ರಾಮ್ ಪೋತಿನೇನಿ ಜೊತೆ ತೆರೆ ಹಂಚಿಕೊಂಡ ಸಾಯಿ ಎಂ ಮಂಜ್ರೇಕರ್

ನಟ ರಾಮ್ ಪೋತಿನೇನಿ ಮತ್ತು ನಟಿ ಸಾಯಿ ಎಂ ಮಂಜ್ರೇಕರ್ ಅವರು ಹೆಸರಿಡದ ಚಿತ್ರದಲ್ಲಿ ಕೆಲಸ ಮಾಡುತ್ತಿದ್ದಾರೆ.

ದಬಾಂಗ್ 3 ಮತ್ತು ಮೇಜರ್ ನಂತಹ ಸಿನಿಮಾ ಮೂಲಕ ಚಿತ್ರರಂಗದಲ್ಲಿ ಗುರುತಿಸಿಕೊಂಡಿರುವ ನಟಿ ಸಾಯಿ ಎಂ ಮಂಜ್ರೇಕರ್ ( Saiee M Manjrekar ) ಅವರು ಶೀಘ್ರದಲ್ಲೇ ಹೊಸ ಸಿನಿಮಾದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಇನ್ನೂ ಹೆಸರಿಸದ ಮುಂದಿನ ಸಿನಿಮಾದಲ್ಲಿ 'ಇಸ್ಮಾರ್ಟ್ ಶಂಕರ್' ಖ್ಯಾತಿಯ ನಟ ರಾಮ್ ಪೋತಿನೇನಿ ( Ram Pothineni ) ಜೊತೆ ನಟಿಸುತ್ತಿದ್ದಾರೆ. ಶ್ರೀಮಂತ, ಸುಶಿಕ್ಷಿತ ಹುಡುಗಿಯೊಬ್ಬರು ಕೌಟುಂಬಿಕ ಕಲಹದಲ್ಲಿ ಸಿಕ್ಕಿಹಾಕಿಕೊಳ್ಳುವ ಪಾತ್ರವನ್ನು ನಟಿ ಸಾಯಿ ಎಂ ಮಂಜ್ರೇಕರ್ ನಿರ್ವಹಿಸುತ್ತಿದ್ದಾರೆ. ಸದ್ಯ ಈ ಹೆಸರಿಡದ ಚಿತ್ರ ನಿರ್ಮಾಣ ಹಂತದಲ್ಲಿದೆ.

ಟೈಟಲ್​ ಫಿಕ್ಸ್ ಆಗದ ಈ ಚಿತ್ರದಲ್ಲಿ ಕೆಲಸ ಮಾಡಿದ ಅನುಭವದ ಬಗ್ಗೆ ಮಾತನಾಡಿದ ನಟಿ ಸಾಯಿ ಎಂ ಮಂಜ್ರೇಕರ್, "ಈ ಚಿತ್ರದಲ್ಲಿ ಕೆಲಸ ಮಾಡುತ್ತಿರುವುದು ಒಂದು ಅದ್ಭುತ ಪ್ರಯಾಣ. ನಾನು ನಿರ್ವಹಿಸುತ್ತಿರುವ ಪಾತ್ರವು ಸಂಕೀರ್ಣ ಮತ್ತು ಬಹುಮುಖವಾಗಿದೆ. ಇದು ಕಲಾವಿದರಿಗೆ ಯಾವಾಗಲೂ ಒಂದು ದೊಡ್ಡ ಸವಾಲು ಎಂದು ಹೇಳಿದರು.

ಚಿತ್ರದಲ್ಲಿ ತನ್ನ ಪಾತ್ರವನ್ನು ಅತ್ಯುತ್ತಮವಾಗಿ ನಿರ್ವಹಿಸಲು ಸಹಾಯ ಮಾಡಿದ್ದಕ್ಕಾಗಿ ತಮ್ಮ ನಿರ್ದೇಶಕರು ಮತ್ತು ಸಹ ನಟರಿಗೆ ಧನ್ಯವಾದ ಅರ್ಪಿಸಿದರು. "ನಮ್ಮ ನಿರ್ದೇಶಕರು ಮತ್ತು ನನ್ನ ಸಹ ನಟರ ಮಾರ್ಗದರ್ಶನದಿಂದ ನಾನು ಈವರೆಗೆ ಬರಲು ಸಾಧ್ಯವಾಯಿತು, ಈ ಚಿತ್ರದ ಮೂಲಕ ಪ್ರೇಕ್ಷಕರನ್ನು ಸಂಪರ್ಕಿಸಲಿದ್ದೇನೆ ಎಂದು ನಾನು ಭಾವಿಸುತ್ತೇನೆ. ಈ ಅವಕಾಶಕ್ಕಾಗಿ ನಾನು ಕೃತಜ್ಞಳಾಗಿದ್ದೇನೆ ಮತ್ತು ಈ ಸಿನಿಮಾ ನೋಡಲು ಬಹಳ ಕಾತರಳಾಗಿದ್ದೇನೆ'' ಎಂದು ತಿಳಿಸಿದರು.

ಹಿಂದಿ ಚಿತ್ರರಂಗದ ಸೂಪರ್ ಸ್ಟಾರ್ ಸಲ್ಮಾನ್ ಖಾನ್ ಅಭಿನಯದ 'ದಬಾಂಗ್ 3' ಮೂಲಕ ಸಿನಿ ಜಗತ್ತಿಗೆ ಎಂಟ್ರಿ ಕೊಟ್ಟ ನಟಿ ಸಾಯಿ ಎಂ ಮಂಜ್ರೇಕರ್ ಅವರು ಬೇಡಿಕೆಯ ನಟ ಅಡಿವಿ ಶೇಷ್ ಅವರೊಂದಿಗೆ 'ಮೇಜರ್' ಚಿತ್ರದಲ್ಲಿ ನಟಿಸಿದ್ದಾರೆ. ಮೇಜರ್​ನಲ್ಲಿನ ಅಭಿನಯಕ್ಕೆ ಸಾಕಷ್ಟು ಮೆಚ್ಚುಗೆ ಗಳಿಸಿದ್ದಾರೆ. ತಾಜ್ ಹೋಟೆಲ್‌ನಲ್ಲಿ 26/11 ಮುಂಬೈ ದಾಳಿಯ ಸಮಯದಲ್ಲಿ ಭಯೋತ್ಪಾದಕರ ವಿರುದ್ಧ ವೀರಾವೇಶದಿಂದ ಹೋರಾಡಿದ ಮೇಜರ್ ಸಂದೀಪ್ ಉನ್ನಿಕೃಷ್ಣನ್ ( Major Sandeep Unnikrishnan ) ಅವರ ಜೀವನವನ್ನು ಆಧರಿಸಿದ ಚಲನಚಿತ್ರವೇ 'ಮೇಜರ್'​. ಇನ್ನು, ನಟಿ ಸಾಯಿ ಎಂ ಮಂಜ್ರೇಕರ್ 'ಕುಚ್ ಖಟ್ಟಾ ಹೋ ಜಾಯ್' ಸಿನಿಮಾದಲ್ಲಿ ನಟಿಸಲಿದ್ದಾರೆ. ಇದರಲ್ಲಿ ಗುರು ರಾಂಧವಾ ಅವರೊಂದಿಗೆ ತೆರೆ ಹಂಚಿಕೊಳ್ಳಲಿದ್ದಾರೆ.

ಇದನ್ನೂ ಓದಿ:ಮತ್ತೆ 'ಖುಷಿ' ಮೂಡ್​ನಲ್ಲಿ ಸಮಂತಾ.. ಅದ್ಧೂರಿ ಸ್ವಾಗತ ನೀಡಿದ ವಿಜಯ್ ದೇವರಕೊಂಡ

ದೇವದಾಸು ಚಿತ್ರದ ಮೂಲಕ ಚಿತ್ರರಂಗದಲ್ಲಿ ವೃತ್ತಿ ಜೀವನ ಆರಂಭಿಸಿರುವ ನಟ ರಾಮ್ ಪೋತಿನೇನಿ​ ಮೊದಲ ಚಿತ್ರದಲ್ಲೇ ಪ್ರೇಕ್ಷಕರ ಗಮನ ಸೆಳೆದವರು. ಬಳಿಕ ಮಸ್ಕಾ, ಮಸಾಲ, ಶಿವಂ, ಹೈಪರ್, ಉನ್ನದಿ ಒಕಟೇ ಜಿಂದಗಿ ಸೇರಿದಂತೆ ಹಲವು ಸಿನಿಮಾಗಳಲ್ಲಿ ರಾಮ್ ನಟಿಸಿದ್ದಾರೆ. ಇದೀಗ ನಟಿ ಸಾಯಿ ಎಂ ಮಂಜ್ರೇಕರ್ ಜೊತೆ ತೆರೆ ಹಂಚಿಕೊಳ್ಳುತ್ತಿದ್ದಾರೆ.

ಇದನ್ನೂ ಓದಿ:'ಒಂದೊಳ್ಳೆ ಸಿನಿಮಾಗೆ ಭಾಷೆಯ ಹಂಗಿಲ್ಲ': ಅಮೆರಿಕದಲ್ಲಿ ರಾಮ್ ​ಚರಣ್​​ ಮಾತು