ಗೆಳತಿಗೆ ಶುಭಾಶಯ ಕೋರಿದ ರ‍್ಯಾಪರ್​ ಹನಿ ಸಿಂಗ್​

ಗೆಳತಿ ಜೊತೆಗಿನ ಸೆಲ್ಫಿ ಫೋಟೋ ಹಂಚಿಕೊಂಡಿರುವ ಹನಿ ಸಿಂಗ್​ 'ಹ್ಯಾಪಿ ಬರ್ತಡೇ ಜಾನ್'​ ಎಂದಿದ್ದಾರೆ

ಹೈದರಾಬಾದ್​: ವಿಚ್ಛೇದಿತ ರ‍್ಯಾಪರ್​ ಯೋ ಯೋ ಹನಿ ಸಿಂಗ್​ ಬಾಳಲ್ಲಿ ಮತ್ತೊಬ್ಬ ಗೆಳತಿ ಪ್ರವೇಶಿಸಿದ್ದಾರೆ ಎಂಬ ಗಾಳಿ ಸುದ್ದಿ ಹಬ್ಬಿತ್ತು. ಈ ಹುಡುಗಿ ಮತ್ಯಾರು ಅಲ್ಲ, ಮಾಡೆಲ್​ ಟೀನಾ ಥಂಡನಿ. ಕಾರ್ಯಕ್ರಮವೊಂದರಲ್ಲಿ ಹನಿ ಸಿಂಗ್​ ಕೂಡ ಥಂಡನಿಯನ್ನು ಪರಿಚಯಿಸಿದ್ದ. ಇದಾದ ಬಳಿಕ ಮತ್ತೊಮ್ಮೆ ಹನಿ ಸಿಂಗ್​ ಆಕೆಯ ಸಂಬಂಧ ಲೈಮ್​ ಲೈಟ್​ಗೆ ಬಂದಿದೆ. ತಮ್ಮ ಗರ್ಲ್​ ಫ್ರೆಂಡ್​ ಟೀನಾ ಹುಟ್ಟು ಹಬ್ಬದ ಹಿನ್ನೆಲೆ ಶುಭ ಕೋರಿ ಹನಿ ಸಿಂಗ್​ ಫೋಟೋ ಹಂಚಿಕೊಂಡಿದ್ದಾರೆ.

ಹ್ಯಾಪಿ ಬರ್ತಡೇ ಜಾನ್:ಗೆಳತಿ ಜೊತೆಗಿನ ಸೆಲ್ಫಿ ಫೋಟೋ ಹಂಚಿಕೊಂಡಿರುವ ಹನಿ ಸಿಂಗ್​ 'ಹ್ಯಾಪಿ ಬರ್ತಡೇ ಜಾನ್​' ಎಂದಿದ್ದಾರೆ. ಇನ್ನು ಹನಿ ಸಿಂಗ್​ ಶುಭಾಶಯಕ್ಕೆ ಪಿಂಕ್​ ಹಾರ್ಟ್​ ಎಮೋಜಿ ಮೂಲಕ ಟೀನಾ ಕೂಡ ಪ್ರತಿಕ್ರಿಯಿಸಿದ್ದಾರೆ.

ಯಾರು ಇದು ಥಂಡನಿ?:ವೃತ್ತಿಯಲ್ಲಿ ಮಾಡೆಲ್​ ಆಗಿರುವ ಥಂಡನಿ ಅನೇಕ ರ‍್ಯಾಪ್​ ವಾಕ್​ ನಡೆಸಿದ್ದಾರೆ. 2008ರಲ್ಲಿ ದಿ ಮೋಲ್​ ಎಂಬ ಚಿತ್ರದಲ್ಲೂ ಈಕೆ ನಟಿಸಿದ್ದಾರೆ. ಜೊತೆಯಲ್ಲಿ ಇತ್ತೀಚೆಗೆ ಬಿಡುಗಡೆಯಾದ ಹನಿಸಿಂಗ್​ ಆಲ್ಬಂ ಪ್ಯಾರಿಸ್​ ಟ್ರಿಪ್​ ಅಲ್ಲಿ ನಡು ಬಳುಕಿಸಿದ್ದಾರೆ. ಆಲ್ಬಂನಲ್ಲಿ ಆಕೆ ಡ್ಯಾನ್ಸ್​ ಮತ್ತು ಸ್ಟೈಲ್​ ಹಲವರಿಂದ ಮೆಚ್ಚುಗೆ ಪಡೆದಿತ್ತು.

ಗ್ಲಾಮರಸ್​ ಗರ್ಲ್​ ಆಗಿರುವ ಟೀನಾ ಹನಿ ಸಿಂಗ್​ ಜೊತೆ ಸುದ್ದಿಯಾಗುತ್ತಲೇ ಇದ್ದಾರೆ. ಇನ್​​ಸ್ಟಾಗ್ರಾಂನಲ್ಲಿ ಸಿಕ್ಕಾಪಟ್ಟೆ ಆಕ್ಟೀವ್​ ಆಗಿರುವ ಅವರು ಪ್ರತಿನಿತ್ಯ ಅಭಿಮಾನಿಗಳೊಂದಿಗೆ ಫೋಟೋ ಹಂಚಿಕೊಳ್ಳುತ್ತಿರುತ್ತಾರೆ.

ಇದನ್ನೂ ಓದಿ: ಸೂಪರ್​ ಸ್ಟಾರ್​ ರಜಿನಿಕಾಂತ್​ ಹುಟ್ಟುಹಬ್ಬ: ಶುಭಾಶಯದ ಮಳೆಗರೆದ ಅಭಿಮಾನಿಗಳು