ಬಾಲಿವುಡ್ ನಟಿ ಕಾಜೊಲ್ ಮುಂದಿನ ಚಿತ್ರ 'ಸಲಾಮ್ ವೆಂಕಿ' ಟ್ರೇಲರ್ ಇಂದು ಬಿಡುಗಡೆಗೊಂಡಿದೆ. ಮಕ್ಕಳ ದಿನಾಚರಣೆಯ ದಿನದಂದೇ ಬಿಡುಗಡೆ ಮಾಡಲಾಗಿದೆ. ಈ ಚಿತ್ರದ ಮೂಲಕ ಕಾಜೊಲ್ ಬೆಳ್ಳಿತೆರೆಯಲ್ಲಿ ದೊಡ್ಡ ಹಿಟ್ಗಾಗಿ ತಯಾರಿ ನಡೆಸಿದ್ದಾರೆ.
'ಸಲಾಮ್ ವೆಂಕಿ' ಚಿತ್ರದ 2.17 ನಿಮಿಷಗಳ ಟ್ರೈಲರ್ ತಾಯಿ ಮತ್ತು ಮಗನ ಕಥೆಯ ಮೇಲೆ ನಿಂತಿದೆ. ಕಥೆಯಲ್ಲಿ ಕಾಜೊಲ್ ಪುತ್ರ ಮಾರಣಾಂತಿಕ ಕಾಯಿಲೆಯಿಂದ ಬಳಲುತ್ತಿದ್ದು, ಅವನನ್ನು ನೋಡಿಕೊಳ್ಳಲು ಆಕೆ ಹಗಲಿರುಳು ಶ್ರಮಿಸುತ್ತಾಳೆ. ಈ ಚಿತ್ರವು ನೈಜ ಘಟನೆಯನ್ನು ಆಧರಿಸಿದ್ದು, ತಾಯಿಯೊಬ್ಬಳು ತನ್ನ ಮಕ್ಕಳಿಗಾಗಿ ಮಾಡುವ ಹೋರಾಟವನ್ನು ಈ ಚಿತ್ರ ಹೇಳುತ್ತದೆ. ಚಿತ್ರದ ಟ್ರೇಲರ್‌ನ ಕೊನೆಗೆ, ಕಾಜೊಲ್ ಆಸ್ಪತ್ರೆಯಲ್ಲಿ ತಮ್ಮ ಮಗನ ಚೇತರಿಕೆಗಾಗಿ ಪ್ರಾರ್ಥಿಸುತ್ತಿರುವ ದೃಶ್ಯದಲ್ಲಿ ಅಮೀರ್ ಖಾನ್ ಕಾಣಿಸಿಕೊಂಡಿದ್ದಾರೆ.