ಜಾಲಿ ಮೂಡ್​ನಲ್ಲಿ ಸಮಂತಾ: ಬಾಲಿಯಲ್ಲಿ ಮಂಗನ ಜೊತೆ ಫೋಟೋ ಕ್ಲಿಕ್ಕಿಸಿಕೊಂಡ ತಾರೆ

ನಟಿ ಸಮಂತಾ ಸದ್ಯ ಬಾಲಿ ಪ್ರವಾಸದಲ್ಲಿದ್ದಾರೆ. ಉಬುದ್​ನ ಮಂಕಿ ಫಾರೆಸ್ಟ್​ಗೆ ಭೇಟಿ ಕೊಟ್ಟು ಸಂತಸದ ಕ್ಷಣಗಳನ್ನು ಆನಂದಿಸಿದ್ದಾರೆ.

'ಖುಷಿ' ಮತ್ತು 'ಸಿಟಾಡೆಲ್'​ ಸೌತ್​ ಸೂಪರ್​​ಸ್ಟಾರ್​ ನಟಿ ಸಮಂತಾ ರುತ್​ ಪ್ರಭು ಅವರ ಬಹುನಿರೀಕ್ಷಿತ ಪ್ರಾಜೆಕ್ಟ್​ಗಳು. ಇವರೆಡರ ಶೂಟಿಂಗ್​ ಇತ್ತೀಚೆಗಷ್ಟೇ ಮುಕ್ತಾಯಗೊಂಡಿದೆ. ಸದ್ಯ ಸ್ಯಾಮ್​ ತಮ್ಮ ಆರೋಗ್ಯದ ಮೇಲೆ ಸಂಪೂರ್ಣ ಗಮನ ಹರಿಸುವ ಸಲುವಾಗಿ, ಸಿನಿಮಾಗಳಿಂದ ಕೊಂಚ ಬ್ರೇಕ್​ ತೆಗೆದುಕೊಂಡಿದ್ದಾರೆ. ಚೇತರಿಕೆ ನಂತರ ಹೊಸ ಪ್ರಾಜೆಕ್ಟ್​ಗಳತ್ತ ಗಮನ ಹರಿಸಲಿದ್ದಾರೆ. ಪ್ರಸ್ತುತ ಅವರು ತಮ್ಮ ರಜಾದಿನಗಳನ್ನು ಆನಂದಿಸುತ್ತಿದ್ದಾರೆ.

ಪ್ರವಾಸ, ಧ್ಯಾನ, ದೇವಸ್ಥಾನ ಭೇಟಿ, ಮೂವಿ ಟೈಮ್​ ಎಂದು ಬ್ಯುಸಿಯಾಗಿದ್ದಾರೆ. ತಮ್ಮ ದಿನಚರಿಗಳನ್ನು ಸೋಷಿಯಲ್​ ಮೀಡಿಯಾದಲ್ಲಿ ಹಂಚಿಕೊಳ್ಳುತ್ತಿದ್ದಾರೆ. ಸದ್ಯ ಸಮಂತಾ ಅವರು ಬಾಲಿ ಪ್ರವಾಸದಲ್ಲಿದ್ದಾರೆ. ಉಬುದ್​ನ ಮಂಕಿ ಫಾರೆಸ್ಟ್​ಗೆ ಭೇಟಿ ಕೊಟ್ಟಿದ್ದಾರೆ. ಕೋತಿಯೊಂದಿಗೆ ತೆಗೆದ ಫೋಟೋವನ್ನು ಇನ್​ಸ್ಟಾದಲ್ಲಿ ಹಂಚಿಕೊಂಡಿದ್ದಾರೆ. ಅವರ ಜೊತೆಯಲ್ಲಿ ಸ್ನೇಹಿತೆಯೂ ಇದ್ದಾರೆ. 'ಮಂಗ ಕಂಡಿತು 😎🥰' ಎಂದು ಕ್ಯಾಪ್ಶನ್​ ನೀಡಿದ್ದಾರೆ.

ಅವರ ತಮಾಷೆಯ ಶೀರ್ಷಿಕೆಯು ಅಭಿಮಾನಿಗಳಿಂದ ಸಾಕಷ್ಟು ಪ್ರತಿಕ್ರಿಯೆಗಳನ್ನು ಪಡೆಯಿತು. ಸೋಷಿಯಲ್​ ಮೀಡಿಯಾ ಬಳಕೆದಾರರೊಬ್ಬರು, "ಮಂಗವು ನಿಜವಾಗಿಯೂ ಸೆಲ್ಫಿಗಾಗಿ ಕ್ಯಾಮ್ ಅನ್ನು ಹಿಡಿದಿರುವಂತೆ ತೋರುತ್ತಿದೆ. ಚೆನ್ನಾಗಿದೆ" ಎಂದಿದ್ದಾರೆ. ಮತ್ತೊಬ್ಬರು, "ಆ ಕೋತಿಯ ಸೆಲ್ಫಿ ಕೌಶಲ್ಯ > ನನ್ನ ಫೋಟೋಗ್ರಾಫಿ ಕೌಶಲ್ಯ" ಎಂದು ಬರೆದು ಅಳುವ ಎಮೋಜಿನೊಂದಿಗೆ ಪ್ರತಿಕ್ರಿಯಿಸಿದ್ದಾರೆ. ಹೀಗೆ ನೆಟ್ಟಿಗರು ಬಗೆ ಬಗೆಯ ಬರಹಗಳಿಂದ ಕಮೆಂಟ್​ ವಿಭಾಗವನ್ನು ತುಂಬಿದ್ದಾರೆ.

ಇದನ್ನೂ ಓದಿ:ಆಧ್ಯಾತ್ಮಿಕ ಪ್ರವಾಸ ಕೈಗೊಂಡ ಸಮಂತಾ.. ಇಶಾದಲ್ಲಿ ಧ್ಯಾನ, ಈರೋಡ್ ಪನ್ನಾರಿ ಅಮ್ಮನ್ ದೇವಸ್ಥಾನಕ್ಕೆ ಭೇಟಿ

ನಟಿ ಸಮಂತಾ ಈವರೆಗೆ ಸಿನಿಮಾ ಕೆಲಸಗಳಲ್ಲಿ ಬ್ಯುಸಿಯಾಗಿದ್ದರು. ಸದ್ಯ ಅವರು ತಮ್ಮ ಆರೋಗ್ಯದ ಮೇಲೆ ಸಂಪೂರ್ಣ ಗಮನ ಹರಿಸಲು ನಿರ್ಧರಿಸಿದ್ದಾರೆ. ಮಯೋಸಿಟಿಸ್​ ಎಂಬ ಕಾಯಿಲೆ ವಿರುದ್ಧ ಸ್ಯಾಮ್​ ಹೋರಾಡುತ್ತಿರುವುದು ನಿಮಗೆಲ್ಲರಿಗೂ ತಿಳಿದಿದೆ. ಇನ್ನೂ ಆರೋಗ್ಯ ಸರಿಯಾದ ಬಳಿಕವಷ್ಟೇ ಅವರು ಮುಂದಿನ ಸಿನಿಮಾಗಳತ್ತ ಗಮನ ಹರಿಸಲಿದ್ದಾರೆ. ಸದ್ಯಕ್ಕೆ ಅವರು ಯಾವುದೇ ಸಿನಿಮಾಗೂ ಗ್ರೀನ್​ ಸಿಗ್ನಲ್​ ನೀಡಿಲ್ಲ.

ಈವರೆಗೆ ಅವರ ಕೈಯಲ್ಲಿ ಖುಷಿ ಮತ್ತು ಸಿಟಾಡೆಲ್​ ಎಂಬ ಎರಡು ಪ್ರಾಜೆಕ್ಟ್​ಗಳಿದ್ದವು. ಅವರೆಡನ್ನೂ ಸ್ಯಾಮ್​ ಪೂರ್ಣಗೊಳಿಸಿದ್ದಾರೆ. ಸಂಪೂರ್ಣ ಆರೋಗ್ಯವಂತರಾಗಲು ಹೆಚ್ಚಿನ ಚಿಕಿತ್ಸೆಗಾಗಿ ಅವರು ವಿದೇಶಕ್ಕೂ ತೆರಳಿದ್ದಾರೆ ಎಂದು ಹೇಳಲಾಗುತ್ತಿದೆ. ಆದರೆ ಈ ಬಗ್ಗೆ ನಿಖರ ಮಾಹಿತಿ ಇಲ್ಲ. ಇತ್ತೀಚೆಗೆ ನಟಿ ತಮಿಳುನಾಡಿನ ಪ್ರಸಿದ್ಧ ದೇವಸ್ಥಾನಗಳಿಗೆ, ಪ್ರವಾಸಿ ತಾಣಗಳಿಗೆ ಭೇಟಿ ನೀಡಿದ್ದರು. ಹೀಗೆ ಪ್ರವಾಸ, ಧ್ಯಾನ, ದೇವಸ್ಥಾನ ಭೇಟಿ, ಮೂವಿ ಟೈಮ್​ ಎಂದು ತಮ್ಮ ರಜಾದಿನವನ್ನು ಉತ್ತಮವಾಗಿ ಕಳೆಯುತ್ತಿದ್ದಾರೆ.

ಸಮಂತಾ ಅವರು ನಟಿಸಿ, ಬಿಡುಗಡೆಗೆ ಸಜ್ಜಾಗಿರುವ ಸಿನಿಮಾ ಖುಷಿ. ತೆಲುಗು ಸೂಪರ್​ ಸ್ಟಾರ್​ ವಿಜಯ ದೇವರಕೊಂಡ ಜೊತೆ ಸ್ಕ್ರೀನ್​ ಶೇರ್​ ಮಾಡಿದ್ದಾರೆ. ಶಿವ ನಿರ್ವಾಣ ನಿರ್ದೇಶನದಲ್ಲಿ ರೆಡಿಯಾಗಿರುವ ಈ ಚಿತ್ರ ಸೆಪ್ಟೆಂಬರ್​ 1 ರಂದು ಚಿತ್ರಮಂದಿರಗಳಲ್ಲಿ ತೆರೆ ಕಾಣಲಿದೆ. ಇನ್ನೂ ಸಿಟಾಡೆಲ್​ ನಟಿಯ ಮತ್ತೊಂದು ಪ್ರಾಜೆಕ್ಟ್​. ಈ ವೆಬ್​ ಸಿರೀಸ್​ನಲ್ಲಿ ಬಾಲಿವುಡ್​ ನಟ ವರುಣ್​ ಧವನ್​ ಜೊತೆ ತೆರೆ ಹಂಚಿಕೊಂಡಿದ್ದಾರೆ.

ಇದನ್ನೂ ಓದಿ:ಸಿನಿಮಾಗಳಿಂದ ಬ್ರೇಕ್​.. ವಿರಾಮದ ದಿನಗಳಲ್ಲಿ ಸಮಂತಾ ರುತ್ ಪ್ರಭು ದಿನಚರಿ ಹೇಗಿರಲಿದೆ?