ಭಾರತದ ಶ್ರೇಷ್ಠ, ಪ್ರತಿಭಾವಂತ ನಿರ್ದೇಶಕ ಎಸ್‌ಎಸ್ ರಾಜಮೌಳಿ ಅವರು ಇತ್ತೀಚೆಗೆ ಮಾಧ್ಯಮವೊಂದಕ್ಕೆ ಸಂದರ್ಶನ ನೀಡಿದ್ದರು. ಆ ವೇಳೆ ಧರ್ಮದ ಕುರಿತು ತಮ್ಮ ಅಭಿಪ್ರಾಯ ಹಂಚಿಕೊಂಡಿದ್ದರು. ಬಳಿಕ ಸಮಾಜದ ಒಂದು ವರ್ಗದಿಂದ ಪರ-ವಿರೋಧ ಚರ್ಚೆ, ಟೀಕೆಗಳನ್ನು ಎದುರಿಸಿದರು. ಇದೀಗ ಸದಾ ತಮ್ಮ ಹೇಳಿಕೆಗಳ ಮೂಲಕ ಸುದ್ದಿಯಲ್ಲಿರುವ ಕಂಗನಾ ರಣಾವತ್ ಅವರು ರಾಜಮೌಳಿ ಪರ ಮಾತನಾಡಿದ್ದಾರೆ. ತಮ್ಮ ಅಧಿಕೃತ ಟ್ವಿಟರ್ನಲ್ಲಿ ಸರಣಿ ಟ್ವೀಟ್ ಮೂಲಕ ನಿರ್ದೇಶಕ ರಾಜಮೌಳಿ ಪರ ಬ್ಯಾಟಿಂಗ್ ಮಾಡಿದ್ದಾರೆ.
ರಾಜಮೌಳಿ ಅವರು ತಾವು ನಾಸ್ತಿಕ ಎಂದು ಹೇಳಿಕೊಂಡಿರುವ ಸುದ್ದಿಗೆ ಅತಿಯಾಗಿ ಪ್ರತಿಕ್ರಿಯಿಸಬೇಡಿ ಎಂದು ಟ್ವಿಟರ್ನಲ್ಲಿ ಕೇಳಿಕೊಂಡಿದ್ದಾರೆ. ರಣಾವತ್ ಸ್ವತಃ ದೇವರಲ್ಲಿ ಅಚಲ ನಂಬಿಕೆಯುಳ್ಳವರಾಗಿದ್ದು, ಎಲ್ಲೆಡೆ ಕೇಸರಿ ಧ್ವಜಗಳನ್ನು ಕೊಂಡೊಯ್ಯದಿರುವುದು ಕೂಡ ಸರಿ ಎಂದು ಹೇಳುವ ಮೂಲಕ ರಾಜಮೌಳಿ ಅವರ ನಿಲುವನ್ನು ಬೆಂಬಲಿಸಿದರು. ನಿರ್ದೇಶಕ ರಾಜಮೌಳಿ ಅವರ ರಾಷ್ಟ್ರೀಯತೆಯ ಚಲನಚಿತ್ರಗಳು ಮತ್ತು ಭಾರತೀಯ ಸಂಸ್ಕೃತಿಗೆ ಅವರು ತಂದಿರುವ ಗೌರವವನ್ನು ಸೂಚಿಸುವ ಕ್ರಿಯೆಗಳು ಪದಗಳಿಗಿಂತ ಜೋರಾಗಿ ಮಾತನಾಡುತ್ತವೆ. ಮಾತಿಗಿಂತಲೂ ಕೃತಿ ಹೆಚ್ಚು ಸದ್ದು ಮಾಡುತ್ತದೆ ಎಂಬ ಅಂಶವನ್ನು ಕಂಗನಾ ಒತ್ತಿ ಹೇಳಿದ್ದಾರೆ.
ಅನಗತ್ಯವಾಗಿ (unduly) ಹಿಂದೂ ಆಗಿರುವುದು ವಿವಿಧ ರೀತಿಯ ದಾಳಿ ಮತ್ತು ಟ್ರೋಲಿಂಗ್‌ಗೆ ಗುರಿಯಾಗುತ್ತದೆ. ಬಲಪಂಥೀಯ ಸಮುದಾಯ ಎಂದೇ ಕರೆಯಲ್ಪಡುವವರು ಸಹ ಹೆಚ್ಚಿನ ಬೆಂಬಲವನ್ನು ನೀಡದ ಕಾರಣ ಕಲಾವಿದರು ದುರ್ಬಲರಾಗಿದ್ದಾರೆ ಎಂದು ಹೇಳುವ ಮೂಲಕ ಸೌತ್ ಸ್ಟಾರ್ ನಿರ್ದೇಶಕರನ್ನು ಸಮರ್ಥಿಸಿಕೊಂಡರು.
ಇದನ್ನೂ ಓದಿ:17 ವರ್ಷದ ಸಂಭ್ರಮದಲ್ಲಿ 'ಮೈ ಆಟೋಗ್ರಾಫ್': ಹರ್ಷ ಹಂಚಿಕೊಂಡ ಅಭಿನಯ ಚಕ್ರವರ್ತಿ