ಬಾಲಿವುಡ್ ಸೂಪರ್‌ಸ್ಟಾರ್ ಕಿಂಗ್ ಖಾನ್ ಶಾರುಖ್ ಖಾನ್ ಅತ್ಯಂತ ಆತ್ಮೀಯ ಅಭಿಮಾನಿಗಳನ್ನು ಹೊಂದಿದ್ದಾರೆ. ಅವರ ಹುಟ್ಟುಹಬ್ಬ ಮತ್ತು ಈದ್‌ನಂದು, ಮುಂಬೈನ ಅವರ ನಿವಾಸ ಹೊರಗೆ ರಾತ್ರೋರಾತ್ರಿ ಬಂದು ಅವರಿಗೆ ಶುಭಾಶಯ ತಿಳಿಸುತ್ತಾರೆ. ಅಭಿಮಾನಿಗಳೇ ನಟ, ನಟಿಯರಿಗೆ ಆಸ್ತಿ ಎಂಬುದನ್ನು ಅರಿತುಕೊಂಡಿರುವ ಶಾರುಖ್ ಎಂದಿಗೂ ಅವರಿಗೆ ಬೇಸರ ಆಗುವಂತೆ ನಡೆದುಕೊಳ್ಳಲು ಇಚ್ಚಿಸುವುದಿಲ್ಲ. ಇತ್ತೀಚೆಗೆ ಒಬ್ಬ ಅಭಿಮಾನಿಯ ಬೇಡಿಕೆಯನ್ನು ಕಿಂಗ್ ಖಾನ್ ಈಡೇರಿಸಿದ್ದಾರೆ.
ಹೌದು, ನಟ ಶಾರುಖ್ ಅನೇಕ ವರ್ಷಗಳಿಂದ ಟರ್ಮಿನಲ್ ಕ್ಯಾನ್ಸರ್‌ನೊಂದಿಗೆ ಹೋರಾಡುತ್ತಿರುವ ಕೋಲ್ಕತ್ತಾದ ಅವರ ಕಟ್ಟಾ ಅಭಿಮಾನಿಯೊಬ್ಬರೊಂದಿಗೆ ಮಾತನಾಡಿದ್ದಾರೆ. ಸಾಮಾಜಿಕ ಜಾಲತಾಣದ ಮೂಲಕ ಅಭಿಮಾನಿಯ ಬಗ್ಗೆ ತಿಳಿದುಕೊಂಡ ನಟ ಅವರ ಆಸೆಯನ್ನು ಈಡೇರಿಸಿದ್ದಲ್ಲದೇ ಸಹಾಯಕ್ಕೂ ನಿಂತಿದ್ದಾರೆ.
ಶಾರುಖ್ ಖಾನ್ ಸಾಮಾಜಿಕ ಜಾತಲಾಣಗಳಲ್ಲಿ ಹೆಚ್ಚು ಸಕ್ರೀಯವಾಗಿ ಇರುತ್ತಾರೆ. ಅವರ ಚಲನ ಚಿತ್ರಗಳ ಬಗ್ಗೆ ಮಾಹಿಯನ್ನು ಹಾಗೂ ವೈಯುಕ್ತಿಕ ಕೆಲ ವಿಚಾರಗಳನ್ನು ಸಹ ತಮ್ಮ ಖಾತೆಯಲ್ಲಿ ಹಂಚಿಕೊಳ್ಳುತ್ತಾರೆ. ಟ್ವಿಟರ್ನಲ್ಲಿ ಕೆಲವೊಮ್ಮ ಅಭಿಮಾನಿಗಳಿಗೆ ಪ್ರಶ್ನೆ ಕೇಳುವಂತೆ ಆಹ್ವಾನ ಕೊಟ್ಟು ಎಲ್ಲರ ಪ್ರಶ್ನೆಗಳಿಗೂ ಉತ್ತರಿಸುವ ಸಂಪ್ರದಾಯವನ್ನೂ ಮಾಡಿಕೊಂಡು ಬಂದಿದ್ದಾರೆ.
ಇತ್ತೀಚೆಗೆ, ಕೋಲ್ಕತ್ತಾದ ತಾಯಿ-ಮಗಳು ಜೋಡಿಯನ್ನು ಒಳಗೊಂಡ ವೀಡಿಯೊ ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್ ಆಗಿತ್ತು. ಕ್ಲಿಪ್‌ನಲ್ಲಿ, ಶಿವಾನಿ ಚಕ್ರವರ್ತಿ ಎಂಬ ಕ್ಯಾನ್ಸರ್ ರೋಗಿಯು ಕಿಂಗ್ ಖಾನ್ ಅವರನ್ನು ಭೇಟಿಯಾಗುವುದು ತನ್ನ ಕೊನೆಯ ಆಸೆ ಎಂದು ವ್ಯಕ್ತಪಡಿಸಿದ್ದಾರೆ. ಶಿವಾನಿ ಅವರ ಪುತ್ರಿ ಪ್ರಿಯಾ ಚಕ್ರವರ್ತಿ ಈ ವಿಡಿಯೋವನ್ನು ಸಾಮಾಜಿಕ ಮಾಧ್ಯಮದಲ್ಲಿ ಪೋಸ್ಟ್ ಮಾಡಿದ್ದಾರೆ ಮತ್ತು ಟ್ವಿಟರ್ನಲ್ಲಿ ಎಸ್‌ಆರ್‌ಕೆ ಮತ್ತು ಅವರ ತಂಡವನ್ನು ಟ್ಯಾಗ್ ಮಾಡಿದ್ದಾರೆ. ಪ್ರಿಯಾ ಅವರ ಟ್ವೀಟ್‌ಗೆ ಕಿಂಗ್ ಖಾನ್ ಉತ್ತರಿಸಿದ್ದಾರೆ, ಅವರು ಶಿವನಿಗೆ ವೀಡಿಯೊ ಕರೆ ಮಾಡಿ ಅವರ ಕೊನೆಯ ಆಸೆಯನ್ನು ಪೂರೈಸಿದ್ದಾರೆ.
ಶಿವಾನಿ ಅವರೊಂದಿಗಿನ ಸಂಭಾಷಣೆಯ ಸಮಯದಲ್ಲಿ, ಪಠಾಣ್ ನಟ ಧನ ಸಹಾಯದ ಭರವಸೆ ನೀಡಿದ್ದಾರೆ. 57 ವರ್ಷದ ನಟ, ತಮ್ಮ ಅಭಿಮಾನಿಗಳಿಗೆ ವಿಶೇಷ ಭಾವನೆ ಮೂಡಿಸಲು ಹೆಸರುವಾಸಿಯಾಗಿದ್ದಾರೆ, ಅನಾರೋಗ್ಯದಿಂದ ಬಳಲುತ್ತಿರುವ ಅಭಿಮಾನಿಯ ಮಗಳ ಮದುವೆ ನಡೆದಾಗಲೆಲ್ಲ ಅವರು ಭಾಗವಹಿಸುವುದಾಗಿ ಭರವಸೆ ನೀಡಿದರು. ಸೂಪರ್‌ಸ್ಟಾರ್ ಶಿವಾನಿಯೊಂದಿಗೆ ಅರ್ಧ ಗಂಟೆಗೂ ಹೆಚ್ಚು ಕಾಲ ವಿಡಿಯೋ ಕರೆಯಲ್ಲಿ ಮಾತನಾಡಿದರು ಮತ್ತು ಕೋಲ್ಕತ್ತಾಗೆ ಅವರ ಮುಂದಿನ ಭೇಟಿಯಲ್ಲಿ ಅವರಿಗೆ ಮೀನಿನ ಆಹಾರ ಮಾಡಿಕೊಡುವಂತೆ ಕೇಳಿಕೊಂಡಿದ್ದಾರೆ.
ಶಾರುಖ್ ಅವರ ಕೆಲಸದ ಮುಂಭಾಗದಲ್ಲಿ, ಕಿಂಗ್ ಖಾನ್ ಮುಂದಿನ ಅಟ್ಲೀ ಕುಮಾರ್ ನಿರ್ದೇಶನದ ಜವಾನ್ ಚಿತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಅವರ ಮುಂದೆ ರಾಜ್‌ಕುಮಾರ್ ಹಿರಾನಿಯವರ ಹಾಸ್ಯ ಮಿಶ್ರಿತ ಸಿನಿಮಾ ಡಂಕಿಯಲ್ಲಿ ಸಹ ಕಾಣಿಸಿಕೊಳ್ಳಲಿದ್ದಾರೆ. ಅಲ್ಲದೇ ಅವರು ಯಶ್ ರಾಜ್ ಫಿಲ್ಮ್‌ನ ಸ್ಪೈ ಯೂನಿವರ್ಸ್‌ನ ಭಾಗವಾಗಿರುವ ಸಲ್ಮಾನ್ ಖಾನ್ ಅವರ ಟೈಗರ್ 3 ನಲ್ಲಿ ಪಠಾಣ್ ಆಗಿ ಪಾತ್ರ ಹಂಚಿಕೊಳ್ಳಲಿದ್ದಾರೆ.
ಇದನ್ನೂ ಓದಿ:ಕ್ಯಾನ್ಸ್ ಚಲನಚಿತ್ರೋತ್ಸವ 2023: ನಕಲಿ ರಕ್ತವನ್ನು ಸುರಿದುಕೊಂಡು ಉಕ್ರೇನಿಯನ್ ಬ್ಲಾಗರ್ ಪ್ರತಿಭಟನೆ
