'little unwell'..ಪಠಾಣ್​ ಬಾಯ್ಕಾಟ್​ ಬಿಸಿ-ಅಭಿಮಾನಿಗಳ ಚಿಂತೆಗೆ ಕಾರಣವಾಯ್ತು ಶಾರುಖ್ ಹೇಳಿಕೆ​​

ಆಹಾರ ಪದ್ಧತಿಯ ಬಗ್ಗೆ ಅಭಿಮಾನಿಯೊಬ್ಬರು ಕೇಳಿದಾಗ, "ಸ್ವಲ್ಪ ಅಸ್ವಸ್ಥ"ನಾಗಿದ್ದೇನೆ ಎಂದು ನಟ ಶಾರುಖ್ ಖಾನ್ ತಿಳಿಸಿದರು.

ಬಾಲಿವುಡ್​​ ಚಿತ್ರ ಪಠಾಣ್ ಬಾಯ್ಕಾಟ್​​​ ಕರೆಗಳ ನಡುವೆ ಶನಿವಾರದಂದು ನಟ ಶಾರುಖ್ ಖಾನ್ ಅಭಿಮಾನಿಗಳೊಂದಿಗೆ ಟ್ವಿಟರ್ ಸೆಶನ್​ ನಡೆಸಿದರು. ಅಭಿಮಾನಿಗಳೊಂದಿಗಿನ ಆನ್‌ಲೈನ್ ಸಂಭಾಷಣೆಯ ಸಮಯದಲ್ಲಿ, ಈ ದಿನಗಳಲ್ಲಿ "ಸ್ವಲ್ಪ ಅಸ್ವಸ್ಥ"ನಾಗಿದ್ದೇನೆ ( "little unwell" ) ಎಂದು ಎಸ್​​ಆರ್​ಕೆ ಬಹಿರಂಗಪಡಿಸಿದರು.

ಶಾರುಖ್ ಖಾನ್ ಆರೋಗ್ಯ ಸ್ಥಿತಿ

ಟ್ವಿಟರ್​ನಲ್ಲಿ ನಡೆದ #ASK SRK ಸೆಶನ್​​ನಲ್ಲಿ​​ ಫ್ಯಾನ್ಸ್​ ಕೇಳಿದ ಪ್ರಶ್ನೆಗೆ ಶಾರುಖ್ ಖಾನ್​​​​ ಉತ್ತರ ನೀಡಿದ್ದಾರೆ. ಈ ಸೆಶನ್​​ನಲ್ಲಿ ಹಲವು ಪ್ರಶ್ನೆಗಳಿಗೆ ಉತ್ತರಿಸಿದ್ದು, ಕೆಲ ಅಭಿಮಾನಿಗಳ ಚಿಂತೆಗೆ ಕಾರಣವಾಗಿದೆ. ಮತ್ತು ಹಲವು ಖುಷಿ ಕೊಟ್ಟಿದೆ. ಇತ್ತೀಚೆಗೆ "ಸ್ವಲ್ಪ ಅಸ್ವಸ್ಥ"ನಾಗಿದ್ದೇನೆಂದೂ ಕೂಡ ಎಸ್​ಆರ್​ಕೆ ಹೇಳಿದರು.

ಶಾರುಖ್ ಖಾನ್ ಟ್ವೀಟ್

ಆಹಾರ ಪದ್ಧತಿಯ ಬಗ್ಗೆ ಅಭಿಮಾನಿಯೊಬ್ಬರು ಕೇಳಿದಾಗ, "ಸೋಂಕಿನಿಂದ ಸ್ವಲ್ಪ ಅಸ್ವಸ್ಥನಾಗಿದ್ದೇನೆ, ಹಾಗಾಗಿ ಈ ದಿನಗಳಲ್ಲಿ ದಾಲ್ ಚಾವಲ್ ಮಾತ್ರ ಸೇವಿಸುತ್ತಿರುವೆ" ಎಂದು ಉತ್ತರಿಸಿದ್ದಾರೆ. ಈ ಟ್ವೀಟ್​ನಿಂದ ಕಿಂಗ್​ ಖಾನ್​ನ ಅಭಿಮಾನಿಗಳು ಚಿಂತಿತರಾಗಿದ್ದಾರೆ. 57 ವರ್ಷದ ಸೂಪರ್‌ಸ್ಟಾರ್ ಶೀಘ್ರದಲ್ಲೇ ಗುಣಮುಖರಾಗಲಿ ಎಂದು ಹಾರೈಸಿದ್ದಾರೆ.

ಇದನ್ನೂ ಓದಿ:'ಯಶ್​ ಈಸ್​ ವಾವ್..'​: ಕೆಜಿಎಫ್​ ಸ್ಟಾರ್​ ಬಗ್ಗೆ ಶಾರುಖ್‌ ಖಾನ್​​ ಮೆಚ್ಚುಗೆಯ ನುಡಿ

''ಪಾಪ ನೀವು ನಮಗೆ ತಿಳಿದಿರುವ ಅತ್ಯಂತ ಕರುಣಾಮಯಿ ವ್ಯಕ್ತಿ'' ಎಂಬುದು ಶಾರುಖ್​ ಅವರಿಗೆ ಸಿಕ್ಕ ಬೆಸ್ಟ್ ಕಾಂಪ್ಲಿಮೆಂಟ್ಸ್ ಅಂತೆ. ಈ ಮೆಚ್ಚುಗೆಯನ್ನು ಅವರ ಸ್ವತಃ ಕಿಂಗ್​ ಖಾನ್​ ಮಕ್ಕಳೇ ನೀಡಿರುವುದಾಗಿದೆ. ಸಹ ನಟ ಜಾನ್ ಅಬ್ರಹಾಂ ಶಾರುಖ್​ ಅವರಿಗೆ ಈ ಚಲನಚಿತ್ರಕ್ಕಾಗಿ ಮೋಟಾರ್ ಸೈಕಲ್ ಸವಾರಿ ಮಾಡುವುದು ಹೇಗೆ ಎಂಬುದನ್ನು ಕಲಿಸಿಕೊಟ್ಟಿದ್ದಾರೆ. "ಹೆಚ್ಚು ಟ್ರಾಫಿಕ್‌ನಲ್ಲಿ ಸವಾರಿ ಮಾಡುವುದು ಹೇಗೆ ಎಂದು ನಾನು ಚಿಂತಿತನಾಗಿದ್ದೆ. ಬಳಿಕ ನನಗೆ ಬೈಕ್​ ಓಡಿಸಲು ಕಲಿಸಲು ಜಾನ್‌ ಅವರಲ್ಲಿ ಕೇಳಿದ್ದೆ, ಅವರು ಉತ್ತಮವಾಗಿ ಕಲಿಸಿಕೊಟ್ಟಿದ್ದಾರೆ" ಎಂದು ಎಸ್​ಆರ್​ಕೆ ಬಹಿರಂಗಪಡಿಸಿದರು. ಹೀಗೆ ಅಭಿಮಾನಿಗಳ ಹಲವು ಪ್ರಶ್ನೆಗಳಿಗೆ ಉತ್ತರಿಸಿದ್ದಾರೆ ನಟ ಶಾರುಖ್​ ಖಾನ್.

ಇದನ್ನೂ ಓದಿ:'ಪಠಾಣ್' ಸಿನಿಮಾ ಏಕೆ ನೋಡ್ಬೇಕು?: ಶಾರುಖ್ ಖಾನ್ ಉತ್ತರ ಹೀಗಿತ್ತು..