ರಷ್ಯನ್​ ಭಾಷೆಯಲ್ಲಿ ಪುಷ್ಪ ದಿ ರೈಸ್'​; ಡಿಸೆಂಬರ್​ 8ಕ್ಕೆ ಚಿತ್ರ ಬಿಡುಗಡೆ

ರಷ್ಯಾ - ಉಕ್ರೇನ್​ ಯುದ್ಧದಿಂದಾಗಿ 10 ತಿಂಗಳು ತಡವಾಗಿದೆ. ಇದೀಗ ರಷ್ಯಾದಲ್ಲಿ ಪ್ರತಿಕೂಲ ಪರಿಸ್ಥಿತಿ ಇರುವ ಹಿನ್ನೆಲೆ ಸಿನಿಮಾ ಇದೇ ಡಿಸೆಂಬರ್​ 8ರಂದು ಬಿಡುಗಡೆಯಾಗಲಿದೆ.

ಹೈದರಾಬಾದ್​:ಅಲ್ಲು ಅರ್ಜುನ್​ ರಶ್ಮಿಕಾ ಮಂದಣ್ಣ ಅಭಿಯನದ ’ಪುಷ್ಪ ದಿ ರೈಸ್'​ ಸಿನಿಮಾ ತೆಲುಗಿನಲ್ಲಿ ಮಾತ್ರವಲ್ಲದೇ, ಹಿಂದಿ, ತಮಿಳು ಸೇರಿದಂತೆ ಇತರೆ ಭಾಷೆಗಳಲ್ಲಿ ಭಾರೀ ಸದ್ದು ಮಾಡಿತ್ತು. ಈ ಚಿತ್ರ ಇದೀಗ ರಷ್ಯಾ ಭಾಷೆಯಲ್ಲಿ ಡಬ್​ ಆಗಿ ಬಿಡುಗಡೆಯಾಗಲು ಸಜ್ಜಾಗಿದೆ. ಮಾಸ್​ ಡೈಲಾಗ್​ ಮೂಲಕ ಪ್ರೇಕ್ಷಕರನ್ನು ಮೋಡಿ ಮಾಡಿದ್ದ ಸಿನಿಮಾ ಇದೀಗ ರಷ್ಯನ್​ ಪ್ರೇಕ್ಷಕರ ಸೆಳೆಯಲು ಮುಂದಾಗಿದೆ. ಇದೇ ಹಿನ್ನೆಲೆ ಇಡೀ ಚಿತ್ರತಂಡ ರಷ್ಯಾಕ್ಕೆ ತೆರಳಿದ್ದು, ಸಿನಿಮಾ ಪ್ರಚಾರ ಕಾರ್ಯದಲ್ಲಿ ಬ್ಯುಸಿಯಾಗಿದ್ದಾರೆ.

'ಪುಷ್ಪ- ದಿ ರೈಸ್'​ ಚಿತ್ರ ಈಗಾಗಲೇ ಬಿಡುಗಡೆಗೆ ಸಜ್ಜಾಗಿತ್ತು. ಆದರೆ, ರಷ್ಯಾ - ಉಕ್ರೇನ್​ ಯುದ್ಧದಿಂದಾಗಿ 10 ತಿಂಗಳು ತಡವಾಗಿದೆ. ಇದೀಗ ರಷ್ಯಾದಲ್ಲಿ ಪ್ರತಿಕೂಲ ಪರಿಸ್ಥಿತಿ ಇರುವ ಹಿನ್ನಲೆ ಸಿನಿಮಾ ಇದೇ ಡಿಸೆಂಬರ್​ 8ರಂದು ಬಿಡುಗಡೆಯಾಗಲಿದೆ. ಇನ್ನು ಟ್ರೈಲರ್​​​ ಲಾಂಚ್​ ವೇಳೆ ನಟ ಅಲ್ಲು ಅರ್ಜುನ್​, ರಶ್ಮಿಕಾ ಮಂದಣ್ಣ, ಚಿತ್ರ ನಿರ್ದೇಶ ಸುಕುಮಾರ್​, ಸಂಗೀತ ನಿರ್ದೇಶಕ ದೇವಿ ಶ್ರೀ ಪ್ರಸಾದ್​ , ನಿರ್ಮಾಪಕರು ಹಾಜರಿದ್ದರು. ಇದೇ ವೇಳೆ ಚಿತ್ರದ ಮಾಸ್​ ಡೈಲಾಗ್​ ಹೊಡೆಯುವ ಮೂಲಕ ಪ್ರಮೋಷನ್​ ನಡೆಸಿದರು.

ಡಿಸೆಂಬರ್​ 8ಕ್ಕೆ ಚಿತ್ರ ಬಿಡುಗಡೆ:ಡಿ. 1ರಂದು ಮಾಸ್ಕೋದಲ್ಲಿ, ಡಿ. 3ರಂದು ಸೆಂಟ್​ ಪಿಟ್ಸ್​ಬರ್ಗ್​​ನಲ್ಲಿ ಚಿತ್ರದ ಪ್ರಿಮೀಯರ್​ ಪ್ರದರ್ಶನ ನಡೆಯಲಿದೆ. ಜೊತೆಗೆ ರಷ್ಯಾದ 24 ನಗರಗಳಲ್ಲಿ ಆರಂಭವಾಗುವ ಐದನೇ ಇಂಡಿಯನ್​ ಫಿಲ್ಮ್​ ಫೆಸ್ಟಿವಲ್​ ಅಲ್ಲೂ ಕೂಡ ಸಿನಿಮಾ ಮೋಡಿ ಮಾಡಲಿದೆ. ನಗರದಲ್ಲಿ ಡಿಸೆಂಬರ್​ 8ಕ್ಕೆ ಚಿತ್ರ ಬಿಡುಗಡೆಯಾಗಲಿದೆ.

ಸಾಮಿ-ಸಾಮಿ ಹಾಡಿಗೆ ಹೆಜ್ಜೆ ಹಾಕಿದ ರಷ್ಯಾನ್​ ಕುಟುಂಬಗಳು:'ಪುಷ್ಪ-ದಿ ರೈಸ್'​ ಚಿತ್ರ ಬಿಡುಗಡೆಗೆ ಮುನ್ನವೇ ಸಿನಿಮಾ ಹಾಡುಗಳು ರಷ್ಯನ್ನರ ಜನಮೆಚ್ಚುಗೆ ಪಡೆದಿದೆ, ರಷ್ಯಾನ್​ ಕುಟುಂಬಗಳು ಸಾಮಿ - ಸಾಮಿ ಹಾಡಿಗೆ ಹೆಜ್ಜೆ ಹಾಕಿ ಸಂತಸಪಟ್ಟಿರುವ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್​ ಆಗಿದೆ.

ಇದನ್ನೂ ಓದಿ: ರಷ್ಯಾದಲ್ಲಿ ಸ್ಟೈಲಿಷ್ ಸ್ಟಾರ್ ಅಲ್ಲು ಅರ್ಜುನ್ ಹವಾ