ಸ್ಯಾಂಡಲ್ವುಡ್ನ ಬಹುಬೇಡಿಕೆಯ ನಟ, ಅಭಿನಯ ಚತುರ ಸತೀಶ್ ನೀನಾಸಂಗೆ ಇಂದು ಹುಟ್ಟುಹಬ್ಬದ ಸಂಭ್ರಮ. ಕುಟುಂಬಸ್ಥರು, ಸ್ನೇಹಿತರು, ಸೆಲೆಬ್ರಿಟಿಗಳು, ಅಭಿಮಾನಿಗಳು ಸತೀಶ್ ಬರ್ತ್ಡೇಗೆ ವಿಶ್ ಮಾಡುತ್ತಿದ್ದಾರೆ. 'ಮ್ಯಾಟ್ನಿ' ಚಿತ್ರತಂಡ ನಟನಿಗೆ ಹೊಸ ಪೋಸ್ಟರ್ನೊಂದಿಗೆ ಜನ್ಮದಿನದ ಶುಭಾಶಯ ಕೋರಿದ್ದಾರೆ. ಈ ಪೋಸ್ಟರ್ ಸತೀಶ್ ಅಭಿಮಾನಿಗಳ ವಲಯದಲ್ಲಿ ಟ್ರೆಂಡಿಂಗ್ ಆಗಿದೆ.
ಸದ್ಯ ಸತೀಶ್ ನೀನಾಸಂ 'ಮ್ಯಾಟ್ನಿ' ಸಿನಿಮಾ ವಿಚಾರವಾಗಿ ಬ್ಯುಸಿಯಾಗಿದ್ದಾರೆ. ನಿರ್ದೇಶಕ ಮನೋಹರ್ ಕಂಪಲ್ಲಿಯವರ ಚೊಚ್ಚಲ ನಿರ್ದೇಶನದ ಚಿತ್ರ ಇದಾಗಿದ್ದು, ಲವ್ ಸ್ಟೋರಿ ಜೊತೆಗೆ ಕೌಟುಂಬಿಕ ಮೌಲ್ಯಗಳನ್ನು ಒಳಗೊಂಡಿದೆ. 'ಅಯೋಗ್ಯ' ಸಿನಿಮಾದ ಬಳಿಕ ಸತೀಶ್ ಮತ್ತು ರಚಿತಾ ಮ್ಯಾಟ್ನಿ ಚಿತ್ರದ ಮೂಲಕ ಮತ್ತೊಮ್ಮೆ ಒಟ್ಟಿಗೆ ಕಾಣಿಸಿಕೊಳ್ಳುತ್ತಿದ್ದಾರೆ. ಜೊತೆಗೆ ಅದಿತಿ ಪ್ರಭುದೇವ್ ಕೂಡ ನಾಯಕಿಯಾಗಿ ನಟಿಸಿದ್ದಾರೆ.
ಮ್ಯಾಟ್ನಿ ಸಿನಿಮಾಗೆ ಪೂರ್ಣಚಂದ್ರ ತೇಜಸ್ವಿ ಸಂಗೀತ, ಸುಧಾಕರ್ ರಾಜ್ ಮತ್ತು ಕೀರ್ತನ್ ಪೂಜಾರಿ ಛಾಯಾಗ್ರಹಣ, ಕೆ.ಎಂ ಪ್ರಕಾಶ್ ಸಂಕಲನವಿದೆ. ಚಿತ್ರವನ್ನು ಪಾರ್ವತಿ ಎಸ್ ಗೌಡ ಎಂಬುವವರು ನಿರ್ಮಾಣ ಮಾಡುತ್ತಿದ್ದಾರೆ. ಪ್ರೇಮಿಗಳ ದಿನಕ್ಕೆ ಟೀಸರ್ ಅನ್ನು ಚಿತ್ರತಂಡ ಉಡುಗೊರೆಯಾಗಿ ನೀಡಿತ್ತು. ಟೀಸರ್ ಬಗ್ಗೆ ಎಲ್ಲೆಡೆ ಮೆಚ್ಚುಗೆ ಕೇಳಿಬಂದಿತ್ತು. ಅತೀ ಶೀಘ್ರದಲ್ಲೇ ಚಿತ್ರತಂಡ ಸಿನಿಮಾ ಬಿಡುಗಡೆಗೂ ಪ್ಲಾನ್ ಮಾಡಿಕೊಂಡಿದೆ.
ಇದನ್ನೂ ಓದಿ:'ನಿಲ್ಲಲೇ ಬೇಕು ಎಲ್ಲ ಧಿಮಾಕು'..ಮಲಯಾಳಂ ಜೊತೆ ಕನ್ನಡದಲ್ಲೂ 'ಧೂಮಂ' ರಿಲೀಸ್
ಸಹನಟನಿಂದ ನಾಯಕ ನಟನವರೆಗೆ...:ಮಂಡ್ಯ ಮೂಲದಸತೀಶ್ ನೀನಾಸಂ 2008ರಲ್ಲಿ ಬಣ್ಣದ ಲೋಕಕ್ಕೆ ಕಾಲಿಟ್ಟರು. 'ಲೈಫ್ ಇಷ್ಟೇನೆ', 'ಪಂಚರಂಗಿ' ಸಿನಿಮಾಗಳಲ್ಲಿ ಸಣ್ಣ ಪುಟ್ಟ ಪಾತ್ರಗಳಲ್ಲಿ ಕಾಣಿಸಿಕೊಂಡು ಕನ್ನಡಿಗರಿಗೆ ಪರಿಚಯವಾದರು. ಬಳಿಕ ಇವರಿಗೆ ಬಿಗ್ ಬ್ರೇಕ್ ಕೊಟ್ಟಿದ್ದು ಮಾತ್ರ 'ಡ್ರಾಮಾ' ಚಿತ್ರ. ರಾಕಿಂಗ್ ಸ್ಟಾರ್ ಯಶ್ ಮತ್ತು ರಾಧಿಕಾ ಪಂಡಿತ್ ಅಭಿನಯದ ಈ ಸಿನಿಮಾದಲ್ಲಿನ ಸತೀಶ್ ಪಾತ್ರ ಎಲ್ಲರ ಮೆಚ್ಚುಗೆಗೆ ಪಾತ್ರವಾಗಿತ್ತು.
ಇದಾದ ನಂತರ ಪವನ್ ನಿರ್ದೇಶನದ 'ಲೂಸಿಯಾ' ಸಿನಿಮಾದಲ್ಲಿ ಸತೀಶ್ ನಾಯಕ ನಟನಾಗಿ ಅಭಿನಯಿಸಿದರು. ಮೊದಲನೇ ಚಿತ್ರಕ್ಕೆ ಭರವಸೆಯ ನಾಯಕ ನಟನಾಗಿ ಗುರುತಿಸಿಕೊಂಡರು. ಈ ಚಿತ್ರ ಅವರಿಗೆ ಹಿಟ್ ನೀಡಿತು. ಅದರ ನಂತರ 'ಕ್ವಾಟ್ಲೆ ಸತೀಶ್' ಸಿನಿಮಾ ಬಂತು. ಕಾಮಿಡಿ ಮಾಡುವ ಮೂಲಕವೂ ಪ್ರೇಕ್ಷಕರನ್ನು ಮನರಂಜಿಸುವಲ್ಲಿ ಸತೀಶ್ ಯಶಸ್ವಿಯಾದರು.
ಆ ನಂತರ ಬಂದ 'ಲವ್ ಇನ್ ಮಂಡ್ಯ', 'ರಾಕೆಟ್', 'ಬ್ಯೂಟಿಫುಲ್ ಮನಸ್ಸುಗಳು', 'ಟೈಗರ್ ಗಲ್ಲಿ' ಬಂದವು. ಬಳಿಕ ಬಂದ 'ಅಯೋಗ್ಯ' ಸಿನಿಮಾ ಸೂಪರ್ ಹಿಟ್ ಆಯಿತು. ಅನೇಕ ಪ್ರಶಸ್ತಿಗಳನ್ನು ಬಾಚಿಕೊಂಡಿತು. ಆ ನಂತರ ಬಂದ 'ಡಿಯರ್ ವಿಕ್ರಮ್' ಯಶಸ್ವಿಯಾಯಿತು. ಉತ್ತಮ ಸಿನಿಮಾವಾಗಿ ಗುರುತಿಸಿಕೊಂಡಿತು. 'ಪಗೈವನುಕು ಅರುಳ್ಳಾಯ್' ತಮಿಳು ಸಿನಿಮಾದಲ್ಲೂ ಸತೀಶ್ ನಟಿಸಿದ್ದಾರೆ.
ಸದ್ಯ ನೀನಾಸಂ ಕೈಯಲ್ಲಿ ಮೂರು ಪ್ರಾಜೆಕ್ಟ್ಗಳಿವೆ. 'ದಸರಾ', 'ಮ್ಯಾಟ್ನಿ', 'ಅಶೋಕ ಬ್ಲೇಡ್' ಚಿತ್ರದಲ್ಲಿ ತೊಡಗಿಸಿಕೊಂಡಿದ್ದಾರೆ. ಸದ್ಯದಲ್ಲೇ ಬಿಡುಗಡೆಯಾಗಲಿರುವ 'ಮ್ಯಾಟ್ನಿ' ಚಿತ್ರದ ಮೇಲೆ ಅಭಿಮಾನಿಗಳ ನಿರೀಕ್ಷೆ ಹೆಚ್ಚಿದೆ.
ಇದನ್ನೂ ಓದಿ:Guinness Record: 30 ದಿನದಲ್ಲಿ ಸಿನಿಮಾ ನಿರ್ಮಾಣ! ಗಿನ್ನೆಸ್ ದಾಖಲೆ ತುಡಿತದಲ್ಲಿ 'ದೇವರ ಆಟ ಬಲ್ಲವರಾರು' ತಂಡ
