ವಾರದ ಬಳಿಕ ಕಲೆಕ್ಷನ್​​ ಕಡಿಮೆ ಮಾಡಿಕೊಂಡ 'ಮಿಷನ್​ ರಾಣಿಗಂಜ್': 'ಥ್ಯಾಂಕ್​​ ಯೂ ಫಾರ್​ ಕಮ್ಮಿಂಗ್'; ಇಲ್ಲಿಯವರೆಗೆ ಗಳಿಸಿದ್ದೆಷ್ಟು?

'ಮಿಷನ್​ ರಾಣಿಗಂಜ್'​ ಮತ್ತು 'ಥ್ಯಾಂಕ್​​ ಯು ಫಾರ್​ ಕಮಿಂಗ್'​ ಚಿತ್ರಗಳು ಒಂದೇ ದಿನದಲ್ಲಿ ಬಿಡುಗಡೆ ಕಂಡಿದ್ದು, ಪ್ರೇಕ್ಷಕರಿಂದ ಉತ್ತಮ ಮೆಚ್ಚುಗೆ ಪಡೆದಿದ್ದವು.

ಬೆಂಗಳೂರು: ಅಕ್ಟೋಬರ್​ 6ರಂದು ಅಂದರೆ ಕಳೆದ ಶುಕ್ರವಾರ ಬಾಲಿವುಡ್​ನಲ್ಲಿ ಬಹುನಿರೀಕ್ಷಿತ ಚಿತ್ರಗಳಾದ 'ಮಿಷನ್​ ರಾಣಿಗಂಜ್'​ ಮತ್ತು 'ಥ್ಯಾಂಕ್​​ ಯು ಫಾರ್​ ಕಮಿಂಗ್'​ ಚಿತ್ರಗಳು ಬಿಡುಗಡೆಯಾಗಿದ್ದು, ಇದೀಗ ಎರಡು ಚಿತ್ರಗಳು ಭಾರಿ ಪೈಪೋಟಿ ನಡೆಸುತ್ತಿದೆ. ನೈಜ ಕಥೆ ಮತ್ತು ಯುವ ಪೀಳಿಗೆಯ ಕಥೆಯನ್ನು ಹೊಂದಿರುವ ಈ ಚಿತ್ರಗಳು ಸದ್ಯ ಗಲ್ಲ ಪೆಟ್ಟಿಗೆಯಲ್ಲಿ ಸದ್ದು ಮಾಡುತ್ತಿದೆ. ಅಕ್ಷಯ್​​ ಕುಮಾರ್​ ಅವರು 'ಮಿಷನ್​ ರಾಣಿಗಂಜ್​: ದಿ ಗ್ರೇಟ್​ ರೆಸ್ಕ್ಯೂ' ಹಾಗೂ ಭೂಮಿ ಪಡ್ನೇಕರ್​ ಅಭಿಯನದ 'ಥ್ಯಾಂಕ್​ ಯು ಫಾರ್​ ಕಮ್ಮಿಂಗ್​' ಎರಡು ಚಿತ್ರಗಳನ್ನು ಅಭಿಮಾನಿಗಳು ಮೆಚ್ಚಿಕೊಂಡಿದ್ದು, ಉತ್ತಮ ಪ್ರದರ್ಶನ ಕಾಣುತ್ತಿದೆ.

1989ರಲ್ಲಿ ಪಶ್ಚಿಮ ಬಂಗಾಳದ ರಾಣಿಗಂಜ್​ ಕಲ್ಲಿದ್ದಲ್ಲು ಗಣಿಯಲ್ಲಿ ನಡೆದ ನೈಜ ಕಥೆ ಹೊಂದಿರುವ 'ಮಿಷನ್​ ರಾಣಿಗಂಜ್'​ಗೆ ನಿರ್ದೇಶಕ ಟಿನು ಸುರೇಶ್​ ದೇಸಾಯಿ ಆಕ್ಷ್ಯನ್​ ಕಟ್​ ಹೇಳಿದ್ದಾರೆ. ಈ ಚಿತ್ರವೂ ದೇಶಿಯ ಬಾಕ್ಸ್​​ ಆಫೀಸ್​ನಲ್ಲಿ 2.8 ಕೋಟಿ ಗಳಿಕೆ ಕಂಡಿದೆ ಎಂದು ಇಂಡಸ್ಟ್ರಿ ಟ್ರಾಕರ್​ ಸ್ಯಾಕ್ನಿಲ್ಕ್​​ ವರದಿ ಮಾಡಿದೆ. ಚಿತ್ರ ಬಿಡುಗಡೆಯಾದ ಆರನೇ ದಿನದಲ್ಲಿ 1.43 ಕೋಟಿ ಲಾಭ ಕಂಡಿದೆ ಎಂದು ವರದಿಯಾಗಿದೆ.

ಇನ್ನು ಮತ್ತೊಂದೆಡೆ ಯುವತಿಯರ ಕಥಾಹಂದರ ಹೊಂದಿರುವ 'ಥ್ಯಾಂಕ್​ ಯು ಫಾರ್​ ಕಮ್ಮಿಂಗ್'​ ಚಿತ್ರ ಮೊದಲ ದಿನವೇ 1.06 ಕೋಟಿ ಗಳಿಕೆ ಮಾಡುವ ಮೂಲಕ ಉತ್ತಮ ಪ್ರತಿಕ್ರಿಯೆ ಪಡೆದಿತ್ತು. ಸ್ಯಾಕ್ನಿಲ್ಕ್ ವರದಿ ಅನುಸಾರ ಈ ಚಿತ್ರ ಆರನೇ ದಿನಕ್ಕೆ 0.4 ಕೋಟಿ ಸಂಪಾದಿಸಿದೆ. ಈ ಮೂಲಕ ಚಿತ್ರ ಬಿಡುಗಡೆ ಆದಾಗಿನಿಂದ ಒಟ್ಟಾರೆ 5.62 ಕೋಟಿ ಬಾಚಿದೆ. ಕರಣ್​ ಬೊಲಾನಿ ನಿರ್ದೇಶದನ ಈ ಚಿತ್ರದಲ್ಲಿ ಶೆಹನಾಜ್​ ಗಿಲ್​, ಡೋಲಿ ಸಿಂಗ್​, ಶಿಬಾನಿ ಬೇಡಿ ಮತ್ತು ಕುಶ ಕಪಿಲ್​ ಪ್ರಮುಖ ಪಾತ್ರದಲ್ಲಿ ಮಿಂಚಿದ್ದಾರೆ.

ಎರಡು ವಿಭಿನ್ನ ಕಥೆ ಹೊಂದಿರುವ ಈ ಚಿತ್ರಗಳು ಉತ್ತಮ ಆರಂಭಿಕ ಕಂಡಿದ್ದು, ಪ್ರೇಕ್ಷಕರಿಂದ ಮೆಚ್ಚುಗೆಯನ್ನು ಪಡೆದಿದೆ. ಬಿಡುಗಡೆಯಾಗಿ ವಾರದ ಬಳಿಕ ಕೊಂಚ ಗಳಿಕೆ ಕಡಿಮೆ ಮಾಡಿಕೊಂಡಿರುವ ಈ ಎರಡು ಚಿತ್ರಗಳು ಈ ವಾರಾಂತ್ಯದಲ್ಲಿ ಮತ್ತೆ ಬಾಕ್ಸ್​​ ಆಫೀಸ್​ನಲ್ಲಿ ಸದ್ದು ಮಾಡುವ ಸಾಧ್ಯತೆ ಇದೆ. ಆದರೂ ಮುಂದಿನ ದಿನದಲ್ಲಿ ಚಿತ್ರದ ಗಳಿಕೆ ಹೇಗಿರಲಿದೆ ಎಂಬ ಕುತೂಹಲ ಸದ್ಯ ಬಾಲಿವುಡ್​ ಮಂದಿಯಲ್ಲಿದೆ.

ಇದನ್ನೂ ಓದಿ: ಆಸ್ಪತ್ರೆಗೆ ದಾಖಲಾದ ನಟಿ ಶೆಹನಾಜ್​ ಗಿಲ್​: ಆರೋಗ್ಯ ವಿಚಾರಿಸಿದ ನಿರ್ಮಾಪಕಿ ರಿಯಾ ಕಪೂರ್​