ಹೈದರಾಬಾದ್: ನಟಿ ಸಮಂತಾ ರುತ್ ಪ್ರಭು ಒಂದಲ್ಲ ಒಂದು ಕಾರಣಕ್ಕಾಗಿ ಸುದ್ದಿಯಲ್ಲಿದ್ದಾರೆ. ಮೊದಲಿಗೆ ನಟ ನಾಗ ಚೈತನ್ಯ ಅವರಿಂದ ವಿಚ್ಛೇದನ ಪಡೆದುಕೊಳ್ಳುವ ಮೂಲಕ ತಮ್ಮ ಅಭಿಮಾನಿಗಳಿಗೆ ಶಾಕ್ ನೀಡಿದ್ದರು. ಬಳಿಕ ಅಲ್ಲು ಅರ್ಜುನ್ ಅಭಿನಯದ 'ಪುಷ್ಪ: ದಿ ರೈಸ್'ನಲ್ಲಿ 'ಊ ಅಂಟವಾ ಮಾಮ'... 'ಊ ಊ ಅಂಟವಾ ಮಾಮ' ಹಾಡಿನಲ್ಲಿ ಸೊಂಟ ಬಳುಕಿಸುವ ಮೂಲಕ ಹುಡುಗರ ಹಾರ್ಟ್ ಬೀಟ್ ಹೆಚ್ಚಿಸಿದ್ದರು. ಆ ಬಳಿಕ ಆಗಾಗಾ ತಮ್ಮ ಬೋಲ್ಡ್ ಮತ್ತು ಮಾದಕ ಫೋಟೋಗಳನ್ನು ಇನ್ಸ್ಟಾಗ್ರಾಮ್ನಲ್ಲಿ ಪೋಸ್ಟ್ ಮಾಡಿ ನೆಟಿಜನ್ಸ್ಗಳ ಮನ ಕಲಕಿದ್ದರು.
ಈ ರೀತಿಯ ಚಟುವಟಿಕೆಯಿಂದ ಗಮನ ಸೆಳೆಯುತ್ತಿರುವ ತಾರೆ, ಇದೀಗ ಮಗದೊಂದು ಸುದ್ದಿಯಿಂದ ಸದ್ದು ಮಾಡುತ್ತಿದ್ದಾರೆ. ಹೌದು, ನಾಗ ಚೈತನ್ಯ ಜೊತೆ ಮದುವೆಯಾದ ಬಳಿಕ ವಾಸಿಸುತ್ತಿದ್ದ ದುಬಾರಿ ಮನೆಯನ್ನೇ ಮತ್ತೆ ಖರೀದಿ ಮಾಡಿದ್ದಾರೆ ಎಂದು ಹೇಳಲಾಗುತ್ತಿದ್ದು, ಈ ಸುದ್ದಿ ಇದೀಗ ಸದ್ದು ಮಾಡುತ್ತಿದೆ.
ಮಾದ್ಯಮವೊಂದರ ಸಂದರ್ಶನದಲ್ಲಿ ಈ ಬಗ್ಗೆ ಮಾಹಿತಿ ಹಂಚಿಕೊಂಡಿರುವ ಹಿರಿಯ ಟಾಲಿವುಡ್ ನಟ, ರಿಯಾಲ್ಟರ್ ಕೂಡ ಆಗಿರುವ ಮುರಳಿ ಮೋಹನ್, ಮದುವೆಯಾದ ನಂತರ ದಂಪತಿ ಇಲ್ಲಿಯೇ ತಂಗಿದ್ದರು. ಆದರೆ, ವಿಚ್ಛೇದನದ ಬಳಿಕ ಈ ಮನೆಯನ್ನು ಕೆಲವು ಷರತ್ತುಗಳೊಂದಿಗೆ ಮಾರಾಟ ಮಾಡಿ ಅವರವರ ದಾರಿ ಹಿಡಿದಿದ್ದರು.
ಮಾಜಿ ಪತಿ ನಾಗ ಚೈತನ್ ಜೊತೆ ಸಮಂತಾ (ಸಂಗ್ರಹ ಚಿತ್ರ) ಆದರೆ, ಹೊಂದಿಕೊಂಡಿದ್ದ ಈ ಮನೆಯನ್ನು ಕಳೆದುಕೊಂಡಿರುವುದಕ್ಕೆ ಸಮಂತಾ ಅವರಿಗೆ ಪಶ್ಚಾತಾಪ ಕಾಡುತ್ತಲೇ ಇತ್ತಂತೆ. ಅಲ್ಲದೇ ಸುಸಜ್ಜಿತ ಮನೆಗಾಗಿ ಅವರು ತೊಳಲಾಡುತ್ತಿದ್ದರಂತೆ. ಆದರೆ, ಪುನಃ ಖರೀದಿ ಮಾಡಲು ಮನಸ್ಸು ಮಾಡಿದ ಅವರು ತಾವು ದುಡಿದ ಅಷ್ಟು - ಇಷ್ಟು ಹಣವನ್ನು ಸೇರಿಸಿ ಮತ್ತೆ ತಮ್ಮದಾಗಿಸಿಕೊಂಡಿದ್ದಾರೆ. ಕಳೆದುಕೊಂಡಿದ್ದ ಸಂತೋಷವನ್ನು ಇದೀಗ ಅದೇ ಮನೆಯಲ್ಲಿ ತಮ್ಮ ತಾಯಿಯೊಂದಿಗೆ ಅದೇ ಅಪಾರ್ಟ್ಮೆಂಟ್ನಲ್ಲೇ ಮತ್ತೆ ಪಡೆದುಕೊಳ್ಳುತ್ತಾರೆ ಎಂದು ಮುರಳಿ ಮೋಹನ್ ಅವರು ಹೇಳಿಕೊಂಡಿದ್ದಾರೆ.
ಇದನ್ನೂ ಓದಿ:'ಲೈಗರ್' ಸಿನಿಮಾದ ಥೀಮ್ ಸಾಂಗ್ ಅನಾವರಣ: ವಿಜಯ್ ದೇವರಕೊಂಡ ಮಾಸ್ ಡೈಲಾಗ್ಗೆ ನೆಟಿಜನ್ಸ್ ಫಿದಾ
