ಪರ್ಸೋನಾ ಮಿಸೆಸ್ ಇಂಡಿಯಾ ಹೇಮಾ ನಿರಂಜನ್​ಗೆ ಕಿಚ್ಚನ ಜೊತೆ ನಟಿಸುವ ಆಸೆ..

ಪರ್ಸೋನಾ ಮಿಸೆಸ್ ಇಂಡಿಯಾಗೆ ಸಿನಿಮಾ ಮೇಲೆ ಆಸಕ್ತಿ- ಕಿಚ್ಚನ ಜೊತೆ ನಟಿಸಬೇಕೆಂಬ ಆಸೆ - ಅವಕಾಶ ಸಿಕ್ಕರೆ ತಮ್ಮ ಬಯಕೆ ಈಡೇರಿಸಿಕೊಳ್ಳುವ ಬಗ್ಗೆ ಮಾತು

ಈ ಸಿನಿಮಾ ಎಂಬ ಬಣ್ಣದ ಲೋಕದಲ್ಲಿ ಮಿಂಚಬೇಕು ಅನ್ನೋದು ಅದೆಷ್ಟೊ ಹೊಸ ಪ್ರತಿಭೆಗಳ ಕನಸಾಗಿರುತ್ತೆ. ಈಗ ಇಂತಹದ್ದೇ ಕನಸು ಪರ್ಸೋನಾ ಮಿಸೆಸ್ ಇಂಡಿಯಾ 2022ರ ವಿಜೇತೆಯಾದ ಹೇಮಾ ನಿರಂಜನ್ ಅವರದ್ದು. ಇತ್ತೀಚೆಗೆ ನಡೆದ ಪ್ರತಿಷ್ಠಿತ ಪರ್ಸೋನಾ ಮಿಸೆಸ್​ ಇಂಡಿಯಾ ಸ್ಪರ್ಧೆಯಲ್ಲಿ 33 ಜನರನ್ನು ಹಿಂದಿಕ್ಕೆ ಹೇಮಾ ನಿರಂಜನ್ ಕಿರೀಟ ಮುಡಿಗೇರಿಸಿಕೊಂಡಿದ್ದಾರೆ.

ಹೊಳೆನರಸೀಪುರದ ಸಾಂಪ್ರದಾಯಿಕ ಮನೆತನದಲ್ಲಿ ಬೆಳೆದ ನಾನು ವಿವಾಹವಾದ ನಂತರ ಪತಿಯ ಸಹಕಾರದಿಂದ ಮಿಸೆಸ್​ ಇಂಡಿಯಾ ಸ್ಪರ್ಧೆಯಲ್ಲಿ ಭಾಗವಹಿಸಿದೆ. ಶಿಕ್ಷಕರಾಗಿದ್ದ ತಂದೆ ಈ ರೀತಿ ಫ್ಯಾಷನ್​ ಶೋಗಳ ಬಗ್ಗೆ ಅಷ್ಟು ಬೆಂಬಲ ನೀಡುತ್ತಿರಲಿಲ್ಲ. ಆದರೆ ಇದು ನನ್ನ ಕನಸಾಗಿತ್ತು ಎಂದು ಹೇಮಾ ನಿರಂಜನ್ ಹೇಳುತ್ತಾರೆ.

ಪರ್ಸೋನಾ ಮಿಸೆಸ್ ಇಂಡಿಯಾ ಹೇಮಾ ನಿರಂಜನ್

ಪರ್ಸೋನಾ ಮಿಸೆಸ್ ಇಂಡಿಯಾ ಸ್ಪರ್ಧೆಗೆ ಸೌದರ್ಯ ಒಂದೇ ಪರಿಗಣನೆ ಆಗಲ್ಲ. ವಿವಿಧ ರೀತಿಯ ಪರೀಕ್ಷೆಗಳನ್ನು ಈ ಸ್ಪರ್ಧೆಯಲ್ಲಿ ಎದುರಿಸಬೇಕಾಗುತ್ತದೆ. ಇದಕ್ಕಾಗಿ ಬೇರೆ ಬೇರೆ ರೀತಿಯಲ್ಲಿ ತಯಾರಿ ನಡೆಸಿದ್ದೇನೆ. ಈ ಸ್ಪರ್ಧೆಗಾಗಿ ಆರು ಕೆಜಿ ದೇಹದ ತೂಕವನ್ನು ಇಳಿಸಿದ್ದೇನೆ ಎಂದರು.

ಮುಂದಿನ ಕನಸುಗಳ ಬಗ್ಗೆ ಮಾತನಾಡಿದ ಅವರು, ಸಿನಿಮಾರಂಗದಲ್ಲಿ ಅವಕಾಶ ಸಿಕ್ಕರೆ ನಟಿಸುವ ಆಸೆ ಇದೆ. ಕಿಚ್ಚ ಸುದೀಪ್​ ನನ್ನ ಇಷ್ಟದ ಹೀರೋ ಅವರೊಂದಿಗೆ ಸ್ಕ್ರೀನ್​ ಶೇರ್​ ಮಾಡಿಕೊಳ್ಳಬೇಕು ಎಂಬ ಆಸೆ ಬಹುದಿನಗಳಿಂದ ಇದೆ ಎಂದರು.

ಇದನ್ನೂ ಓದಿ :ದೇವರ ರೂಪದಲ್ಲಿ ಕೋಟ್ಯಾಂತರ ಅಭಿಮಾನಿಗಳಿಗೆ ದರ್ಶನ ಕೊಟ್ಟ ಪವರ್ ಸ್ಟಾರ್