತೆಲುಗು ಸಿನೆಮಾ ಅಲ ವೈಕುಂಠಪುರಮುಲು ರಿಮೇಕ್ : ಈ ಸಿನೆಮಾ 2020ರಲ್ಲಿ ತೆರೆಕಂಡ ತೆಲುಗು ಚಿತ್ರ 'ಅಲ ವೈಕುಂಠಪುರಮುಲು' ಸಿನೆಮಾದ ರಿಮೇಕ್ ಆಗಿದೆ. ಈ ಸಿನೆಮಾದಲ್ಲಿ ಸ್ಟೈಲಿಷ್ ಸ್ಟಾರ್ ಅಲ್ಲು ಅರ್ಜುನ್ ಮತ್ತು ಪೂಜಾ ಹೆಗಡೆ ತೆರೆ ಮೇಲೆ ಮೋಡಿ ಮಾಡಿದ್ದರು.
ಚಿತ್ರ ತಂಡಕ್ಕೆ ಅಭಿನಂದನೆ ಸಲ್ಲಿಸಿದ ಕರಣ್ ಜೋಹರ್:ಶೆಹಜಾದಾ ಸಿನೆಮಾದ ಟ್ರೈಲರ್ ಗುರುವಾರ ಬಿಡುಗಡೆಯಾಗಿದ್ದು, ಉತ್ತಮ ಪ್ರತಿಕ್ರಿಯೆ ವ್ಯಕ್ತವಾಗಿದೆ. ಸಿನೆಮಾಗೆ ಸ್ಟಾರ್ ನಟರು ಮತ್ತು ನಿರ್ದೇಶಕರು ಮತ್ತು ನಿರ್ಮಾಪಕರು ಶುಭ ಕೋರಿದ್ದಾರೆ. ಜೊತೆಗೆ ಬಾಲಿವುಡ್ ಖ್ಯಾತ ನಿರ್ಮಾಪಕ ಕರಣ್ ಜೋಹರ್ ಚಿತ್ರ ತಂಡಕ್ಕೆ ಅಭಿನಂದನೆ ಸಲ್ಲಿಸಿದ್ದಾರೆ.