ಬೆಂಗಳೂರು: ಬಾಲಿವುಡ್ ನಟರಾದ ಸಲ್ಮಾನ್ ಖಾನ್ ಮತ್ತು ಕತ್ರಿನಾ ಕೈಫ್ ನಟಿಸಿರುವ ಮುಂಬರುವ ಹೊಸ ಚಿತ್ರ 'ಟೈಗರ್ 3'ಯ ವಿಡಿಯೋ ಹಾಡು ಬಿಡುಗಡೆಯಾಗಿದೆ. ಮನೀಶ್ ಶರ್ಮಾ ನಿರ್ದೇಶನದ ಚಿತ್ರದಲ್ಲಿ ವಿಶೇಷ ಪಾತ್ರದಲ್ಲಿ ನಟ ಇಮ್ರಾನ್ ಹಶ್ಮಿ ಕೂಡಾ ಅಭಿನಯಿಸಿದ್ದಾರೆ.
'ಲೆಕೆ ಪ್ರಭು ಕಾ ನಾಮ್' ಎಂಬ ವಿಡಿಯೋ ಹಾಡಿನಲ್ಲಿ ಸಲ್ಮಾನ್ ಖಾನ್ ಮತ್ತು ಕತ್ರಿನಾ ಅವರನ್ನು ಗ್ಲಾಮರಸ್ ದಿರಿಸಿನಲ್ಲಿ ನೋಡಬಹುದು. ಟರ್ಕಿ ದೇಶದಲ್ಲಿ ಚಿತ್ರೀಕರಣ ಮಾಡಲಾಗಿದೆ. ಅಮಿತಾಬ್ ಭಟ್ಟಚಾರ್ಯ ಸಾಹಿತ್ಯ ಬರೆದಿದ್ದು, ಅರಿಜಿತ್ ಸಿಂಗ್ ಮತ್ತು ನಿಖಿತಾ ಗಾಂಧಿ ಹಾಡಿದ್ದಾರೆ. ಪ್ರೀತಂ ಸಂಗೀತ ಸಂಯೋಜಿಸಿದ್ದಾರೆ. 2014ರ ಬಳಿಕ ಸಲ್ಮಾನ್ ಖಾನ್ ಮತ್ತು ಅರಿಜಿತ್ ಸಿಂಗ್ ಈ ಸಿನಿಮಾದಲ್ಲಿ ಒಟ್ಟಿಗೆ ಕೆಲಸ ಮಾಡಿದ್ದು ಗಮನಾರ್ಹ.
ಹಾಡು ಬಿಡುಗಡೆಗೂ ಮುನ್ನ ಸಲ್ಮಾನ್ ಖಾನ್ ಸಾಮಾಜಿಕ ಜಾಲತಾಣದಲ್ಲಿ ಮಾಹಿತಿ ಪೋಸ್ಟ್ ಮಾಡಿದ್ದಾರೆ. ಚಿತ್ರದ ಮೊದಲ ಹಾಡಿನ ಮೊದಲ ಝಲಕ್ ಇದು. ಬಿಟಿಡಬ್ಲ್ಯೂ ಸೂಪರ್. ಅರಿಜಿತ್ ನನಗಾಗಿ ಹಾಡಿದ ಮೊದಲ ಹಾಡು ಇದು ಎಂದು ಬರೆದಿದ್ದಾರೆ.