ಶಂಶೇರಾ..ರಣಬೀರ್ ಕಪೂರ್-ವಾಣಿ ಕಪೂರ್ ಜೋಡಿಯ ರೊಮ್ಯಾಂಟಿಕ್ 'ಫಿತೂರ್' ಸಾಂಗ್ ರಿಲೀಸ್​

ಇದೇ ಜುಲೈ 22ರಂದು ತೆರೆ ಕಾಣಲಿರುವ 'ಶಂಶೇರಾ' ಚಿತ್ರದ ರಣಬೀರ್ ಕಪೂರ್ ಮತ್ತು ವಾಣಿ ಕಪೂರ್ ರೊಮ್ಯಾಂಟಿಕ್ ಕೆಮಿಸ್ಟ್ರಿಯ 'ಫಿತೂರ್' ಸಾಂಗ್​ ಬಿಡುಗಡೆಯಾಗಿದೆ.

ಮುಂಬೈ (ಮಹಾರಾಷ್ಟ್ರ): ತೆರೆಗೆ ಬರಲು ಸಜ್ಜಾಗಿರುವ 'ಶಂಶೇರಾ' ಚಿತ್ರದ ಹೊಸ ರಿಲೀಸ್​ ಆಗಿದೆ. ಬಾಲಿವುಡ್​ ನಟ ರಣಬೀರ್ ಕಪೂರ್ ಮತ್ತು ನಟಿ ವಾಣಿ ಕಪೂರ್ ಅವರ ರೊಮ್ಯಾಂಟಿಕ್ ಕೆಮಿಸ್ಟ್ರಿಯ ಈ ಹಾಡು ಪ್ರೇಕ್ಷಕರಲ್ಲಿ ಕ್ರೇಜ್​ ಹುಟ್ಟಿಸುವಂತೆ ಇದೆ.

'ಫಿತೂರ್' ಶೀರ್ಷಿಕೆಯ ಈ ಹಾಡನ್ನು ಅರಿಜಿತ್ ಸಿಂಗ್ ಮತ್ತು ನೀತಿ ಮೋಹನ್ ಕಂಠದಲ್ಲಿ ಮೂಡಿ ಬಂದಿದೆ. ರಣಬೀರ್ ಕಪೂರ್ ಮತ್ತು ನಟಿ ವಾಣಿ ಕಪೂರ್ ಪ್ರಣಯದ ಕ್ಷಣಗಳು ಹಾಡಿನಲ್ಲಿವೆ. ಈ ಹಾಡಿನ ಬಗ್ಗೆ ಮಾತನಾಡಿರುವ ರಣಬೀರ್, ನನಗೆ 'ಫಿತೂರ್​ ಸಾಂಗ್​ ತುಂಬಾ ಇಷ್ಟವಾಗಿದೆ. ಪ್ರೇಕ್ಷಕರು ಕೂಡ ಅದನ್ನು ಖಂಡಿತವಾಗಿ ಆನಂದಿಸುತ್ತಾರೆ. ಇದರಲ್ಲಿ ರೊಮ್ಯಾಂಟಿಕ್ ಟ್ರ್ಯಾಕ್​ಗಳು ಇವೆ. ಬೆಳ್ಳಿ ಪರದೇ ಮೇಲೆ ಈ ಸಾಂಗ್​ ಇನ್ನೂ ಭವ್ಯವಾಗಿ ಕಾಣಲಿದೆ ಎಂದು ಹೇಳಿದ್ದಾರೆ.

ಈ ಚಿತ್ರದಲ್ಲಿ ರಣಬೀರ್ ಕಪೂರ್ ನಾಯಕನಾಗಿ 'ಶಂಶೇರಾ' ಪಾತ್ರವನ್ನು ನಿರ್ವಹಿಸುತ್ತಾರೆ. ಹಿರಿಯ ನಟ ಸಂಜಯ್ ದತ್ ವಿಲನ್​ ರೋಲ್​ ಮಾಡಿದ್ದಾರೆ. ಇಬ್ಬರೂ ಕೂಡ ಹೊಸ ಮತ್ತು ಭಯಾನಕ ಗೆಟಪ್​ನಲ್ಲಿ ತೆರೆ ಕಾಣಿಸಿಕೊಳ್ಳಲಿದ್ದಾರೆ. ಕರಣ್ ಮಲ್ಹೋತ್ರಾ ನಿರ್ದೇಶನದ ಈ ಸಾಹಸಮಯ ಸಿನಿಮಾವನ್ನು ಆದಿತ್ಯ ಚೋಪ್ರಾ ನಿರ್ಮಿಸಿದ್ದಾರೆ. ಜುಲೈ 22ರಂದು ಹಿಂದಿ, ತಮಿಳು ಮತ್ತು ತೆಲುಗು ಭಾಷೆಗಳಲ್ಲಿ 'ಶಂಶೇರಾ' ಚಿತ್ರ ಬಿಡುಗಡೆಯಾಗಲಿದೆ.

ಇದನ್ನೂ ಓದಿ:ಬಾಲಿವುಡ್​ಗೆ ರಿಮೇಕ್ ಆಗಲಿದೆಯಂತೆ ರಂಗಿತರಂಗ ಸಿನಿಮಾ: ಹೀರೋ ಆಗ್ತಾರಾ ಅಕ್ಷಯ್ ?