ಬಾಲಿವುಡ್‌ ಚಿತ್ರರಂಗಕ್ಕೆ ಎಂಟ್ರಿ ಕೊಟ್ಟ ಕನ್ನಡದ ನಿರ್ದೇಶಕ ಹರಿಸಂತು

ಕನ್ನಡ ಚಿತ್ರರಂಗದ ನಿರ್ದೇಶಕ ಹರಿಸಂತು ಬಾಲಿವುಡ್​​ನಲ್ಲಿ ಸಿನಿಮಾ ಮಾಡೋ ಅವಕಾಶ ಪಡೆದಿದ್ದಾರೆ. ಚಿತ್ರಕ್ಕೆ ಪಪ್ಪಿ ಲವ್ ಅನ್ನೋ ಟೈಟಲ್ ಇಟ್ಟಿದ್ದಾರೆ. ಜುಲೈ ತಿಂಗಳಲ್ಲಿ ಚಿತ್ರೀಕರಣ ಆರಂಭವಾಗಲಿದೆ..

ದಕ್ಷಿಣ ಭಾರತದ ಸಿನಿಮಾ ಮೇಕರ್​ಗಳ ಕಥಾವಸ್ತು, ಮೇಕಿಂಗ್ ಶೈಲಿ ಇಡೀ ಭಾರತೀಯ ಚಿತ್ರರಂಗವನ್ನು ಬೆರಗುಗೊಳುಸುತ್ತಿದೆ. ಬಾಲಿವುಡ್ ಚಿತ್ರರಂಗ ಸೌತ್ ಸಿನಿಮಾಗಳಿಂದ ಸ್ಫೂರ್ತಿಗೊಳ್ತಿದೆ. ಇಲ್ಲಿನ ಚಿತ್ರಗಳ ಡಬ್ಬಿಂಗ್, ರಿಮೇಕ್ ಮಾಡೋದಿಕ್ಕೆ ಮುಗಿಬಿದ್ದಿದೆ. ಇಂತಹ ಹೊತ್ತಲ್ಲೇ ಕನ್ನಡದ ಖ್ಯಾತ ನಿರ್ದೇಶಕ, ಲವ್ ಸ್ಟೋರಿಗಳ ಫಿಲಂ ಮೇಕರ್ ಹರಿಸಂತು ಬಾಲಿವುಡ್​​ನಲ್ಲಿ ಸಿನಿಮಾ ಮಾಡೋ ಅವಕಾಶ ಪಡೆದಿದ್ದಾರೆ.

ಪಪ್ಪಿ ಲವ್ ಸಿನಿಮಾದ ನಟ-ನಟಿ

ಲವ್ ಜಾನರ್ ಸಿನಿಮಾಗಳ ನಿಪುಣ ಹರಿಸಂತು ಚೊಚ್ಚಲ ಬಾಲಿವುಡ್ ಚಿತ್ರಕ್ಕೆ ಲವ್ ಸ್ಟೋರಿಯನ್ನೇ ಆಯ್ಕೆ ಮಾಡಿಕೊಂಡಿದ್ದಾರೆ. ಚಿತ್ರಕ್ಕೆ ಪಪ್ಪಿ ಲವ್ ಅನ್ನೋ ಮುದ್ದಾದ ಟೈಟಲ್ ಕೂಡ ಇಟ್ಟಿದ್ದಾರೆ. ವೆಬ್ ಸೀರಿಸ್​ಗಳಿಂದ ಖ್ಯಾತಿ ಗಳಿಸಿರುವ ತನುಜ್ ವಿರ್ವಾನಿ, ತ್ರಿಧಾ ಚೌಧರಿ, ಸಪ್ನಪಬ್ಬಿ ಮುಖ್ಯಭೂಮಿಕೆಯಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ‌.

ಕನ್ನಡ ಚಿತ್ರರಂಗದವರೊಂದಿಗೆ ನಿರ್ದೇಶಕ ಹರಿಸಂತು

ಇದನ್ನೂ ಓದಿ:ರಾಮನಗರದಲ್ಲಿ ಶಿವಣ್ಣನ 'ಬೈರಾಗಿ' ತಂಡ; ಚಿತ್ರ ವೀಕ್ಷಿಸಲು ಅಭಿಮಾನಿಗಳಿಗೆ ಮನವಿ

ಹಂಸಲೇಖ ಅವರೊಂದಿಗೆ ಹರಿಸಂತು

ನಿಕೇತ್ ಪಾಂಡೆ ಬರವಣಿಗೆ ಚಿತ್ರಕ್ಕಿರಲಿದ್ದು, ರಾಜಾರಾಂ ಛಾಯಾಗ್ರಹಣವಿದೆ. ಭುವನ್ ಮೂವೀಸ್ ಸುರೇಶ್ ಹಾಗೂ ಪದ್ಮಾವತಿ ಪಿಚ್ಚರ್ಸ್ ಅವಿನಾಶ್ ಡ್ಯಾನಿಯಲ್ ಚಾರ್ಲ್ಸ್, ಯುಕೆ ಮೂಲಕದ ಬ್ಲೂಬ್ಲಿಂಗ್ ಪ್ರೊಡಕ್ಷನ್ಸ್​ನ ವಿಪುಲ್ ಶರ್ಮಾ ಸಹಯೋಗದಲ್ಲಿ ಈ ಸಿನಿಮಾ ನಿರ್ಮಾಣವಾಗ್ತಿದೆ.

ಕನ್ನಡ ಚಿತ್ರರಂಗದವರೊಂದಿಗೆ ನಿರ್ದೇಶಕ ಹರಿಸಂತು

ಜುಲೈ ತಿಂಗಳಲ್ಲಿ ಚಿತ್ರೀಕರಣ ಶುರು ಮಾಡಲಿದ್ದು, ಯುಕೆ, ಲಂಡನ್​ನಲ್ಲೇ ಸಂಪೂರ್ಣ ಚಿತ್ರೀಕರಣ ನಡೆಯಲಿದೆ.