Published : Jan 8, 2024, 8:39 AM IST
ಮಹೇಶ್ ಬಾಬು, ಶ್ರೀಲೀಲಾ ಅಭಿನಯದ 'ಗುಂಟೂರು ಖಾರಂ' ಚಿತ್ರದ ಟ್ರೇಲರ್ ರಿಲೀಸ್ ಆಗಿದೆ. ಜನವರಿ 12ರಂದು ಸಿನಿಮಾ ತೆರೆಗೆ ಬರಲಿದೆ. ತ್ರಿವಿಕ್ರಮ್ ಶ್ರೀನಿವಾಸ್ ನಿರ್ದೇಶನದಲ್ಲಿ ಸಿನಿಮಾ ಮೂಡಿಬರುತ್ತಿದೆ. ಹನ್ನೆರಡು ವರ್ಷಗಳ ಬಿಡುವಿನ ಬಳಿಕ ಮಹೇಶ್ ಬಾಬು ಹಾಗು ತ್ರಿವಿಕ್ರಮ್ ಜೊತೆಯಾಗಿದ್ದಾರೆ.
ಅತಡು ಮತ್ತು ಖಲೇಜಾ ಚಿತ್ರಗಳಲ್ಲಿ ಇಬ್ಬರು ಕೆಲಸ ಮಾಡಿದ್ದರು. ಹರಿಕಾ ಮತ್ತು ಹಾಸನ್ ಕ್ರಿಯೇಷನ್ಸ್ ನಿರ್ಮಾಣದ ಈ ಚಿತ್ರದಲ್ಲಿ ಮುಖ್ಯ ಪಾತ್ರಗಳಲ್ಲಿ ಮೀನಾಕ್ಷಿ ಚೌಧರಿ, ಜಗಪತಿ ಬಾಬು, ರಮ್ಯಾ ಕೃಷ್ಣನ್, ಜಯರಾಮ್, ಪ್ರಕಾಶ್ ರಾಜ್ ಮತ್ತು ಸುನೀಲ್ ಸೇರಿದಂತೆ ಹಲವರು ಅಭಿನಯಿಸಿದ್ದರು.
ಟ್ರೇಲರ್ನಲ್ಲಿ ಮಹೇಶ್ ಬಾಬು ಮಾಸ್ ಲುಕ್ನಲ್ಲಿ ಅವತರಿಸಿದ್ದಾರೆ. ಮಹೇಶ್ ಬಾಬು ಅಭಿಮಾನಿಗಳಿಗೆ ಇಷ್ಟವಾಗುವ ಖಡಕ್ ಡೈಲಾಗ್ಗಳಿವೆ. ಗುಂಟೂರಿನ ಭೂಗತ ಪಾತಕಿಯೊಬ್ಬನ ಕುರಿತ ಕಥೆಯ ಕುರಿತು ಟ್ರೇಲರ್ ಸುಳಿವು ನೀಡಿದೆ. ಚಿತ್ರಕ್ಕೆ ಎಸ್.ಥಮನ್ ಸಂಗೀತ, ಮನೋಜ್ ಪರಮಹಂಸ ಮತ್ತು ಪಿ.ಎಸ್.ವಿನೋದ್ ಛಾಯಾಗ್ರಹಣ ಮತ್ತು ನವೀನ್ ನೂಲಿ ಸಂಕಲನವಿದೆ. ಎರಡನೇ ಹಿರೋಯಿನ್ ಆಗಿ ಮೀನಾಕ್ಷಿ ಚೌಧರಿ ನಟಿಸಿದ್ದಾರೆ. ಒಟ್ಟು 3 ಹಾಡುಗಳು ರಿಲೀಸ್ ಆಗಿವೆ. ಕುರಚಿ ಮಡತಪೆಟ್ಟಿ ಹಾಡು ವಿಶೇಷ ಬೀಟ್ಸ್ನಿಂದ ಗಮನ ಸೆಳೆಯುತ್ತಿದೆ.
ಸಂಕ್ರಾಂತಿಗೆ 'ಡಬಲ್ ಡಬಲ್' ಧಮಾಕ:ಸಂಕ್ರಾಂತಿ ಹಬ್ಬಕ್ಕೆ ಗುಂಟೂರು ಖಾರಂ ಅಲ್ಲದೆ, 'ಸೈಂಧವ್', 'ಹನುಮಾನ್' ಮತ್ತು ನಾಗಾರ್ಜುನ ಅವರ 'ನಾ ಸಾಮಿ ರಂಗ' ಸಿನಿಮಾ ಬಿಡುಗಡೆಯಾಗಲಿದೆ.
ಇದನ್ನೂ ಓದಿ:'ಗುಂಟೂರು ಖಾರಂ' ಸಾಂಗ್: ಮಹೇಶ್ ಬಾಬು, ಶ್ರೀಲೀಲಾ ಭರ್ಜರಿ ಡ್ಯಾನ್ಸ್