ಬಾಲಿವುಡ್ ಸೂಪರ್ ಸ್ಟಾರ್ ಶಾರುಖ್ ಖಾನ್ ನಟನೆಯ ಬಹುನಿರೀಕ್ಷಿತ 'ಜವಾನ್' ಸಿನಿಮಾದ ಪ್ರಿವ್ಯೂ ಈಗಾಗಲೇ ಬಿಡುಗಡೆಯಾಗಿ ಟ್ರೆಂಡಿಂಗ್ನಲ್ಲಿದೆ. 2 ನಿಮಿಷಗಳ ಈ ವಿಡಿಯೋದಲ್ಲಿ ಕಿಂಗ್ ಖಾನ್ ಲುಕ್ಗೆ ಪ್ರೇಕ್ಷಕರು ಫಿದಾ ಆಗಿದ್ದಾರೆ. ಚಿತ್ರದ ಸಂಭಾಷಣೆಗಳು ಮತ್ತು ಸಾಹಸ ದೃಶ್ಯಗಳು ರೋಚಕವಾಗಿದೆ. ಆ್ಯಕ್ಷನ್ ಪ್ಯಾಕ್ಡ್ 'ಜವಾನ್' ಪ್ರಿವ್ಯೂ ಜನರನ್ನು ಮತ್ತೊಂದು ಲೋಕಕ್ಕೆ ಕೊಂಡೊಯ್ದಿದೆ.
'ಆಸ್ಕ್ ಎಸ್ಆರ್ಕೆ' ಸೆಷನ್:ಗುರುವಾರ, ಶಾರುಖ್ ಟ್ವಿಟರ್‌ನಲ್ಲಿ 'ಆಸ್ಕ್ ಎಸ್ಆರ್ಕೆ' ಸೆಷನ್ ಅನ್ನು ನಡೆಸಿದರು. ಅಲ್ಲಿ ಅಭಿಮಾನಿಗಳು ಕೇಳಿದ ಜವಾನ್ಗೆ ಸಂಬಂಧಿಸಿದ ಪ್ರಶ್ನೆಗಳಿಗೆ ಉತ್ತರಿಸಿದರು. ಪ್ರಶ್ನೋತ್ತರ ಸುತ್ತಿನಲ್ಲಿ, ಶಾರುಖ್ ಅವರು ತಮ್ಮ ಪತ್ನಿ ಗೌರಿ ಖಾನ್ ಮತ್ತು ಕಿರಿಯ ಮಗ ಅಬ್ರಾಂ ಖಾನ್ 'ಜವಾನ್' ಪ್ರಿವ್ಯೂ ಅನ್ನು ಮೆಚ್ಚಿಕೊಂಡಿರುವುದಾಗಿ ಬಹಿರಂಗಪಡಿಸಿದರು.
"ಶಾರುಖ್ ಸರ್ ಜವಾನ್ ಚಿತ್ರದ ಪ್ರಿವ್ಯೂ ನೋಡಿದ ಮೇಲೆ ಗೌರಿ ಅವರ ಪ್ರತಿಕ್ರಿಯೆ ಏನು?" ಎಂದು ನೆಟಿಜನ್ ಪ್ರಶ್ನಿಸಿದರು. ಇದಕ್ಕೆ ಪ್ರತಿಕ್ರಿಯಿಸಿದ ಕಿಂಗ್ ಖಾನ್, "ಜವಾನ್ ಬಹಳಷ್ಟು ಮಹಿಳಾ ಶಕ್ತಿಯನ್ನು ತೋರಿಸುತ್ತದೆ ಎಂಬ ಅಂಶವನ್ನು ಗೌರಿ ಪ್ರೀತಿಸುತ್ತಾರೆ" ಎಂದು ಹೇಳಿದರು. ಮತ್ತೊಬ್ಬ ಬಳಕೆದಾರರು ಅಬ್ರಾಂ ಖಾನ್ ಅವರ ಪ್ರತಿಕ್ರಿಯೆಯನ್ನು ತಿಳಿದುಕೊಳ್ಳಲು ಕುತೂಹಲ ಹೊಂದಿದ್ದರು.
"ಜವಾನ್ ಪ್ರಿವ್ಯೂ ಅನ್ನು ಅಬ್ರಾಂ ಖಾನ್ ಹೇಗೆ ಸ್ವೀಕರಿಸಿದರು?" ಎಂದು ಅಭಿಮಾನಿಯೊಬ್ಬರು ಪ್ರಶ್ನಿಸಿದರು. ಇದಕ್ಕೆ ಉತ್ತರಿಸಿದ ಶಾರುಖ್ ಖಾನ್, ಅವರು ಅನಿರುದ್ಧ್ ನೀಡಿದ ಶೀರ್ಷಿಕೆ ಸಂಗೀತವನ್ನು ಇಷ್ಟಪಡುತ್ತಾರೆ. ವಿಶೇಷವಾಗಿ ಶಿಳ್ಳೆ! ಎಂದು ಹೇಳಿದರು. ಇನ್ನೂ ಅನೇಕ ಸೋಷಿಯಲ್ ಮೀಡಿಯಾ ಬಳಕೆದಾರರು ಸಿನಿಮಾ ಮತ್ತು ವ್ಯೆಯಕ್ತಿಕ ವಿಚಾರವಾಗಿ ಪ್ರಶ್ನಿಸಿದ್ದಾರೆ. ಇದೆಲ್ಲದಕ್ಕೂ ಶಾರುಖ್ ಖಾನ್ ಉತ್ತರಿಸಿದ್ದಾರೆ.