ಯಶ್ ರಾಧಿಕಾ​ ಪುತ್ರನ ಗ್ರ್ಯಾಂಡ್​​ ಬರ್ತ್​ಡೇ ಸೆಲೆಬ್ರೇಶನ್​ ವಿಡಿಯೋ ನೋಡಿ

Yatharv Birthday celebration: ರಾಕಿಂಗ್​ ಸ್ಟಾರ್​ ಯಶ್​ ಹಾಗೂ ನಟಿ ರಾಧಿಕಾ ಪಂಡಿತ್ ಕಿರಿಪುತ್ರ​​ ಯಥರ್ವ್ ಜನ್ಮದಿನವನ್ನು ಅದ್ಧೂರಿಯಾಗಿ ಆಚರಿಸಲಾಗಿದ್ದು, ಇಂದು ವಿಡಿಯೋ ಹಂಚಿಕೊಳ್ಳಲಾಗಿದೆ.

ರಾಕಿಂಗ್​ ಸ್ಟಾರ್​ ಯಶ್​ ಹಾಗೂ ನಟಿ ರಾಧಿಕಾ ಪಂಡಿತ್​​ ಕನ್ನಡ ಚಿತ್ರರಂಗದ ಮಾದರಿ ದಂಪತಿ. ಈ ಜೋಡಿ ಅದ್ಭುತ ಸಿನಿಮಾಗಳನ್ನು ನೀಡಿದ್ದಲ್ಲದೇ, ಅಪಾರ ಸಂಖ್ಯೆಯ ಅಭಿಮಾನಿಗಳನ್ನು ಸಂಪಾದಿಸುವಲ್ಲಿ ಯಶಸ್ವಿಯಾಗಿದ್ದಾರೆ. ಫ್ಯಾನ್ಸ್ ಕೂಡ ಈ ಜೋಡಿ ಬಗ್ಗೆ ತಿಳಿದುಕೊಳ್ಳಲು ಸದಾ ಕುತೂಹಲರಾಗಿರುತ್ತಾರೆ.

ಗ್ರ್ಯಾಂಡ್​​ ಬರ್ತ್​ಡೇ ಸೆಲೆಬ್ರೇಶನ್:ಸ್ಯಾಂಡಲ್​​​ವುಡ್​ನಲ್ಲಿ ರಾಕಿಂಗ್ ಜೋಡಿಯಾಗಿ ಗುರುತಿಸಿಕೊಂಡಿರುವ ಯಶ್ ಹಾಗೂ ರಾಧಿಕಾ ಪಂಡಿತ್ ತಮ್ಮ ಮುದ್ದಿನ‌ ಮಕ್ಕಳಾದ ಐರಾ, ಯಥರ್ವ್ ಮಾಡುವ ತರ್ಲೆ ತುಂಟಾಟಗಳನ್ನು ಸೋಷಿಯಲ್ ಮೀಡಿಯಾದಲ್ಲಿ ಹಂಚಿಕೊಳ್ಳುತ್ತಿರುತ್ತಾರೆ. ಪೋಷಕರಂತೆ ಮಕ್ಕಳಿಗೂ ಕೂಡ ಅಭಿಮಾನಿಗಳಿದ್ದಾರೆ. ಇವರ ವಿಡಿಯೋ ನೋಡಲು ನೆಟ್ಟಿಗರು ಉತ್ಸುಕರಾಗಿರುತ್ತಾರೆ. ಇದೀಗ ಮಗ ಯಥರ್ವ್​​​ ಹುಟ್ಟುಹಬ್ಬವನ್ನು ರಾಕಿಂಗ್​ ಕಪಲ್​​ ಬೆಂಗಳೂರಿನ ಖಾಸಗಿ ಹೋಟೆಲ್​​ನಲ್ಲಿ ಗ್ರ್ಯಾಂಡ್​ ಆಗಿ ಸೆಲೆಬ್ರೆಟ್ ಮಾಡಿದ್ದಾರೆ.

ಆಪ್ತರೊಂದಿಗೆ ಯಥರ್ವ್ ಜನ್ಮದಿನಾಚರಣೆ: ಅಕ್ಟೋಬರ್ 30ಕ್ಕೆ ಯಥರ್ವ್​​​ಗೆ ನಾಲ್ಕು ವರ್ಷ ತುಂಬಿದೆ. ಬಳಿಕ ಮಗನ ಬರ್ತ್ ಡೇಯನ್ನು ಸಾಕಷ್ಟು ಸಂಖ್ಯೆಯ ಮಕ್ಕಳೊಂದಿಗೆ ಅದ್ಧೂರಿಯಾಗಿ ಆಚರಿಸಿದ್ದಾರೆ. ಮಕ್ಕಳಿಗೆ ಇಷ್ಟ ಆಗುವ ಗೇಮ್ಸ್ ಆಯೋಜಿಸುವ​​ ಮೂಲಕ ಯಥರ್ವ್​​ನ ನಾಲ್ಕನೇ ವರ್ಷದ ಹುಟ್ಟು ಹಬ್ಬವನ್ನು ಆಚರಿಸಿದ್ದಾರೆ. ಬರ್ತ್​​ಡೇ ಸೆಲೆಬ್ರೇಶನ್​ಗೆ ಸಂಬಂಧಿಕರು, ಸ್ನೇಹಿತರು ಸಾಕ್ಷಿಯಾಗಿದ್ದರು. ಆದ್ರೆ ಯಶ್ ಮಗನ ಹುಟ್ಟುಹಬ್ಬಾಚರಣೆಯಲ್ಲಿ ಚಿತ್ರರಂಗದವರು ಕಾಣಿಸಿಕೊಂಡಿಲ್ಲ. ಇದು ಕೇವಲ ಸಂಬಂಧಿಕರು, ಆಪ್ತರಿಗಾಗಿ ಆಯೋಜಿಸಿದ್ದ ಪಾರ್ಟಿ ಎಂಬುದು ಜೋಡಿ ಅನಾವರಣಗೊಳಿಸಿರುವ ವಿಡಿಯೋದಲ್ಲಿ ಗೊತ್ತಾಗುತ್ತದೆ.

2016ರ ಆಗಸ್ಟ್ 12ರಂದು ಗೋವಾದ ಕಡಲ ತೀರದ ರೆಸಾರ್ಟ್ ಒಂದರಲ್ಲಿ ಯಶ್​​ ರಾಧಿಕಾ ನಿಶ್ಚಿತಾರ್ಥ ಮಾಡಿಕೊಂಡಿದ್ದರು. ಎಂಗೇಜ್​ಮೆಂಟ್​ ಈವೆಂಟ್​ಗೆ ದಿ. ನಟ ಅಂಬರೀಶ್, ಪತ್ನಿ ಸುಮಲತಾ ಅಂಬರೀಶ್ ಸೇರಿದಂತೆ ಚಿತ್ರರಂಗದ ಕೆಲವೇ ಕೆಲ ಗಣ್ಯರು ಮಾತ್ರ ಆಗಮಿಸಿದ್ದರು. ನಿಶ್ಚಿತಾರ್ಥ ನಡೆದ ನಾಲ್ಕು ತಿಂಗಳ ಬಳಿಕ 2016ರ ಡಿಸೆಂಬರ್ 9ರಂದು ಯಶ್ ಮತ್ತು ರಾಧಿಕಾ ಬೆಂಗಳೂರಿನ ತಾಜ್ ವೆಸ್ಟ್ ಎಂಡ್‌ನಲ್ಲಿ ಅದ್ಧೂರಿಯಾಗಿ ವೈವಾಹಿಕ ಜೀವನಕ್ಕೆ ಕಾಲಿಟ್ಟರು. ಸದ್ಯ ಇಬ್ಬರು ಮುದ್ದಾದ ಮಕ್ಕಳ ಪೋಷಕರಿವರು.

ಇದನ್ನೂ ಓದಿ:ಜಾಗತಿಕ ಗಲ್ಲಾಪೆಟ್ಟಿಗೆಯಲ್ಲಿ ₹300 ಕೋಟಿ ಸಮೀಪಿಸಿದ ಟೈಗರ್​ 3: ಭಾರತದಲ್ಲೆಷ್ಟು?

ಕಿರುತೆರೆಯಿಂದ ಪಯಣ ಶುರು ಮಾಡಿದ ಯಶ್ ಮತ್ತು ರಾಧಿಕಾ ಪಂಡಿತ್ ಮೊಗ್ಗಿನ ಮನಸ್ಸು ಚಿತ್ರದ ಮೂಲಕ ಒಟ್ಟಿಗೆ ಕನ್ನಡ ಚಿತ್ರರಂಗ ಪ್ರವೇಶಿಸಿದರು. ಡ್ರಾಮಾ, ಮಿಸ್ಟರ್ ಆ್ಯಂಡ್ ಮಿಸೆಸ್ ರಾಮಾಚಾರಿ, ಸಂತು ಸ್ಟ್ರೈಟ್ ಫಾರ್ವರ್ಡ್ ಚಿತ್ರಗಳಲ್ಲಿ ಸ್ಕ್ರೀನ್​ ಶೇರ್ ಮಾಡಿದ್ದಾರೆ. ದಂಪತಿ ಕೋಟ್ಯಂತರ ಅಭಿಮಾನಿಗಳನ್ನು ಹೊಂದಿದ್ದಾರೆ. ಮಕ್ಕಳು ಜನಿಸಿದ ಬಳಿಕ ರಾಧಿಕಾ ಪಂಡಿತ್ ಯಾವುದೇ ಸಿನಿಮಾದಲ್ಲಿ ಕಾಣಿಸಿಕೊಂಡಿಲ್ಲ. ಯಶ್ ಬ್ಲಾಕ್​ ಬಸ್ಟರ್ ಕೆಜಿಎಫ್ 2 ಸಿನಿಮಾ ಮಾಡಿ ಒಂದೂವರೆ ವರ್ಷ ಕಳೆಯಿತು. ಆದರೆ ಯಶ್ ಮುಂದಿನ ಸಿನಿಮಾ ಇನ್ನೂ ಘೋಷಣೆಯಾಗಿಲ್ಲ.‌ ಯಶ್​ 19 ಯಾವಾಗ ಘೋಷಣೆ ಆಗುತ್ತೆ ಅನ್ನೋ ಕಾತರದಲ್ಲಿ ಕೋಟ್ಯಂತರ ಅಭಿಮಾನಿಗಳಿದ್ದಾರೆ.

ಇದನ್ನೂ ಓದಿ:ಡೀಪ್​ಫೇಕ್ ವಿವಾದ: ಸೋಷಿಯಲ್​ ಮೀಡಿಯಾ ಸಂಸ್ಥೆಗಳೊಂದಿಗೆ ಸಭೆ ನಡೆಸಲು ನಿರ್ಧರಿಸಿದ ಕೇಂದ್ರ ಸರ್ಕಾರ