ಮುಂಬೈ:ರನ್ ಮಷಿನ್ ಆನ್ ಫೀಲ್ಡ್ನಲ್ಲಿ ಎಷ್ಟು ಅಗ್ರೆಸಿವ್ ಆಗಿರುತ್ತಾರೂ, ಅಷ್ಟೇ ಜಾಲಿಯಾಗಿರುತ್ತಾರೆ. ಫೀಲ್ಡಿಂಗ್ ಮಾಡುವಾಗ ನೆರೆದಿರುವ ಪ್ರೇಕ್ಷಕರ ಜೊತೆ ಸಂವಹನ ಮಾಡುತ್ತಿರುತ್ತಾರೆ. ಅವರ ಈ ಜಾಲಿ ಮೂಡ್ ಹೆಚ್ಚಿನವರು ಇಷ್ಟ ಪಡುತ್ತಾರೆ. ಎದುರಾಳಿ ತಂಡದ ಆಟಗಾರರೊಂದಿಗೂ ಹಾಸ್ಯಗಳನ್ನು ಮಾಡುವುದು ಕೆಲವೊಮ್ಮೆ ವೈರಲ್ ಆಗಿದೆ. ಈಗ ಪಠಾಣ್ ಸಿನಿಮಾ ಸಂಬಂಧ ವಿರಾಟ್ ಶಾರುಖ್ ಖಾನ್ರಿಂದ ಮೆಚ್ಚುಗೆ ಪಡೆದಿದ್ದಾರೆ.
ಹೌದು..ಆಸ್ಟ್ರೇಲಿಯಾ ಭಾರತದ ಪ್ರವಾಸದಲ್ಲಿದ್ದು ಬಾರ್ಡರ್ ಗವಾಸ್ಕರ್ ಟ್ರೋಪಿ ಟೆಸ್ಟ್ ಪಂದ್ಯ ನಡೆಯುತ್ತಿದೆ. ಮೊದಲ ಟೆಸ್ಟ್ ಪಂದ್ಯ ಮಹಾರಾಷ್ಟ್ರದ ನಾಗ್ಪುರದಲ್ಲಿರುವ ವಿದರ್ಭ ಕ್ರೀಡಾಂಗಣದಲ್ಲಿ ಫೆಬ್ರವರಿ 9ಕ್ಕೆ ಆರಂಭವಾಗಿ 11ಕ್ಕೆ ಮುಕ್ತಾಯವಾಗಿತ್ತು. ಈ ಪಂದ್ಯದ ಡ್ರಿಂಕ್ಸ್ ಬ್ರೇಕ್ ಸಮಯದಲ್ಲಿ ವಿರಾಟ್ ಮಾಡಿದ ಒಂದು ಡ್ಯಾನ್ಸ್ ಈಗ ವೈರಲ್ ಆಗಿದ್ದು, ಶಾರುಖ್ ಖಾನ್ ಅವರಿಂದ ಮೆಚ್ಚುಗೆ ವ್ಯಕ್ತವಾಗಿದೆ.
ನಾರ್ಥ್ನ ಸಿನಿಮಾ ಇಂಡಸ್ಟ್ರೀ ಸತತ ಫ್ಲಾಫ್ ಆಗುತ್ತಿದ್ದ ವೇಳೆ ಬಾಲಿವುಡ್ನ ಬಾದ್ ಶಾ ಎಂದೇ ಖ್ಯಾತಿಯ ಶಾರುಖ್ ಖಾನ್ ಅವರ ಪಠಾಣ್ ಗೆಲುವು ಸಾಧಿಸುವ ಮೂಲಕ ಮತ್ತೊಮ್ಮೆ ಹಿಂದಿ ಸಿನಿಮಾದಲ್ಲಿ ತಮ್ಮ ಅಧಿಪತ್ಯ ಸ್ಥಾಪಿಸಿದ್ದಾರೆ. ಶಾರುಖ್ ಖಾನ್ 'ಪಠಾಣ್' ಚಿತ್ರದ ಮೂಲಕ ವಿಶ್ವದಾದ್ಯಂತ ಕಳೆದುಹೋದ ಸ್ಟಾರ್‌ಡಮ್ ಅನ್ನು ಮರಳಿ ಪಡೆದಿದ್ದಾರೆ.
ಕಿಂಗ್ ಖಾನ್ ಇದೀಗ 'ಪಠಾಣ್' ಮೂಲಕ ವಿಶ್ವದಾದ್ಯಂತ ಸದ್ದು ಮಾಡುತ್ತಿದ್ದು, ಬಾಕ್ಸ್ ಆಫೀಸ್ನಲ್ಲಿ 950 ಕೋಟಿ ರೂ.ಗೂ ಹೆಚ್ಚು ಗಳಿಸಿ ಮುನ್ನುಗ್ಗುತ್ತಿದೆ. ಪಠಾಣ್ ಚಿತ್ರ ಜನವರಿ 25 ರಂದು ಬಿಡುಗಡೆಯಾಗಿದ್ದು, ಗಳಿಕೆಯಲ್ಲಿ ಹಳೆ ದಾಖಲೆಗಳನ್ನು ಪುಡಿಗಟ್ಟಿ ಹೊಸ ಇತಿಹಾಸ ಸೃಷ್ಟಿಸುತ್ತಿದೆ. ಬಿಡುಗಡೆಗೂ ಮುನ್ನ ಹಲವಾರೂ ಟೀಕೆ ಹಾಗೂ ಬೈಕಾಟ್ಗೆ ಒಳಗಾದರೂ, ತೆರೆಕಂಡ ನಂತರ ಜನರ ಮೆಚ್ಚುಗೆಗೆ ಪಾತ್ರವಾಗಿದೆ. ಶಾರುಖ್ ಖಾನ್ ಅವರ ಅಭಿಮಾನಿಗಳು 'ಪಠಾಣ್' ಚಿತ್ರದ ಆಕ್ಷನ್ ಮತ್ತು ಹಾಡುಗಳನ್ನು ತೀವ್ರವಾಗಿ ಫೀದಾ ಆಗಿದ್ದಾರೆ. ಸಿನಿಮಾದ ಹಾಡುಗಳು ರೀಲ್ಗಳಲ್ಲಿ ಹೆಚ್ಚಾಗಿ ಕಂಡುಬರುತ್ತಿದೆ.