ಬೇಶರಂ ರಂಗ್ ಹಾಡಿನಲ್ಲಿ ನಟಿಯ ವೇಷಭೂಷಣದ ಹಿನ್ನೆಲೆಯಲ್ಲಿ ಭಾರಿ ವಿವಾದಕ್ಕೆ ಸಿಲುಕಿರುವ ನಟ ಶಾರುಖ್ ಖಾನ್ ನಿನ್ನೆ ಸಾಮಾಜಿಕ ಮಾಧ್ಯಮದಲ್ಲಿ ತಮ್ಮ ಅಭಿಮಾನಿಗಳೊಂದಿಗೆ ಸಂವಾದ ನಡೆಸಿದ್ದಾರೆ. 'ಪಠಾಣ್' ಸಿನಿಮಾವನ್ನು ಏಕೆ ವೀಕ್ಷಿಸಬೇಕು? ಎಂಬುದಕ್ಕೆ ಅವರು ಕಾರಣ ತಿಳಿಸಿದರು.
ಶನಿವಾರ ಎಸ್ಆರ್ಕೆ ಟ್ವಿಟರ್ನಲ್ಲಿ #AskSRK ಸೆಶನ್ ಅನ್ನು ನಡೆಸಿದರು. ಈ ಸಮಯದಲ್ಲಿ ಅಭಿಮಾನಿಗಳು ಥ್ರಿಲ್ಲರ್ ಮೂವಿ 'ಪಠಾಣ್'ಗೆ ಸಂಬಂಧಿಸಿದಂತೆ ಪ್ರಶ್ನೆ ಕೇಳಿದರು. ಈ ವೇಳೆ ಬಳಕೆದಾರರಲ್ಲಿ ಒಬ್ಬರು, 'ಪಠಾಣ್ ಚಲನಚಿತ್ರವನ್ನು ಏಕೆ ವೀಕ್ಷಿಸಬೇಕು?' ಎಂದು ಕೇಳಿದ್ದಾರೆ. ಅದಕ್ಕೆ ಎಸ್ಆರ್ಕೆ, 'I guess maza aayega is liye...'(ಅಂದರೆ ಸಿನಿಮಾ ಮನೋರಂಜನೆ ನೀಡಲಿದೆ/ಸಿನಿಮಾ ನೋಡೋದ್ರಿಂದ ಮಜಾ ಸಿಗುತ್ತೆ) ಎಂದು ನಾನು ಭಾವಿಸುತ್ತೇನೆ ಅಂತಾ ಉತ್ತರಿಸಿದ್ದಾರೆ. 15 ನಿಮಿಷಗಳ ಈ ಸೆಶನ್ ಅವಧಿಯಲ್ಲಿ, 'ಡಾನ್' ನಟ ತಮ್ಮ ವೃತ್ತಿಜೀವನ, ಕುಟುಂಬ ಮತ್ತು ಫಿಫಾ ವಿಶ್ವಕಪ್, ಪಠಾಣ್ ಚಿತ್ರ ಸೇರಿದಂತೆ ಹಲವು ಪ್ರಶ್ನೆಗಳಿಗೆ ಉತ್ತರಿಸಿದರು.
ಇದನ್ನೂ ಓದಿ:ಆಯ್ಕೆಯ ಸ್ವಾತಂತ್ರ್ಯ ನಮ್ಮ ಮೂಲಭೂತ ಹಕ್ಕು: ದೀಪಿಕಾ ಪರ ನಿಂತ ನಟಿ ರಮ್ಯಾ