ಕೌಟುಂಬಿಕ ನಾಯಕ ವೆಂಕಟೇಶ್ 'ರಾಣಾ ನಾಯ್ಡು​' ಸೀರಿಸ್​ಗೆ ಅಭಿಮಾನಿಗಳ ವಿರೋಧ

ಟಾಲಿವುಡ್​ ಹಿರಿಯ ನಟ ವೆಂಕಟೇಶ್​ ದಗ್ಗುಬಾಟಿ ಅಭಿನಯದ​​ 'ರಾಣಾ ನಾಯ್ಡು' ವೆಬ್​ಸೀರಿಸ್​ಗೆ ಅಭಿಮಾನಿಗಳಿಂದ ತೀವ್ರ ವಿರೋಧ ವ್ಯಕ್ತವಾಗಿದೆ.

ಇತ್ತೀಚೆಗೆ ಬಿಡುಗಡೆಯಾದ ಫ್ಯಾಮಿಲಿ ಆಕ್ಷನ್​ ಸೀರಿಸ್​​ 'ರಾಣಾ ನಾಯ್ಡು' ಟೀಕೆಗಳಿಗೆ ಗುರಿಯಾಗಿದೆ. ಕೌಟುಂಬಿಕ ಚಿತ್ರಗಳ ರೂವಾರಿಯಾಗಿದ್ದ ಟಾಲಿವುಡ್​ ನಟ ವೆಂಕಟೇಶ್​ ದಗ್ಗುಬಾಟಿ ಅಭಿನಯದ ಈ ಸೀರಿಸ್​ ಅಭಿಮಾನಿಗಳಿಗೆ ಮುಜುಗರ ಉಂಟುಮಾಡಿದೆ. ರಾಣಾ ನಾಯ್ಡು ಸೀರಿಸ್​ನಲ್ಲಿ ಬಳಸಲಾದ ಭಾಷೆ ಮತ್ತು ಕೆಲವು ದೃಶ್ಯಗಳು ಅಪಮಾನಕ್ಕೆ ಒಳಗಾಗಿದೆ. ರಾಣಾ ದಗ್ಗುಬಾಟಿ ಮತ್ತು ಅವರ ಚಿಕ್ಕಪ್ಪ ಟಾಲಿವುಡ್​ ಹಿರಿಯ ನಟ ವೆಂಕಟೇಶ್​ ದಗ್ಗುಬಾಟಿ ಮೊದಲ ಬಾರಿಗೆ ಜೊತೆಯಾಗಿ ನಟಿಸಿದ ಸೀರಿಸ್​ ಇದಾಗಿದ್ದು, ಫ್ಯಾನ್ಸ್​ ನಿರೀಕ್ಷೆಯನ್ನು ಹುಸಿ ಮಾಡಿದೆ.

ರಾಣಾ ದಗ್ಗುಬಾಟಿ ಮತ್ತು ವೆಂಕಟೇಶ್​ ದಗ್ಗುಬಾಟಿ ಅಭಿನಯದ ರಾಣಾ ನಾಯ್ಡು ವೆಬ್​ಸೀರಿಸ್​ ಆಕ್ಷನ್​ ಮತ್ತು ಕ್ರೈಮ್​ ಕಥೆಯನ್ನಾಧಾರಿಸಿದೆ. ಅಮೆರಿಕನ್​ ಕ್ರೈಮ್​ ಸೀರಿಸ್​ ಒಂದನ್ನು ಸ್ಪೂರ್ತಿಯಾಗಿಟ್ಟುಕೊಂಡು ಈ ಕಥೆಯನ್ನು ಹೆಣೆಯಲಾಗಿದೆ. ಸುಪರ್ಣ್​ ವರ್ಮ ಮತ್ತು ಕರಣ್​ ಅಶುಮನ್​ ಅವರು ಈ ಸೀರಿಸ್​ ಅನ್ನು ನಿರ್ದೇಶನ ಮಾಡಿದ್ದಾರೆ. ಬಾಲಿವುಡ್​ ಅನ್ನು ಮುಖ್ಯವಾಗಿಟ್ಟುಕೊಂಡು ಈ ಕಾಲ್ಪನಿಕ ಕಥೆಯನ್ನು ಚಿತ್ರೀಕರಿಸಲಾಗಿದೆ. ಹಿಂದಿ ಮತ್ತು ತೆಲುಗು ಭಾಷೆಯಲ್ಲಿ ಈ ವೆಬ್​ಸಿರೀಸ್ ಮಾರ್ಚ್​ 10 ರಂದು​ ಬಿಡುಗಡೆ ಮಾಡಲಾಗಿದೆ.

ಆದರೆ, ಸೀರಿಸ್​ ಟ್ರೇಲರ್​ ನೋಡಿದ ಅನೇಕರು ರಾಣಾ ನಾಯ್ಡು ಮೆಚ್ಚಿಕೊಂಡಿದ್ದರು. ಜೊತೆಗೆ ಈ ವೆಬ್​ಸೀರಿಸ್​​ ಮೇಲೆ ಸಾಕಷ್ಟು ನಿರೀಕ್ಷೆಯನ್ನು ಇಟ್ಟುಕೊಂಡಿದ್ದರು. ಆದಾಗ್ಯೂ, ರಾಣಾ ನಾಯ್ಡು ಸೀರಿಸ್​ ಅನ್ನು ಸಿನಿ ಪ್ರೇಕ್ಷಕರು ಸ್ವೀಕರಿಸಿಲ್ಲ. ಫ್ಯಾಮಿಲಿ ಆಕ್ಷನ್​ ಸೀರಿಸ್​ ಎಂಬುದಾಗಿ ಹೇಳಲಾಗಿತ್ತಾದರೂ, ಅದರ ವಿರುದ್ಧವಾಗಿ ಸೀರಿಸ್​ ಅನ್ನು ಚಿತ್ರೀಕರಿಸಲಾಗಿದೆ. ಕೆಳಮಟ್ಟದ ಶಬ್ದ ಮತ್ತು ಪದಗಳನ್ನು ಈ ಸೀರೀಸ್​ನಲ್ಲಿ ಬಳಸಲಾಗಿದೆ. ಅಲ್ಲದೇ ಕೆಲವೊಂದು ದೃಶ್ಯಗಳು ಸಿರೀಸ್​ನ ಮೇಲಿದ್ದ ನಿರೀಕ್ಷೆಯನ್ನು ಕೆಳಮಟ್ಟಕ್ಕೆ ಕೊಂಡೊಯ್ದಿದೆ ಎಂದು ನೆಟ್ಟಿಗರು ತಮ್ಮ ಅಸಮಾಧಾನ ವ್ಯಕ್ತಪಡಿಸಿದ್ದಾರೆ.

ಇದನ್ನೂ ಓದಿ:"RRR​ ಪ್ರತಿ ಭಾರತೀಯನ ಹೆಮ್ಮೆ": ಆಸ್ಕರ್​ ಪ್ರಶಸ್ತಿ ಸ್ವೀಕರಿಸಿ ಚಿತ್ರತಂಡ ಭಾವುಕ

ಇನ್ನು ಟಾಲಿವುಡ್​ ಸೂಪರ್​ಸ್ಟಾರ್​ ಆಗಿರುವ ವೆಂಕಟೇಶ್​ ದಗ್ಗುಬಾಟಿ ಈ ರೀತಿಯ ಸೀರಿಸ್​ ಮಾಡುತ್ತಾರೆಂದು ಯಾರೂ ಊಹಿಸಿರಲಿಲ್ಲ. ಅವರು ಕೌಟುಂಬಿಕ ಸಿನಿಮಾಗಳಿಗೆ ಹೆಚ್ಚು ಖ್ಯಾತಿಯನ್ನು ಪಡೆದಿದ್ದರು. ಅನೇಕ ಫ್ಯಾಮಿಲಿ ಒರಿಯೆಂಟೆಡ್​ ಹಿಟ್​ ಸಿನಿಮಾಗಳನ್ನು ಕೂಡ ಮಾಡಿದ್ದರು. ಆದರೆ ಇದೀಗ ವೆಂಕಟೇಶ್​ ಅವರು ಅತ್ಯಂತ ಹೀನಾಯವಾಗಿ ಸೋಲನ್ನು ಕಂಡಿದ್ದಾರೆ ಎಂದು ಸಾಮಾಜಿಕ ಜಾಲತಾಣಗಳಲ್ಲಿ ಕಮೆಂಟ್​ಗಳ ಸುರಿಮಳೆಯನ್ನೇ ಹರಿಸಲಾಗಿದೆ.

ಇದನ್ನೂ ಓದಿ:ಸ್ವರಾ ಮತ್ತು ಫಹಾದ್ ಮದುವೆ ಸಂಭ್ರಮ: ಅದ್ದೂರಿಯಾಗಿ ನಡೆದ ಮೆಹಂದಿ, ಸಂಗೀತ ಕಾರ್ಯಕ್ರಮ

ಅದರಲ್ಲೂ ತೆಲುಗು ಪ್ರೇಕ್ಷಕರಂತು ವೆಂಕಟೇಶ್​ ಅವರನ್ನು ರೋಲ್​ ಮಾಡೆಲ್​ ಎಂದೇ ಪರಿಗಣಿಸಿದ್ದರು. ಮೂರು ದಶಕಗಳ ಕಾಲ ಚಿತ್ರರಂಗದಲ್ಲಿ ಕೆಲಸ ಮಾಡಿದ ಮತ್ತು ಕ್ಲೀನ್​ ಇಮೇಜ್​ ಹೊಂದಿದ್ದ ಫ್ಯಾಮಿಲಿ ಮ್ಯಾನ್​ಗೆ 62 ವರ್ಷವಾದರೂ ಸಹ ಎಂದಿಗೂ ಇಂತಹ ಅಶ್ಲೀಲ ಪಾತ್ರಗಳಿಗೆ ಒಪ್ಪಿಕೊಂಡಿದ್ದೇ ಇಲ್ಲ. ಹೀಗಿರುವಾಗ ವೆಂಕಟೇಶ್​ ಅವರು ಈ ರೀತಿಯ ಸೀರಿಸ್​ನಲ್ಲಿ ನಟಿಸಿರುವುದು ಅಭಿಮಾನಿಗಳನ್ನು ಮುಜುಗರಕ್ಕೀಡು ಮಾಡಿದೆ. ಜೊತೆಗೆ ಫ್ಯಾನ್ಸ್​ ರಾಣಾ ನಾಯ್ಡು ಸೀರಿಸ್​ ವಿರುದ್ಧ ಧ್ವನಿ ಎತ್ತಿದ್ದಾರೆ.

ಇದನ್ನೂ ಓದಿ:ಆಸ್ಕರ್​ ವಿಜೇತ ಚಿತ್ರಗಳು ಓಟಿಟಿಯಲ್ಲಿ ಬಿಡುಗಡೆ: ಇಲ್ಲಿದೆ ಕಂಪ್ಲೀಟ್​ ಡಿಟೇಲ್ಸ್