ಜವಾನ್ ಸಿನಿಮಾ ಶೂಟಿಂಗ್​ನಲ್ಲಿ ಬ್ಯುಸಿಯಾದ ಎಸ್​ಆರ್​ಕೆಗೆ ಸೇತುಪತಿ-ದಳಪತಿ ಸಾಥ್

ಜವಾನ್ ಚಿತ್ರತಂಡ ಇತ್ತೀಚೆಗೆ ಚೆನ್ನೈನಲ್ಲಿ ನಿಗದಿ ಪಡಿಸಲಾಗಿದ್ದ ಶೂಟಿಂಗ್​ ಮುಗಿಸಿದೆ. ಈ ಸಮಯದಲ್ಲಿ ಬಾಲಿವುಡ್​​ನ ಸೂಪರ್​ ಸ್ಟಾರ್​ಗೆ ತಮಿಳು ಚಿತ್ರರಂಗದ ನಯನತಾರಾ, ರಜನಿಕಾಂತ್, ವಿಜಯ್ ಸೇತುಪತಿ ಮತ್ತು ವಿಜಯ್ ಸಾಥ್​ ನೀಡಿದ್ದಾರೆ.

ಬಾಲಿವುಡ್ ಸೂಪರ್‌ಸ್ಟಾರ್ ಶಾರುಖ್ ಖಾನ್ ತಮಿಳು ಚಲನಚಿತ್ರ ನಿರ್ಮಾಪಕ, ನಿರ್ದೇಶಕ ಅಟ್ಲಿ ಅವರೊಂದಿಗೆ ಮುಂದಿನ ಸಿನಿಮಾ ಶೂಟಿಂಗ್​ನಲ್ಲಿ ನಿರತರಾಗಿದ್ದಾರೆ. ಜವಾನ್ ಎಂದು ಟೈಟಲ್​ ಇಡಲಾಗಿರುವ ಈ ಚಿತ್ರದಲ್ಲಿ ನಯನತಾರಾ ಕೂಡ ಪ್ರಮುಖ ಪಾತ್ರದಲ್ಲಿ ನಟಿಸಿದ್ದಾರೆ. ಜವಾನ್ ಚಿತ್ರತಂಡ ಇತ್ತೀಚೆಗೆ ಚೆನ್ನೈನಲ್ಲಿ ನಿಗದಿ ಪಡಿಸಲಾಗಿದ್ದ ಶೂಟಿಂಗ್​ ಮುಗಿಸಿದೆ. ಈ ಸಮಯದಲ್ಲಿ ಬಾಲಿವುಡ್​​ನ ಸೂಪರ್​ ಸ್ಟಾರ್​ಗೆ ತಮಿಳು ಚಿತ್ರರಂಗದ ರಜನಿಕಾಂತ್, ವಿಜಯ್ ಸೇತುಪತಿ ಮತ್ತು ವಿಜಯ್ ಸಾಥ್​ ನೀಡಿದ್ದಾರೆ.

ಸೂಪರ್‌ಸ್ಟಾರ್ ಎಸ್‌ಆರ್‌ಕೆ ಮತ್ತು ಅಟ್ಲಿ ತಂಡ ಚೆನ್ನೈನಲ್ಲಿ ಜವಾನ್ ಶೂಟಿಂಗ್​ ಮುಗಿಸಿದ್ದು, ಎಸ್​ಆರ್​ಕೆ ಚೆನ್ನೈನಲ್ಲಿ ತಮ್ಮ 30 ದಿನಗಳು ಹೇಗಿದ್ದವು ಎಂಬುದನ್ನು ಟ್ವೀಟ್ ಮೂಲಕ ಹಂಚಿಕೊಂಡಿದ್ದಾರೆ. ''ಅದ್ಭುತ ದಿನಗಳು, ನಯನ ತಾರಾ ಜೊತೆ ಸಿನಿಮಾ ನೋಡಿದ್ದು, ವಿಜಯ್​ ಸೇತುಪತಿ ಜೊತೆಗಿನ ಚರ್ಚೆ, ವಿಜಯ್​ ಊಟ ಕೊಟ್ಟಿದ್ದು ಎಲ್ಲವೂ ಸುಂದರ ಕ್ಷಣಗಳು ಎಂದು ಶಾರುಖ್​ ಖಾನ್​​ ಟ್ವೀಟ್ ಮಾಡಿದ್ದಾರೆ. ಜೊತೆಗೆ ಜವಾನ್ ನಿರ್ದೇಶಕ ಅಟ್ಲಿ ಮತ್ತು ಅವರ ಪತ್ನಿ ಕೃಷ್ಣ ಪ್ರಿಯಾ ಅವರ ಆತಿಥ್ಯಕ್ಕಾಗಿ ಧನ್ಯವಾದ ಹೇಳಿದ್ದಾರೆ. ಚಿಕನ್ 65 ಮಾಡೋದನ್ನು ಪ್ರಿಯಾ ಅವರಿಂದ ಕಲಿಯಬೇಕಾಗಿದೆ ಎಂದು ಟ್ವೀಟ್​ನಲ್ಲಿ ತಿಳಿಸಿದ್ದಾರೆ.

ಇದನ್ನೂ ಓದಿ:ಆರ್​ಆರ್​ಆರ್​ ಸಿನಿಮಾಗೆ ಆಸ್ಕರ್​ ಆಸೆ ಜೀವಂತ.. ಈ ಕೆಟಗರಿಯಲ್ಲಿ ಸಿಗುತ್ತಾ ಪ್ರಶಸ್ತಿ

ಗೌರಿ ಖಾನ್ ನಿರ್ಮಾಣದ​​ ಜವಾನ್ ಸಿನಿಮಾವನ್ನು ರೆಡ್​ ಚಿಲ್ಲೀಸ್​ ಎಂಟರ್​ಟೈನ್​ಮೆಂಟ್ ಪ್ರಸ್ತುತಪಡಿಸಲಿದೆ. ಶಾರುಖ್ ಹಂಚಿಕೊಂಡಿರುವ ಚಿತ್ರದ ಫಸ್ಟ್ ಲುಕ್ ಪೋಸ್ಟರ್ ಈಗಾಗಲೇ ಸಾಕಷ್ಟು ಕ್ರೇಜ್ ಸೃಷ್ಟಿಸಿದೆ. ಜವಾನ್ ಸಿನಿಮಾ ಜೂನ್ 2, 2023 ರಂದು ಹಿಂದಿ, ತಮಿಳು, ತೆಲುಗು, ಮಲಯಾಳಂ ಮತ್ತು ಕನ್ನಡ ಐದು ಭಾಷೆಗಳಲ್ಲಿ ಅದ್ಧೂರಿಯಾಗಿ ತೆರೆ ಕಾಣಲಿದೆ.