ಬಾಲಿವುಡ್ ಸೂಪರ್ ಸ್ಟಾರ್ ಶಾರುಖ್ ಖಾನ್ ಮತ್ತು ನಟಿ ದೀಪಿಕಾ ಪಡುಕೋಣೆ ಅವರ ಮುಂಬರುವ ಚಿತ್ರ ಪಠಾಣ್ ಈ ವರ್ಷ ಬಿಡುಗಡೆಯಾಗಲಿರುವ ಬಹು ನಿರೀಕ್ಷಿತ ಚಿತ್ರಗಳಲ್ಲಿ ಒಂದು. ಚಿತ್ರ ತಯಾರಕರು ಪಠಾಣ್ ಯಶಸ್ವಿಗೆ ಆಸಕ್ತಿದಾಯಕ ಪ್ರಚಾರದ ಯೋಜನೆಯನ್ನು ರೂಪಿಸಿದ್ದರು. ಟ್ರೈಲರ್‌ಗೂ ಮೊದಲು ಹಾಡುಗಳನ್ನು ಬಿಡುಗಡೆ ಮಾಡಿದರು. ಇದೀಗ ಸೋಷಿಯಲ್ ಮೀಡಿಯಾದಲ್ಲಿ ವಿಡಿಯೋವೊಂದು ಹರಿದಾಡುತ್ತಿದೆ. ಇದು ಪಠಾನ್ ಟ್ರೈಲರ್ನದ್ದು ಎಂದು ಹಲವರು ಊಹಿಸಿದ್ದಾರೆ.
ಪಠಾಣ್ ಟ್ರೈಲರ್ ರಿಲೀಸ್ ಡೇಟ್: ಶಾರುಖ್ ಖಾನ್ ಅವರ ಪಾನೀಯ ಜಾಹೀರಾತಿನ ವಿಡಿಯೋವೊಂದು ಸಾಮಾಜಿಕ ಮಾಧ್ಯಮದಲ್ಲಿ ಸಖತ್ ವೈರಲ್ ಆಗುತ್ತಿದೆ. ಈ ವಿಡಿಯೋ ಪಠಾಣ್ ಟ್ರೈಲರ್‌ನಿಂದ ಬಂದಿದೆ ಎಂದು ಹಲವರು ಭಾವಿಸಿದ್ದರು. ಆದರೆ, ಅದು ಸತ್ಯಾಂಶವಲ್ಲ. ಪಠಾಣ್ ಚಿತ್ರದ ಟ್ರೈಲರ್ ಶೀಘ್ರದಲ್ಲೇ ಬಿಡುಗಡೆಯಾಗಲಿದೆ. ಇತ್ತೀಚಿನ ವರದಿಗಳ ಪ್ರಕಾರ, ಪಠಾಣ್ ಟ್ರೈಲರ್ ಅನ್ನು ಜನವರಿ 10, 2023 ರಂದು ಬಿಡುಗಡೆ ಮಾಡಲು ತಯಾರಕರು ಯೋಜಿಸುತ್ತಿದ್ದಾರೆ.
ಪಠಾಣ್ ಟ್ರೈಲರ್: ಯಶ್ ರಾಜ್ ಫಿಲ್ಮ್ಸ್ ಒಂದು ವಾರದೊಳಗೆ ಕಿಂಗ್ ಖಾನ್ನ ಬಹು ನಿರೀಕ್ಷಿತ ಪಠಾಣ್ ಟ್ರೈಲರ್ ಅನ್ನು ಅನಾವರಣಗೊಳಿಸಲಿದೆ. 2 ನಿಮಿಷದ 37 ಸೆಕೆಂಡ್ನ ಟ್ರೈಲರ್ ಆ್ಯಕ್ಷನ್ ಸೀನ್ಗಳಿಂದ ಕೂಡಿರಲಿದೆ ಎಂದು ನಿರೀಕ್ಷಿಸಲಾಗಿದೆ. ಅಭಿಮಾನಿಗಳು ಕೂಡ ತಮ್ಮ ಮೆಚ್ಚಿನ ನಟನನ್ನು ಆ್ಯಕ್ಷನ್ ಅವತಾರದಲ್ಲಿ ಕಾಣಲು ಸಜ್ಜಾಗಿದ್ದಾರೆ.
ನಾಲ್ಕು ವರ್ಷಗಳ ಬ್ರೇಕ್ ನಂತರ..: ಈ ಚಿತ್ರವು 4 ವರ್ಷಗಳ ನಂತರ ಕಿಂಗ್ ಖಾನ್ನ ಪುನರಾಗಮನವನ್ನು ಗುರುತಿಸುತ್ತದೆ. ಹಾಗಾಗಿ ಅವರ ಅಭಿಮಾನಿಗಳ ನಿರೀಕ್ಷೆ ಬೆಟ್ಟದಷ್ಟಿದೆ. ಆ್ಯಕ್ಷನ್ ಎಂಟರ್‌ಟೈನ್ಗಿಂತ ಉತ್ತಮವಾದದ್ದನ್ನು ಅಭಿಮಾನಿಗಳು ಕೇಳಲು ಸಾಧ್ಯವಿಲ್ಲ ಅನ್ನೋದು ಚಿತ್ರತಂಡದ ಅಭಿಪ್ರಾಯ. ಮೂರು ದಶಕಗಳ ಸುದೀರ್ಘ ವೃತ್ತಿ ಜೀವನದಲ್ಲಿ ಅವರು ಎಂದಿಗೂ ಕಾಣಿಸಿಕೊಂಡಿರದ ರೀತಿ ಈ ಚಿತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಇನ್ನೂ ಶಾರುಖ್ ನಾಲ್ಕನೇ ಬಾರಿ ದೀಪಿಕಾ ಪಡುಕೋಣೆ ಜೊತೆ ಒಂದಾಗಲಿದ್ದಾರೆ. ಸಿದ್ಧಾರ್ಥ್ ಆನಂದ್ ಅವರ ನಿರ್ದೇಶನದ ಈ ಪಠಾಣ್‌ನಲ್ಲಿ ಜಾನ್ ಅಬ್ರಹಾಂ ನೆಗೆಟಿವ್ ಪಾತ್ರದಲ್ಲಿ ನಟಿಸಿದ್ದಾರೆ.