ಓ ಮೈ ಗಾಡ್​ 2 ಚಿತ್ರಕ್ಕೆ ಮನಸೋತ ಪ್ರೇಕ್ಷಕರು.. ಭಾನುವಾರ ಭರ್ಜರಿ ಕಲೆಕ್ಷನ್

ಅಕ್ಷಯ್ ಕುಮಾರ್, ಯಾಮಿ ಗೌತಮ್ ಮತ್ತು ಪಂಕಜ್ ತ್ರಿಪಾಠಿ ಅಭಿನಯದ OMG 2 ಚಿತ್ರ ಮೊದಲ ಭಾನುವಾರದಂದು ಅದೃಷ್ಟ ಖುಲಾಯಿಸಿದೆ. ಎರಡು ದಿನಗಳನ್ನು ಹೊರತುಪಡಿಸಿದರೆ ಮೂರನೇ ದಿನಕ್ಕೆ ಈ ಚಿತ್ರವು ಭಾರತೀಯ ಗಲ್ಲಾಪೆಟ್ಟಿಗೆಯಲ್ಲಿ ಭಾರಿ ಕಲೆಕ್ಷನ್​ ಕಲೆಕ್ಷನ್​​ ಮಾಡಿದೆ.

ಮುಂಬೈ, ಮಹಾರಾಷ್ಟ್ರ: ಬಾಲಿವುಡ್​ ಸ್ಟಾರ್​ ಅಕ್ಷಯ್ ಕುಮಾರ್ ಅಭಿನಯದ ಓಎಂಜಿ 2 ಚಿತ್ರವು ಬಾಕ್ಸ್ ಆಫೀಸ್​ನಲ್ಲಿ ಸನ್ನಿ ಡಿಯೋಲ್ ಅಭಿನಯದ ಗದರ್-2 ಚಿತ್ರಕ್ಕೆ ಪೈಪೋಟಿ ನೀಡುತ್ತಿದೆ. ಸನ್ನಿ ಡಿಯೋಲ್ ಚಿತ್ರ 3 ದಿನಗಳಲ್ಲಿ 100 ಕೋಟಿ ಗಡಿ ದಾಟಿದರೆ, ಓಎಂಜಿ-2 ಚಿತ್ರ 50 ಕೋಟಿ ಗಡಿ ದಾಟಿಲ್ಲ. ಎರಡೂ ಚಿತ್ರಗಳು ಚಿತ್ರಮಂದಿರಗಳಲ್ಲಿ ಬಿಡುಗಡೆಯಾಗಿ 3 ದಿನಗಳು ಕಳೆದಿದ್ದು, ಭರ್ಜರಿ ಪ್ರದರ್ಶನ ನೀಡುತ್ತಿವೆ. OMG-2 ಮತ್ತು ಸನ್ನಿ ಡಿಯೋಲ್ ಅವರ ಚಿತ್ರ ಆಗಸ್ಟ್ 11 ರಂದು ಬಿಡುಗಡೆಯಾಗಿತ್ತು. ಆದರೆ OMG-2 ಬಿಡುಗಡೆಯಾಗಿ ಮೂರನೇ ದಿನಕ್ಕೆ ಬಾಕ್ಸ್​ ಆಫೀಸ್​ನಲ್ಲಿ ತುಂಬಾ ಚೆನ್ನಾಗಿ ಕಲೆಕ್ಷನ್​ ಮಾಡಿದ್ದು, ಅಕ್ಷಯ್​ ಕುಮಾರ್​ ಮತ್ತು ತ್ರಿಪಾಠಿ ಅಭಿನಯಕ್ಕೆ ಮನಸೋತಿದ್ದಾರೆ.

ಮೊದಲ ಭಾನುವಾರ ಅಕ್ಷಯ್ ಕುಮಾರ್, ಯಾಮಿ ಗೌತಮ್ ಮತ್ತು ಪಂಕಜ್ ತ್ರಿಪಾಠಿ ಅಭಿನಯದ ಚಿತ್ರ OMG 2 ಹೌಸ್‌ಫುಲ್ ಆಗಿತ್ತು. ಬಿಡುಗಡೆಯಾದ ಮೂರನೇ ದಿನ ಚಿತ್ರದ ಕಲೆಕ್ಷನ್​ನಲ್ಲಿ ಭಾರೀ ಬದಲಾವಣೆ ಕಂಡು ಬಂದಿದೆ. ಆರಂಭಿಕ ಅಂದಾಜಿನ ಪ್ರಕಾರ OMG 2 ಬಿಡುಗಡೆಯಾದ ಮೂರನೇ ದಿನ ಬಾಕ್ಸ್ ಆಫೀಸ್‌ನಲ್ಲಿ ಸುಮಾರು 18 ಕೋಟಿ ರೂಪಾಯಿ ಗಳಿಸಿದೆ. ಚಿತ್ರದ ಒಟ್ಟು ಕಲೆಕ್ಷನ್ 43 ಕೋಟಿ ರೂಪಾಯಿಗೆ ಏರಿಕೆ ಆಗಿದೆ.

ಓ ಮೈ ಗಾಡ್​ 2 ಚಿತ್ರ ತನ್ನ ಆರಂಭಿಕ ದಿನದಲ್ಲಿ 10.26 ಕೋಟಿ ರೂಪಾಯಿ ಗಳಿಸಿತ್ತು. ಶನಿವಾರದಂದು ಚಿತ್ರದ ಕಲೆಕ್ಷನ್‌ನಲ್ಲಿ ಭಾರಿ ಏರಿಕೆ ದಾಖಲಾಗಿದೆ. ಬಿಡುಗಡೆಯಾದ ಎರಡನೇ ದಿನವೇ ಚಿತ್ರ 15.30 ಕೋಟಿ ಗಳಿಸಿತ್ತು. ಎರಡು ದಿನ ಗಳಿಸಿದ ನಂತರ ಚಿತ್ರದ ಒಟ್ಟು ಬಾಕ್ಸ್ ಆಫೀಸ್ ಕಲೆಕ್ಷನ್ 25.56 ಕೋಟಿ ರೂಪಾಯಿ. ಈಗ ಈ ಚಿತ್ರ ಭಾನುವಾರದಂದು 18 ರೂಪಾಯಿ ಕಲೆಕ್ಷನ್​ ಮಾಡಿದ್ದು, ಈಗ ಒಟ್ಟು 43 ಕೋಟಿ ರೂಪಾಯಿ ಗಳಿಕೆ ಮಾಡಿದಂತಾಗಿದೆ.

ಅಕ್ಷಯ್​ ಕುಮಾರ್​ ಅಭಿನಯದ ಈ ಚಿತ್ರವು ದೊಡ್ಡ ಪರದೆಯ ಮೇಲೆ ಬಿಡುಗಡೆಯಾಗುವ ಮೊದಲು ಹಲವಾರು ಸಮಸ್ಯೆಗಳನ್ನು ಎದುರಿಸಿತು. ಎಲ್ಲಾ ಕಷ್ಟಗಳನ್ನು ಎದುರಿಸಿದ ಈ ಚಿತ್ರ ಹಿಟ್ ಆಗುವತ್ತ ಸಾಗುತ್ತಿದೆ. ಅದೇ ಸಮಯದಲ್ಲಿ, ಅಕ್ಷಯ್ ಕುಮಾರ್ ಅವರು ಸತತ 5 ಫ್ಲಾಪ್ ಚಿತ್ರಗಳ ನಂತರ ಪುನರಾಗಮನ ಮಾಡುತ್ತಿರುವುದು ಗಮನಾರ್ಹ.. OMG 2 ಓಹ್ ಮೈ ಗಾಡ್ (2012) ನ ಮುಂದಿನ ಭಾಗವಾಗಿದೆ.

ಓದಿ:Rolex: ಸೂಪರ್​ಹಿಟ್​ ಸಿನಿಮಾದ ಪಾತ್ರವೇ ಸಿನಿಮಾ! ಸೂರ್ಯ ಅಭಿನಯನದಲ್ಲಿ ಬರ್ತಿದೆ 'ರೋಲೆಕ್ಸ್'