ಹೈದರಾಬಾದ್:'ಸಲಾರ್' ಬಿಡುಗಡೆಗೂ ಮುನ್ನ ಸೌತ್ ರೆಬೆಲ್ ಸ್ಟಾರ್ ಪ್ರಭಾಸ್ ಅಭಿಮಾನಿಗಳು ಹೈದರಾಬಾದ್‌ನ ಥಿಯೇಟರ್‌ಗಳ ಮುಂದೆ ದೊಡ್ಡ ಕಟೌಟ್‌ಗಳು ಮತ್ತು ಡಿಜೆ ಶೋನೊಂದಿಗೆ ಚಿತ್ರಕ್ಕೆ ಅದ್ಧೂರಿ ಸ್ವಾಗತ ಕೋರಿದ್ದಾರೆ. ಸ್ವಾಗತ ಸಮಾರಂಭದ ವಿಡಿಯೋಗಳು ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗುತ್ತಿವೆ. ವಿಡಿಯೋದಲ್ಲಿ ಜನರು ಫುಲ್ ಸೆಲೆಬ್ರೇಷನ್ ಮೂಡ್‌ನಲ್ಲಿದ್ದಾರೆ. ಅಲ್ಲದೆ, 'ಸಲಾರ್' ಚಿತ್ರದ ಪ್ರಭಾಸ್ ಅವರ ಬೃಹತ್ ಕಟೌಟ್ನೊಂದಿಗೆ ಸೆಲ್ಫಿ ತೆಗೆದುಕೊಳುವುದು ಕೂಡ ಕಂಡು ಬಂದಿದೆ. ಈ ದೃಶ್ಯ ಎಲ್ಲ ಹೈದರಾಬಾದ್‌ನ ಸಂಧ್ಯಾ ಥಿಯೇಟರ್‌ ಮುಂಭಾಗದಲ್ಲಿ ನಡೆದಿವೆ.
ಸಾಮಾಜಿಕ ಜಾಲತಾಣವಾದ ಎಕ್ಸ್ ಖಾತೆ ಹೊಂದಿರುವವರು, ಸಲಾರ್ ಚಿತ್ರಕ್ಕೆ ಭರ್ಜರಿಯಾಗಿ ಸ್ವಾಗತಿಸುವ ವಿಡಿಯೋಗಳನ್ನು ಹಂಚಿಕೊಂಡಿದ್ದಾರೆ. ಸಂಧ್ಯಾ 70 ಎಂಎಂ ಆರ್‌ಟಿಸಿ ಅಭಿಮಾನಿಗಳ ಗುಂಪು ಕುಣಿದು ಕುಪ್ಪಳಿಸುವುದನ್ನು ಈ ವಿಡಿಯೋದಲ್ಲಿ ಕಾಣಬಹುದು. ಡಿಜೆ ಸದ್ದಿನೊಂದಿಗೆ ಬಣ್ಣ ಬಣ್ಣ ಲೈಟ್‌ಗಳ ಬೆಳಕಿನಲ್ಲಿ ಅಭಿಮಾನಿಗಳು ಸಾಮರಸ್ಯದಿಂದ ನೃತ್ಯ ಮಾಡುವ ದೃಶ್ಯ ಗಮನಸೆಳೆಯಿತು. ಪ್ರಭಾಸ್ ಅವರ ಫೋಟೋಗಳನ್ನು ಅನೇಕ ಎಲ್ಇಡಿ ಸ್ಕ್ರೀನ್ಗಳಲ್ಲಿ ತೋರಿಸಲಾಗಿದೆ.
ದೊಡ್ಡ ಕಟೌಟ್ ಮತ್ತು ಸಲಾರ್ ಪೋಸ್ಟರ್ ಜೊತೆಗೆ ಡಿಜೆ ಸೌಂಡ್ ಮತ್ತು ಲೈಟ್ ಶೋ ಪ್ರಭಾಸ್ ಅವರ ಹೊಸ ಚಿತ್ರಕ್ಕಾಗಿ ಅಭಿಮಾನಿಗಳು ಹೊಂದಿರುವ ಹೆಚ್ಚಿನ ನಿರೀಕ್ಷೆಯನ್ನು ಎತ್ತಿ ತೋರಿಸಿತು. ಹೈದರಾಬಾದ್ ಹೊರತಾಗಿ, ಆಂಧ್ರಪ್ರದೇಶದ ಭೀಮಾವರಂ ಥಿಯೇಟರ್‌ನ ಎದುರಿನ ವಿಡಿಯೋ ಹೊರಬಿದ್ದಿದ್ದು, ಅದರಲ್ಲಿ ಚಿತ್ರ ಬಿಡುಗಡೆಗೆ ಮುನ್ನ ಅಭಿಮಾನಿಗಳು ಸಂಭ್ರಮಿಸುತ್ತಿರುವುದು ಕಂಡುಬಂದಿದೆ.