Watch... ಮನೆಯಲ್ಲೇ ಸರಳವಾಗಿ ಹುಟ್ಟುಹಬ್ಬ ಆಚರಿಸಿಕೊಂಡ ಮಹೇಶ್​ ಬಾಬು ಪ್ರಿನ್ಸೆಸ್​ ಸಿತಾರಾ

ನಟ ಮಹೇಶ್​ ಬಾಬು ಪುತ್ರಿ ಸಿತಾರಾ ಘಟ್ಟಮನೇನಿ ತಮ್ಮ ಹುಟ್ಟುಹಬ್ಬವನ್ನು ಮನೆಯಲ್ಲಿಯೇ ಸರಳವಾಗಿ ಆಚರಿಸಿಕೊಂಡಿದ್ದಾರೆ.

ತೆಲುಗು ಸೂಪರ್​ಸ್ಟಾರ್​ ಮಹೇಶ್​ ಬಾಬು ಮತ್ತು ನಟಿ ನಮ್ರತಾ ದಂಪತಿಯ ಪುತ್ರಿ ಸಿತಾರಾ ಘಟ್ಟಮನೇನಿ ನಿನ್ನೆಯಷ್ಟೇ ಹುಟ್ಟುಹಬ್ಬ ಆಚರಿಸಿಕೊಂಡಿದ್ದಾರೆ. ಪುಟಾಣಿ ಚೆಲುವೆ 11ನೇ ವಸಂತಕ್ಕೆ ಕಾಲಿಟ್ಟಿದ್ದಾರೆ. ಮಗಳ ಬರ್ತ್​ಡೇಗೆ ಮಹೇಶ್​ ದಂಪತಿ ನಿನ್ನೆ ರಾತ್ರಿ ಮನೆಯಲ್ಲಿಯೇ ಪಾರ್ಟಿ ಆಯೋಜಿಸಿದ್ದರು. ಹೆಚ್ಚಾಗಿ ಸ್ಟಾರ್​ ನಟರು ತಮ್ಮ ಕುಟುಂಬದಲ್ಲಿ ಯಾರದ್ದೇ ಹುಟ್ಟುಹಬ್ಬವಿದ್ದರೂ ವಿದೇಶದಲ್ಲಿ ಅಥವಾ ಇನ್ಯಾವುದೋ ಫೇಮಸ್​ ಫೈವ್​ ಸ್ಟಾರ್​ ಹೋಟೆಲ್​ನಲ್ಲಿ ಪಾರ್ಟಿ ಆಯೋಜಿಸುತ್ತಾರೆ.

ಆದರೆ ಮಹೇಶ್​ ತಮ್ಮ ಮಗಳ ಹುಟ್ಟುಹಬ್ಬವನ್ನು ಸರಳವಾಗಿ ಮನೆಯಲ್ಲಿಯೇ ಆಚರಿಸಿದ್ದಾರೆ. ಆಯೋಜಿಸಿದ್ದ ಪಾರ್ಟಿಯಲ್ಲಿ ಸಿತಾರಾ ಕುಟುಂಬಸ್ಥರು ಮತ್ತು ಸ್ನೇಹಿತರು ಭಾಗವಹಿಸಿದ್ದರು. ಮಹೇಶ್​ ಪ್ರಿನ್ಸೆಸ್​ ಕೇಕ್​ ಕತ್ತರಿಸಿ ಸಂಭ್ರಮಿಸಿದರು. ಬರ್ತ್​ಡೇ ಸೆಲೆಬ್ರೇಷನ್​ ವಿಡಿಯೋ ಮತ್ತು ಫೋಟೋಗಳನ್ನು ನಮ್ರತಾ ಇನ್​ಸ್ಟಾದಲ್ಲಿ ಹಂಚಿಕೊಂಡಿದ್ದಾರೆ. ಪಾರ್ಟಿಯ ಅಲಂಕಾರ ಮತ್ತು ಸಿತಾರಾ ಹುಟ್ಟುಹಬ್ಬ ಹೇಗೆ ಆಚರಿಸಿದರು ಎಂಬುದನ್ನು ವಿಡಿಯೋ ಮತ್ತು ಫೋಟೋದಲ್ಲಿ ಕಾಣಬಹುದು. ಸಿತಾರಾ ಗರ್ಲ್ಸ್​​ ಗ್ಯಾಂಗ್​ ಬರ್ತ್​ಡೇ ಸಂಭ್ರಮವನ್ನು ಹೆಚ್ಚಿಸಿದ್ದರು.

ವಿಡಿಯೋದಲ್ಲಿ ಸಭಾಂಗಣವನ್ನು ಒಂದು ಬದಿಯಲ್ಲಿ ಹೊಳೆಯುವ ದೀಪಗಳಿಂದ ಅಲಂಕರಿಸಲಾಗಿತ್ತು. ಇನ್ನೊಂದು ಬದಿಯಲ್ಲಿ ಗೋಲ್ಡನ್​ ಬಣ್ಣದಲ್ಲಿ ಡೆಕೋರೇಟ್​ ಮಾಡಲಾಗಿತ್ತು. 'ಹ್ಯಾಪಿ ಬರ್ತ್‌ಡೇ ಸಿತಾರಾ' ಎಂದು ಗೋಡೆಯಲ್ಲಿ ಅಕ್ಷರಗಳನ್ನು ಜೋಡಿಸಲಾಗಿತ್ತು. ಸುತ್ತಲೂ ಕಲರ್​ಫುಲ್​ ಆಗಿ ಬಲೂನ್​ಗಳನ್ನು ಜೋಡಿಸಲಾಗಿತ್ತು. ಡಿಸ್ಕೋ ದೀಪಗಳು ಪಾರ್ಟಿಯ ಅಂದವನ್ನು ಮತ್ತಷ್ಟು ಹೆಚ್ಚಿಸಿತ್ತು.

ನಮ್ರತಾ ಅವರು ಸಿತಾರಾಗೆ ಕೇಕ್​ ತಿನ್ನಿಸುವ ಫೋಟೋವನ್ನು ಪೋಸ್ಟ್​ ಮಾಡಿದ್ದಾರೆ. ಇನ್ನೊಂದು ಫೋಟೋದಲ್ಲಿ ಸಿತಾರಾ ಅವರ ಅಣ್ಣ ಗೌತಮ್​ ಘಟ್ಟಮನೇನಿ ಕೇಕ್​ ತಿನ್ನಿಸುತ್ತಿರುವುದು ಕಂಡು ಬಂದಿದೆ. ಗ್ರೂಪ್​ ಫೋಟೋದಲ್ಲಿ ಸಿತಾರಾ ಅವರು ಸ್ನೇಹಿತರೊಂದಿಗೆ ಸೇರಿದಂತೆ ಎಲ್ಲರೂ ಜೊತೆಯಾಗಿ ಪೋಸ್​ ನೀಡಿದ್ದಾರೆ. "ಕ್ಯೂಟೀಸ್​ ಮತ್ತು ನನ್ನ ಲಿಟಲ್​ ಬಿಗ್​ ಬಾರ್ಬಿ" ಎಂದು ನಮ್ರತಾ ಫೋಟೋ ಕ್ಯಾಪ್ಶನ್​ ಕೊಟ್ಟಿದ್ದಾರೆ. ಸಿತಾರಾ ತಮ್ಮ ಬರ್ತ್​ಡೇ ಸೆಲೆಬ್ರೇಷನ್​ಗಾಗಿ ಗುಲಾಬಿ ಬಣ್ಣದ ಕ್ರಾಪ್​ ಟಾಪ್​ ಮತ್ತು ಬಿಳಿ ಪ್ಯಾಂಟ್​ ಧರಿಸಿದ್ದರು.

ವಿದ್ಯಾರ್ಥಿನಿಯರಿಗೆ ಸೈಕಲ್​ ವಿತರಿಸಿದ ಸಿತಾರಾ:ಸಿತಾರಾ ನಿನ್ನೆತಮ್ಮ ಹುಟ್ಟುಹಬ್ಬದ ಸಲುವಾಗಿ ಹಿಂದುಳಿದ ವಿದ್ಯಾರ್ಥಿನಿಯರಿಗೆ ಉಚಿತ ಸೈಕಲ್​ ವಿತರಿಸಿದ್ದರು. ಬಳಿಕ ಅವರೊಂದಿಗೆ ಸೇರಿ ಕೇಕ್​ ಮಾಡುವ ಮೂಲಕ ಬರ್ತ್​ಡೇ ಆಚರಿಸಿದ್ದರು. ಬಳಿಕ ಆ ಮಕ್ಕಳೊಂದಿಗೆ ಫೋಟೋ ತೆಗೆಸಿಕೊಂಡಿದ್ದರು. ಆ ಸುಂದರ ಕ್ಷಣದ ವಿಡಿಯೋವನ್ನು ಹಂಚಿಕೊಳ್ಳಲು ಸಿತಾರಾ ಇನ್​ಸ್ಟಾ ವೇದಿಕೆಯನ್ನು ಆಯ್ದುಕೊಂಡರು.

"ನನ್ನ ದಿನವನ್ನು ನಿಜವಾಗಿಯೂ ಮರೆಯಲಾಗದಂತೆ ಮಾಡಿದ್ದಕ್ಕಾಗಿ ಎಲ್ಲರಿಗೂ ಧನ್ಯವಾದಗಳು. ನಿಮ್ಮ ಉಪಸ್ಥಿತಿಯು ಅದನ್ನು ಇನ್ನಷ್ಟು ಸ್ಮರಣೀಯಗೊಳಿಸಿತು!" ಎಂದು ಶೀರ್ಷಿಕೆ ನೀಡಿದ್ದಾರೆ. ಇದನ್ನು ನೋಡಿದ ನೆಟಿಜನ್​ಗಳು ಆಕೆಯ ಗುಣವನ್ನು ಮೆಚ್ಚಿಕೊಂಡಿದ್ದಾರೆ. ತಂದೆಯಂತೆಯೇ ಮಗಳು ಕೂಡ ಸಮಾಜಮುಖಿ ಕಾರ್ಯದಲ್ಲಿ ಮುಂದಿರುವುದನ್ನು ಕಂಡು ಖುಷಿ ಪಟ್ಟಿದ್ದಾರೆ.

ಇತ್ತೀಚೆಗೆ ಸಿತಾರಾ ಖ್ಯಾತ ಆಭರಣ ಕಂಪನಿಯೊಂದರ ಬ್ರಾಂಡ್ ಅಂಬಾಸಿಡರ್ ಆಗಿದ್ದು, ಇವರ ಫೋಟೋ ನ್ಯೂಯಾರ್ಕ್​ ಸಿಟಿಯಲ್ಲಿರುವ ಟೈಮ್​ ಸ್ಕ್ವೇರ್​ನಲ್ಲಿ ಪ್ರದರ್ಶನಗೊಂಡು ಸದ್ದು ಮಾಡಿದೆ. ಈ ಮೂಲಕ ಇಂತಹ ಸಾಧನೆ ಮಾಡಿದ ಮೊದಲ ಸ್ಟಾರ್​ ಕಿಡ್​ ಎಂಬ ಹೆಗ್ಗಳಿಕೆಗೆ ಪಾತ್ರರಾಗಿದ್ದಾರೆ.

ಇದನ್ನೂ ಓದಿ:ಆಭರಣ ಜಾಹೀರಾತಿನಿಂದ ಸಿಕ್ಕ ಮೊದಲ ಸಂಭಾವನೆಯನ್ನು ಚಾರಿಟಿಗೆ ನೀಡಿದ ನಟ ಮಹೇಶ್ ಬಾಬು ಪುತ್ರಿ ಸಿತಾರಾ