ಬಾಲಿವುಡ್ ಕಿಂಗ್ ಖಾನ್ ಶಾರುಖ್ ಖಾನ್, ಬಹು ಬೇಡಿಕೆ ನಟಿ ದೀಪಿಕಾ ಪಡುಕೋಣೆ, ಬಹುಬೇಡಿಕೆ ನಟ ಜಾನ್ ಅಬ್ರಹಾಂ ಮುಖ್ಯಭೂಮಿಕೆಯಲ್ಲಿರುವ ಬಾಲಿವುಡ್ನ ಬಹುನಿರೀಕ್ಷಿತ ಚಿತ್ರ ಪಠಾಣ್ ಜಗತ್ತಿನಾದ್ಯಂತ ಬಿಡುಗಡೆ ಆಗಿದ್ದು ಉತ್ತಮ ಪ್ರತಿಕ್ರಿಯೆ ವ್ಯಕ್ತವಾಗುತ್ತಿದೆ. ಹಿಂದಿ, ತಮಿಳು, ತೆಲುಗು ಆವೃತ್ತಿಗಳಲ್ಲಿ ಇಂದು ತೆರೆ ಮೇಲೆ ಬಂದಿರುವ ಪಠಾಣ್ ಅನ್ನು ನೋಡಿದ ಶಾರುಖ್ ಅಭಿಮಾನಿಗಳು ಕಿಂಗ್ ಖಾನ್ ನಟನೆಗೆ ಫುಲ್ ಮಾರ್ಕ್ಸ್ ಕೊಟ್ಟಿದ್ದಾರೆ.
ಆ್ಯಕ್ಷನ್ ಅವತಾರದಲ್ಲಿ ಶಾರುಖ್ ಮೈನವರೇಳಿಸುವಂತೆ ಅಭಿನಯಿಸಿದ್ದು, ನೆಗೆಟಿವ್ ರೋಲ್ನಲ್ಲಿ ಜಾನ್ ಅಬ್ರಹಾಂ ಅಬ್ಬರಿಸಿದ್ದಾರೆ. ಇನ್ನು ದೀಪಿಕಾ ಪಡುಕೋಣೆ ಅಭಿನಯ ಅತ್ಯದ್ಭುತ ಎನ್ನುತ್ತಿದ್ದಾರೆ ಅಭಿಮಾನಗಳು. ಮೆಚ್ಚುಗೆ ಜೊತೆಗೆ ಹಲವೆಡೆ ತೀವ್ರ ವಿರೋಧವನ್ನೂ ಎದುರಿಸುತ್ತಿದೆ ಪಠಾಣ್ ಸಿನಿಮಾ. ಬೇಶರಂ ರಂಗ್ ಹಾಡಿನಲ್ಲಿನ ನಟಿಯ ವೇಷಭೂಷಣಕ್ಕೆ ಭುಗಿಲೆದ್ದ ವಿವಾದ ತಣ್ಣಗಾದಂತೆ ಕಾಣುತ್ತಿಲ್ಲ. ಸಿನಿಮಾ ತೆರೆ ಕಂಡಿರುವ ಕೆಲ ಪ್ರದೇಶಗಳಲ್ಲಿ ಪ್ರತಿಭಟನೆ ಕೂಡ ನಡೆದಿದೆ.
ಟ್ವಿಟರ್ನಲ್ಲಿ ಪಠಾಣ್ ಟ್ರೆಂಡ್:ಪಠಾಣ್ ಸಿನಿಮಾ ವಿರೋಧಿಸಿ ಹಲವು ಚಿತ್ರಮಂದಿರಗಳ ಎದುರು ಪ್ರತಿಭಟನೆ ನಡೆದರೆ, ಮೈಕ್ರೋಬ್ಲಾಗಿಂಗ್ ಸೈಟ್‌ನಲ್ಲಿ ಪಠಾಣ್ ಟ್ರೆಂಡ್ ಆಗಿದೆ. ಸಾಮಾಜಿಕ ಜಾಲತಾಣದಲ್ಲಿ ಪಠಾಣ್ ಬಗ್ಗೆ ಪ್ರತಿಕ್ರಿಯೆಗಳ ಮಳೆ ಸುರಿಯುತ್ತಿದೆ. ಬಹುತೇಕರು ಈ ಸಿನಿಮಾ ಬಗ್ಗೆ ಮೆಚ್ಚುಗೆಯನ್ನೇ ವ್ಯಕ್ತಪಡಿಸಿದ್ದಾರೆ. ಬಾಲಿವುಡ್ನ ರೊಮ್ಯಾಂಟಿಕ್ ಕಿಂಗ್ ಎಂದು ಪ್ರಶಂಸಿಸಲ್ಪಟ್ಟ ಶಾರುಖ್ ಖಾನ್ ಅವರನ್ನು ಆ್ಯಕ್ಷನ್ ಅವತಾರದಲ್ಲಿ ಮೆಚ್ಚಿಕೊಂಡಿದ್ದಾರೆ ಅಭಿಮಾನಿಗಳು.
ಪ್ರೇಕ್ಷಕರ ಅಭಿಪ್ರಾಯ:ಎಸ್ಆರ್ಕೆ ಅವರನ್ನು ಆ್ಯಕ್ಷನ್ ಅವತಾರದಲ್ಲಿ ಕಂಡ ಪ್ರೇಕ್ಷಕರು, ''ಪಠಾಣ್ ಒಂದು ಹೈ ವೋಲ್ಟೆಜ್ ಸಿನಿಮಾ, ಮನಮುಟ್ಟುವ ಕಥೆ, ಸಿನಿಮಾದಲ್ಲಿನ ಸ್ಪೋರಿ ನಮಗೆ (ಪ್ರೇಕ್ಷಕರಿಗೆ) ಬೇಕಾದಂತೆ ಇದೆ. ನಿರ್ದೇಶಕ ಸಿದ್ಧಾರ್ಥ್ ಆನಂದ್ ಉತ್ತಮವಾಗಿ ಕಥೆಯನ್ನು ರವಾಸಿದ್ದಾರೆ. ಶಾರುಖ್ ಖಾನ್ ಅಭಿನಯವು ಅತ್ಯದ್ಭುತವಾಗಿದೆ, ಜಾನ್ ಅಬ್ರಹಾಂ ಮತ್ತು ದೀಪಿಕಾಪಾಡುಕೋಣೆ ಅಭಿನಯ ಕೂಡ ಅತ್ಯುತ್ತಮ, ಸಿನಿಮಾದಲ್ಲಿ ಸಾಕಷ್ಟು ಸರ್ಪ್ರೈಸ್ ಮತ್ತು ಟ್ವಿಸ್ಟ್ಗಳಿವೆ ಎಂದು ಬರೆದುಕೊಂಡಿದ್ದಾರೆ.
'ರಾಜನಿಗೆ ದಾರಿಮಾಡಿಕೊಡಿ':ಬ್ಲಾಕ್‌ಬಸ್ಟರ್ ಸಿನಿಮಾ, ಚಿತ್ರದ ಮೊದಲಾರ್ಧ ಅತ್ಯುತ್ತಮ, ಈ ಪೋಸ್ಟ್ ಮಾಡುವುದನ್ನು ತಡೆಯಲು ಸಾಧ್ಯವಾಗಲಿಲ್ಲ, ಚಿತ್ರವನ್ನು ಸಂಪೂರ್ಣ ನೋಡಿ ಆನಂದಿಸಿದೆ. ಆನಂದ ಭಾಷ್ಪ ಬರುತ್ತಿದೆ, ರಾಜನು (ಕಿಂಗ್ ಖಾನ್ ಶಾರುಖ್) ಹಿಂತಿರುಗಿದ್ದಾನೆ, ಅವರಿಗೆ ದಾರಿಮಾಡಿಕೊಡಿ ಎಂದು ಮತ್ತೋರ್ವ ಅಭಿಮಾನಿ ಬರೆದಿದ್ದಾರೆ.