ಸೌತ್ ಸುಂದರ ನಟಿ ಸಮಂತಾ ರುತ್ ಪ್ರಭು ಮತ್ತು ಟಾಲಿವುಡ್ ಹ್ಯಾಂಡ್ಸಮ್ ನಟ ವಿಜಯ್ ದೇವರಕೊಂಡ 'ಖುಷಿ' ಚಿತ್ರಕ್ಕಾಗಿ ತೆರೆ ಮೇಲೆ ಒಂದಾಗಿದ್ದಾರೆ. ಇವರು ತೆರೆ ಹಿಂದೆಯೂ ಉತ್ತಮ ಬಾಂಧವ್ಯ ಇಟ್ಟುಕೊಂಡಿದ್ದಾರೆ. ಈ ಗೆಳೆತನ ಇಂದು ಮೊನ್ನೆಯದ್ದಲ್ಲ, ಸುಮಾರು ವರ್ಷಗಳದ್ದಂತೆ. ಅಲ್ಲದೇ ಸಮಂತಾ ಜೊತೆ ಎಲ್ಲಾ ಸಮಯದಲ್ಲೂ ಒಬ್ಬ ಉತ್ತಮ ಸ್ನೇಹಿತನಾಗಿ ವಿಜಯ್ ದೇವರಕೊಂಡ ಇದ್ದರಂತೆ. ಈ ಬಗ್ಗೆ ಸ್ವತಃ ಸಮಂತಾ ಅವರೇ ಹೇಳಿಕೊಂಡಿದ್ದಾರೆ.
ಇಬ್ಬರು ಜೊತೆಯಾಗಿ ಡಿನ್ನರ್ ಮಾಡುತ್ತಿರುವ ಫೋಟೋವನ್ನು ಹಂಚಿಕೊಂಡಿರುವ ಸಮಂತಾ, "ನಿನ್ನ ಉನ್ನತ ಸ್ಥಾಯಿ, ಸಂತೋಷ, ಕಷ್ಟಗಳನ್ನು ನೋಡಿದ್ದೇನೆ. ನಿನ್ನ ಏಳು- ಬೀಳುಗಳನ್ನೂ ನೋಡಿದ್ದೇನೆ. ನಿನ್ನ ಜೀವನದ ಕಷ್ಟಗಳನ್ನು ಸಹಿತ ಕಂಡಿದ್ದೇನೆ. ಯಾವುದೇ ಸಮಯದಲ್ಲಿ ಕೆಲವು ಸ್ನೇಹಿತರು ನಮ್ಮೊಂದಿಗೆ ಶಾಶ್ವತವಾಗಿರುತ್ತಾರೆ. @ವಿಜಯದೇವರಕೊಂಡ" ಎಂದು ಬರೆದಿದ್ದಾರೆ. ಇದಕ್ಕೆ ಪ್ರತಿಕ್ರಿಯಿಸಿರುವ ವಿಜಯ್ ದೇವರಕೊಂಡ , ಸಮಂತಾ ಅವರನ್ನು 'ಫೇವರೆಟ್ ಗರ್ಲ್' ಎಂದಿದ್ದಾರೆ.
ಸಮಂತಾ ಪೋಸ್ಟ್ಗೆ ಇಬ್ಬರ ಅಭಿಮಾನಿಗಳು ಕೂಡ ಕಮೆಂಟ್ ಮಾಡಿದ್ದಾರೆ. ಲೈಕ್ಸ್ ಮತ್ತು ಕಮೆಂಟ್ಗಳ ಸುರಿಮಳೆಯನ್ನೇ ಹರಿಸಿದ್ದಾರೆ. ಸಮಂತಾ ಮತ್ತು ವಿಜಯ್ ಸ್ನೇಹವನ್ನು ಕೊಂಡಾಡಿದ್ದಾರೆ. ನಿಮ್ಮಿಬ್ಬರನ್ನು ತೆರೆ ಮೇಲೆ ಕಾಣಲು ಕಾತುರರಾಗಿದ್ದೇವೆ ಎಂದು ಹೇಳಿದ್ದಾರೆ. ಖುಷಿ ಸಿನಿಮಾ ಸಮಂತಾ ಮತ್ತು ವಿಜಯ್ ಕೆಲಸ ಮಾಡುತ್ತಿರುವ ಎರಡನೇ ಚಿತ್ರವಾಗಿದೆ. ಇದಕ್ಕೂ ಮೊದಲು ಮಹಾನಟಿ ಚಿತ್ರದಲ್ಲಿ ಅವರಿಬ್ಬರು ಜೊತೆಯಾಗಿ ಕೆಲಸ ಮಾಡಿದ್ದಾರೆ. ಅಲ್ಲದೇ ನಿರ್ದೇಶಕ ಶಿವ ನಿರ್ವಾಣ ಅವರೊಂದಿಗೆ ಸಮಂತಾ ಕೆಲಸ ಮಾಡುತ್ತಿರುವ ಎರಡನೇ ಪ್ರೊಜೆಕ್ಟ್ ಇದು. ಈ ಹಿಂದೆ 'ಮಜಿಲಿ' ಸಿನಿಮಾದಲ್ಲಿ ಒಟ್ಟಿಗೆ ಕೆಲಸ ಮಾಡಿದ್ದಾರೆ.