ಮುಂಬೈ: ಹಿಂದಿ ಚಿತ್ರರಂಗದಲ್ಲಿ ನಟನಾಗಿ ತಮ್ಮದೇ ಛಾಪು ಮೂಡಿಸಿಕೊಂಡಿರುವ ಅರ್ಜುನ್ ಕಪೂರ್ ತಮ್ಮ ಹುಟ್ಟುಹಬ್ಬ ಆಚರಿಸಿಕೊಳ್ಳಲು ಒಂದು ವಾರದ ಹಿಂದೆ ತಮ್ಮ ಗೆಳತಿ ಮಲೈಕಾ ಅರೋರಾ ಜೊತೆ ಪ್ಯಾರಿಸ್ಗೆ ಪ್ರಯಾಣ ಬೆಳಸಿದ್ದು, ಇದೀಗ ತಮ್ಮ ಆನಂದಮಯ ಕ್ಷಣಗಳನ್ನು ಪ್ರಣಯದ ನಾಡಲ್ಲಿ ಕಳೆದಿರುವ ಜೋಡಿ, ನಿನ್ನೆ ತಾಯ್ನಾಡಿಗೆ ವಾಪಸ್ ಆಗಿದ್ದು, ಮುಂಬೈ ಏರ್ಪೋರ್ಟ್ನಲ್ಲಿ ಮಾಧ್ಯಮಗಳ ಕಣ್ಣಿಗೆ ಬಿದ್ದಿದ್ದಾರೆ.
ಅರ್ಜುನ್ ಕಪೂರ್ ನಾಲ್ಕು ದಿನಗಳ ಹಿಂದೆ ತಮ್ಮ 37ನೇ ಹುಟ್ಟುಹಬ್ಬವನ್ನು ಗೆಳತಿಯೊಂದಿಗೆ ಪ್ಯಾರಿಸ್ನಲ್ಲಿ ಆಚರಿಸಿಕೊಂಡಿದ್ದಾರೆ. ಹುಟ್ಟುಹಬ್ಬ ಆಚರಣೆ ಮಾತ್ರವಲ್ಲದೇ ಇಬ್ಬರೂ ಸೇರಿ ಉತ್ತಮ ಕ್ಷಣಗಳನ್ನು ಕಳೆಯಲು ಪ್ಯಾರಿಸ್ ವಿಮಾನ ಏರಿದ್ದರು. ತಮ್ಮ ಮುಂಬರುವ ಸಿನಿಮಾಗಳ ಶೂಟಿಂಗ್ನಲ್ಲಿ ಬ್ಯುಸಿಯಾಗಿದ್ದ ಅರ್ಜುನ್ ಯಾವುದೇ ಬ್ರೇಕ್ ತೆಗೆದುಕೊಳ್ಳಲು ಸಾಧ್ಯವಾಗಿರಲಿಲ್ಲ.
ಅರ್ಜುನ್ ಕಪೂರ್- ಮಲೈಕಾ ಪ್ಯಾರಿಸ್ ಪ್ರಣಯ ಇದೀಗ ಏಕ್ ವಿಲನ್ ಸರಣಿ ಸಿನಿಮಾದ ಪ್ರೊಮೋಷನ್ ಕೆಲಸ ಪ್ರಾರಂಭವಾಗುವ ಮುನ್ನ ಸಣ್ಣದೊಂದು ಬ್ರೇಕ್ ತೆಗೆದುಕೊಂಡು ಗೆಳತಿಯೊಂದಿಗೆ ವಿಶೇಷವಾಗಿ ತಮ್ಮ ಬರ್ತ್ಡೇ ಆಚರಿಸಿಕೊಳ್ಳಲು ಹಾಗೂ ಸುಂದರ ಕ್ಷಣಗಳನ್ನು ಕಳೆಯಲು ಒಂದು ವಾರಕ್ಕೆ ಪ್ಯಾರಿಸ್ ತೆರಳಿದ್ದರು.
ಅರ್ಜುನ್ ಕಪೂರ್ ಹಾಗೂ ಮಲೈಕಾ ಅರೋರಾ ಕಳೆದ ಶುಕ್ರವಾರ ಪ್ಯಾರಿಸ್ಗೆ ಹಾರುವ ವೇಳೆ ಏರ್ಪೋರ್ಟ್ನಲ್ಲಿ ಫೋಟೋದಲ್ಲಿ ಸೆರೆಯಾಗಿದ್ದರು. ಜೋಡಿ ತಾವು ಒಂದು ವಾರ ಪ್ಯಾರಿಸ್ನಲ್ಲಿ ಕಳೆದ ಕ್ಷಣಗಳ ಫೋಟೋಗಳನ್ನು ತಮ್ಮ ಇನ್ಸ್ಟಾಗ್ರಾಂ ಖಾತೆಯಲ್ಲಿ ಹಂಚಿಕೊಂಡಿದ್ದರು. ಬರ್ತ್ಡೇ ದಿನ ತಾವು ಗೆಳತಿಗೆ ಫ್ರೆಂಚ್ ಫ್ರೈಸ್ ತಿನ್ನಿಸುತ್ತಿರುವ ವೀಡಿಯೋ ಹಂಚಿಕೊಂಡಿದ್ದರು. ಅಭಿಮಾನಿಗಳು ಅರ್ಜುನ್ ಅವರಿಗೆ ಶುಭಾಶಯಗಳನ್ನು ತಿಳಿಸಿದ್ದರು.
ನಟಿ ನಿರ್ಮಾಪಕಿಯಾಗಿ ಮಲೈಕಾ ಅರೋರಾ ಗುರುತಿಸಿಕೊಂಡಿದ್ದು, ಈ ತಾರಾ ಜೋಡಿ ಹಲವು ವರ್ಷಗಳಿಂದ ಪ್ರೀತಿ ಮಾಡುತ್ತಿದ್ದಾರೆ. ಅರ್ಜುನ್ ಕಪೂರ್ ಹಾಗೂ ಮಲೈಕಾ ಅರೋರಾ ಮಧ್ಯೆ 12 ವರ್ಷಗಳ ವಯಸ್ಸಿನ ಅಂತರವಿದ್ದು, ಮಲೈಕಾ ಅವರಿಗೆ 49 ವರ್ಷ ವಯಸ್ಸಾಗಿದೆ.
ಅರ್ಜುನ್ ಕಪೂರ್ ಅಭಿನಯದ ಏಕ್ ವಿಲನ್ ರಿಟರ್ನ್ಸ್ ಜುಲೈ 29ರಂದು ಬಿಡುಗಡೆಗೆ ಸಿದ್ಧಗೊಂಡಿದ್ದು, ಇದರಲ್ಲಿ ಜಾನ್ ಅಬ್ರಹಂ, ದಿಶಾ ಪಟಾನಿ, ತಾರಾ ಸುತಾರಿಯಾ ಕೂಡ ಬಣ್ಣ ಹಚ್ಚಿದ್ದಾರೆ. ಇದು 2014ರಲ್ಲಿ ಬಿಡುಗಡೆಯಾಗಿದ್ದ, ಸಿದ್ಧಾರ್ಥ್ ಮೆಲ್ಹೋತ್ರಾ ಹಾಗೂ ಶ್ರದ್ಧಾ ಕಪೂರ್ ಅಭಿನಯದ ಏಕ್ ವಿಲನ್ ಸಿನಿಮಾದ ಸರಣಿ ಚಿತ್ರವಾಗಿದೆ. ಇದಲ್ಲದೆ ಅರ್ಜುನ್ ಕಪೂರ್ ಆಸ್ಮಾನ್ ಭಾರಧ್ವಾಜ್ ಅವರ ಕುಟ್ಟಿ ಹಾಗೂ ಅಜಯ್ ಬಹಲ್ಸ್ ದ ಲೇಡಿ ಕಿಲ್ಲರ್ ಸಿನಿಮಾಗಳಲ್ಲಿ ಅಭಿನಯಿಸುತ್ತಿದ್ದಾರೆ.
ಇದನ್ನೂ ಓದಿ :47ರಲ್ಲೂ ಟಿನೇಜ್ ಗ್ಲಾಮರ್.. ನಟಿ ಶಿಲ್ಪಾ ಶೆಟ್ಟಿ ಬ್ಯೂಟಿಫುಲ್ ಫೋಟೋ ನೋಡಿ
