ರಶ್ಮಿಕಾ ಮಂದಣ್ಣ@26: ಬಹುಭಾಷೆಗಳಲ್ಲಿ ಮಿಂಚುತ್ತಿರುವ ಕನ್ನಡತಿಗೆ ಹ್ಯಾಪಿ ಬರ್ತ್‌ಡೇ!

ಸ್ಯಾಂಡಲ್​​ವುಡ್, ಟಾಲಿವುಡ್​, ಕಾಲಿವುಡ್ ಮತ್ತು ಬಾಲಿವುಡ್​​​​​ ಚಿತ್ರರಂಗದಲ್ಲಿ ಮಿಂಚುತ್ತಿರುವ ಕನ್ನಡತಿ ರಶ್ಮಿಕಾ ಮಂದಣ್ಣಗೆ ಇಂದು ಹುಟ್ಟುಹಬ್ಬದ ಸಂಭ್ರಮ.

'ಕಿರಿಕ್ ಪಾರ್ಟಿ' ಸಿನಿಮಾ ಮೂಲಕ ಕನ್ನಡಿಗರಿಗೆ ಪರಿಚಿತರಾಗಿ ಇದೀಗ ಸ್ಯಾಂಡಲ್​​ವುಡ್​, ಕಾಲಿವುಡ್​, ಟಾಲಿವುಡ್​​ನಲ್ಲಿ ಹೆಸರು ಮಾಡಿರುವ ರಶ್ಮಿಕಾ ಮಂದಣ್ಣ ಇಂದು ತಮ್ಮ 26ನೇ ಹುಟ್ಟುಹಬ್ಬವನ್ನು ಆಚರಿಸಿಕೊಳ್ಳುತ್ತಿದ್ದಾರೆ. ಇವರು ಸದ್ಯ ಬಿಗ್‌ ಬಿ ಅಮಿತಾಬ್​ ಬಚ್ಚನ್​ ಜೊತೆ ಹಿಂದಿ ಸಿನಿಮಾವೊಂದರ ಶೂಟಿಂಗ್​​​ನಲ್ಲಿ ನಿರತರಾಗಿದ್ದಾರೆ.

ಇದನ್ನೂ ಓದಿ:ಮತ್ತೆ ಒಂದಾಗುತ್ತಾ ಸ್ಟಾರ್​ ಜೋಡಿ ನಾಗಚೈತನ್ಯ-ಸಮಂತಾ!?

ಪರಿಚಯ: 1996 ಏಪ್ರಿಲ್ 5ರಂದು ವಿರಾಜಪೇಟೆಯ ಮದನ್ ಮಂದಣ್ಣ ಹಾಗೂ ಸುಮನ್ ದಂಪತಿಗೆ ರಶ್ಮಿಕಾ ಜನಿಸಿದರು. ಕೂರ್ಗ್ ಪಬ್ಲಿಕ್ ಸ್ಕೂಲ್​​ನಲ್ಲಿ ಪ್ರಾಥಮಿಕ ವಿದ್ಯಾಭ್ಯಾಸ ಮುಗಿಸಿ, ಮೈಸೂರಿನಲ್ಲಿ ಪಿಯು, ಸೈಕಾಲಜಿಯಲ್ಲಿ ಬಿಎ ಶಿಕ್ಷಣ ಪಡೆದಿದ್ದಾರೆ. ತದನಂತರ ಬೆಂಗಳೂರಿನ ಎಂ.ಎಸ್​​.ರಾಮಯ್ಯ ಕಾಲೇಜಿನಲ್ಲಿ ಜರ್ನಲಿಸಂ ಮಾಡಿದ್ದಾರೆ.

ಕಾಲೇಜು ದಿನಗಳಲ್ಲೇ ಮಾಡೆಲಿಂಗ್​​​ನಲ್ಲಿ ಆಸಕ್ತಿ ಹೊಂದಿದ್ದ ರಶ್ಮಿಕಾ ಅವರನ್ನು ರಕ್ಷಿತ್ ಶೆಟ್ಟಿ 'ಕಿರಿಕ್ ಪಾರ್ಟಿ' ಸಿನಿಮಾದಲ್ಲಿ ಪರಿಚಯಿಸಿದರು. ಅಲ್ಲಿಂದ ಸಾಕಷ್ಟು ಅವಕಾಶಗಳು ರಶ್ಮಿಕಾಗೆ ಒಲಿದುಬಂತು. ಪುನೀತ್ ರಾಜ್​ಕುಮಾರ್ ಜೊತೆ 'ಅಂಜನಿಪುತ್ರ', ಗಣೇಶ್ ಜೊತೆ 'ಚಮಕ್', ದರ್ಶನ್ ಜೊತೆ 'ಯಜಮಾನ' ಸಿನಿಮಾದಲ್ಲಿ ನಟಿಸಿದ್ದಾರೆ.

ಇದನ್ನೂ ಓದಿ:ಗ್ರ್ಯಾಮಿ ಪ್ರಶಸ್ತಿ ಪಡೆದ ಭಾರತೀಯ-ಅಮೆರಿಕನ್ ಗಾಯಕಿ ಫಲ್ಗುಣಿ ಶಾ

'ಚಲೋ' ಸಿನಿಮಾ ಮೂಲಕ ಟಾಲಿವುಡ್​​​​ಗೆ ಕಾಲಿಟ್ಟ ಇವರು ನಂತರ 'ಗೀತಗೋವಿಂದಂ', 'ದೇವದಾಸ್'​​​​, ​​'ಡಿಯರ್ ಕಾಮ್ರೇಡ್', ಪುಷ್ಪಾ ಸಿನಿಮಾದಲ್ಲಿ ನಟಿಸಿದರು. ಇತ್ತೀಚೆಗೆ ಅಮಿತಾಬ್​ ಬಚ್ಚನ್​ ಜೊತೆ ಹಿಂದಿ ಸಿನಿಮಾವೊಂದರಲ್ಲೂ ನಟಿಸುತ್ತಿದ್ದಾರೆ. ಹೀಗಾಗಿ, ಇಂದು ರಶ್ಮಿಕಾ ಬಹುಬೇಡಿಕೆಯ ನಟಿಯರಲ್ಲಿ ಒಬ್ಬರು.