ಅಕ್ಷಯ್​ ಅಭಿನಯದ ಸೆಲ್ಫಿ ಸಿನಿಮಾ ಹಿನ್ನಡೆ: ಕರಣ್​ ಜೋಹರ್​ ಬಗ್ಗೆ ಕಂಗನಾ ರಣಾವತ್ ವ್ಯಂಗ್ಯ

ನಟ ಅಕ್ಷಯ್ ಕುಮಾರ್​ ಅಭಿನಯದ ಸೆಲ್ಫಿ ಸಿನಿಮಾ ಗಳಿಕೆ ವಿಚಾರವಾಗಿ ನಟಿ ಕಂಗನಾ ರಣಾವತ್ ವ್ಯಂಗ್ಯವಾಡಿದ್ದಾರೆ.

'ಸೆಲ್ಫಿ' ಸಿನಿಮಾ ಮೊದಲ ದಿನ ನಿರೀಕ್ಷಿತ ಪ್ರಮಾಣದ ಕಲೆಕ್ಷನ್​ ಮಾಡದ ಹಿನ್ನೆಲೆ, ಬಾಲಿವುಡ್​ ಬೋಲ್ಡ್​​ ನಟಿ ಕಂಗನಾ ರಣಾವತ್ ಚಲನಚಿತ್ರ ನಿರ್ಮಾಪಕ ಕರಣ್ ಜೋಹರ್ ಅವರನ್ನು ತರಾಟೆಗೆ ತೆಗೆದುಕೊಂಡಿದ್ದಾರೆ. ಕರಣ್ ಜೋಹರ್ ಅವರ ಚಲನಚಿತ್ರ ಸೆಲ್ಫಿ ಮೊದಲ ದಿನ ಹೆಚ್ಚೆಂದರೆ 10 ಲಕ್ಷ ರೂ. ಗಳಿಸಿರಬಹುದು. ಒಬ್ಬ ವ್ಯಾಪಾರಿ ಅಥವಾ ಮಾಧ್ಯಮದವರು ಅದರ ಬಗ್ಗೆ ಮಾತನಾಡುವುದನ್ನು ನಾನು ನೋಡಿಲ್ಲ ಎಂದು ಟ್ವೀಟ್​ ಮಾಡುವ ಮೂಲಕ ಟೀಕಿಸಿದ್ದಾರೆ

ನಟಿ ಕಂಗನಾ ರಣಾವತ್ ಮತ್ತೊಂದು ಪೋಸ್ಟ್‌ನಲ್ಲಿ, ಮೇಲ್​ ವರ್ಷನ್​ ಆಫ್​ ಕಂಗನಾ ರಣಾವತ್​! ಎಂಬ ಶೀರ್ಷಿಕೆಯ ಸುದ್ದಿ ಲೇಖನವನ್ನು ಹಂಚಿಕೊಂಡಿದ್ದಾರೆ. ಆ ಸುದ್ದಿಯಲ್ಲಿ ಅಕ್ಷಯ್ ಅವರ 'ಸೆಲ್ಫಿ' ವೀಕ್ಷಕರನ್ನು ಮೆಚ್ಚಿಸಲು ವಿಫಲವಾದಾಗ ನೆಟಿಜನ್‌ಗಳು ಪ್ರತಿಕ್ರಿಯಿಸಿದ್ದಾರೆ. ಬಹುಶಃ ಅವರ ಸತತ ಆರನೇ ಫ್ಲಾಪ್ ಎಂದು ಹೇಳಿರುವ ಈ ಸುದ್ದಿಗೆ ನಟಿ ಕಂಗನಾ ಪ್ರತಿಕ್ರಿಯಿಸಿದ್ದಾರೆ. ನಾನು ಸೆಲ್ಫಿ ಫ್ಲಾಪ್ ಬಗ್ಗೆ ಸುದ್ದಿಗಾಗಿ ಹುಡುಕುತ್ತಿದ್ದೆ, ಆದ್ರೆ ನನಗೆ ಕೇವಲ ನನ್ನ ಬಗೆಗಿನ ಸುದ್ದಿಯೇ ಸಿಕ್ಕಿವೆ. ಇದು ಕೂಡ ನನ್ನದೇ ತಪ್ಪು ಎಂದು ಬರೆದುಕೊಂಡಿದ್ದಾರೆ.

ಕಂಗನಾ ಇನ್ನೂ ಕೆಲ ಸುದ್ದಿಗಳನ್ನು ಹಂಚಿಕೊಂಡು, ಒಂದು ಪ್ರತ್ಯೇಕ ಪೋಸ್ಟ್‌ನಲ್ಲಿ ಮುಕ್ತಾಯಗೊಳಿಸಿದರು. ನೂರಾರು ಸುದ್ದಿಗಳಿವೆ, ಆ ಸುದ್ದಿಯಲ್ಲಿ ಸೆಲ್ಫಿ ವೈಫಲ್ಯಕ್ಕೆ ನಾನೇ ಕಾರಣ ಎಂಬ ಆರೋಪವಿದೆ. ಅಕ್ಷಯ್ ಅಥವಾ ಕರಣ್​​ ಜೋಹರ್ ಹೆಸರನ್ನು ಉಲ್ಲೇಖಿಸಿಲ್ಲ. ಈ ಮಾಫಿಯಾ ಸುದ್ದಿಗಳನ್ನು ಮ್ಯಾನಿಪುಲೇಟ್ ಮಾಡುತ್ತದೆ ಎಂದು ಆರೋಪಿಸಿರುವ ಕಂಗನಾ, ಸೆಲ್ಫಿ ಚಿತ್ರ ಮೊದಲ ದಿನದ ಕಲೆಕ್ಷನ್‌ಗಾಗಿ ಕಾಯಲಾಗುತ್ತಿದೆ ಎಂದು ಬರೆದಿದ್ದಾರೆ.

ರಾಜ್ ಮೆಹ್ತಾ ನಿರ್ದೇಶನದ 'ಸೆಲ್ಫಿ' ಚಿತ್ರ ಮಲಯಾಳಂನ 'ಡ್ರೈವಿಂಗ್ ಲೈಸೆನ್ಸ್' ಚಿತ್ರದ ಅಧಿಕೃತ ಹಿಂದಿ ರಿಮೇಕ್. ಪೃಥ್ವಿರಾಜ್ ಮತ್ತು ಸೂರಜ್ ವೆಂಜರಮೂಡು ಪ್ರಮುಖ ಪಾತ್ರಗಳಲ್ಲಿ ನಟಿಸಿದ್ದಾರೆ. ಹಿಂದಿ ಆವೃತ್ತಿಯಲ್ಲಿ ಅಕ್ಷಯ್ ಕುಮಾರ್, ಇಮ್ರಾನ್ ಹಶ್ಮಿ, ನುಶ್ರತ್ ಭರುಚ್ಚ ಮತ್ತು ಡಯಾನಾ ಪೆಂಟಿ ಪ್ರಮುಖ ಪಾತ್ರಗಳಲ್ಲಿ ನಟಿಸಿದ್ದಾರೆ.

ಇದನ್ನೂ ಓದಿ:2 ವರ್ಷಗಳ ಹಿಂದೆ ಭವಿಷ್ಯ ನುಡಿದಿದ್ದೆ.. ಪಂಜಾಬ್​​ ಘಟನೆಗೆ ಕಂಗನಾ ರಣಾವತ್ ಪ್ರತಿಕ್ರಿಯೆ

ಅಕ್ಷಯ್ ಕುಮಾರ್ ಬಾಲಿವುಡ್​ ಬಹುಬೇಡಿಕೆ ನಟರ ಪೈಕಿ ಪ್ರಮುಖರು. ವಿಭಿನ್ನ ಪಾತ್ರ, ಉತ್ತಮ ಅಭಿನಯದ ಮೂಲಕ ದೊಡ್ಡ ಸಂಖ್ಯೆಯ ಅಭಿಮಾನಿ ಬಳಗವನ್ನು ಸಂಪಾದಿಸಿದವರು. ಒಂದು ಕಾಲದಲ್ಲಿ ಇವರು ನಟಿಸಿದ ಚಿತ್ರಗಳೆಲ್ಲವೂ ಹಿಟ್ ಸಾಲಿಗೆ ಸೇರಿದೆ ಅಂದ್ರೆ ಆಶ್ಚರ್ಯವೇನಿಲ್ಲ. ಸತತ ಸೂಪರ್​ ಹಿಟ್ ಸಿನಿಮಾಗಳನ್ನು ಮನೋರಂಜನಾ ಕ್ಷೇತ್ರಕ್ಕೆ ನೀಡಿರುವ ಬಾಲಿವುಡ್​ ಕಿಲಾಡಿ ಅಕ್ಷಯ್ ಕುಮಾರ್ ಇತ್ತೀಚಿನ ದಿನಗಳಲ್ಲಿ ಹಿನ್ನೆಡೆ ಅನುಭವಿಸಿದ್ದಾರೆ. ಇದೀಗ ತೆರೆಕಂಡಿರುವ ಸೆಲ್ಫಿ ಸಿನಿಮಾ ಕೂಡ ಕಲೆಕ್ಷನ್​ ವಿಚಾರದಲ್ಲಿ ಹೇಳುವಷ್ಟೇನು ಸಾಧಿಸಿಲ್ಲ ಎಂದು ವರದಿ ಆಗಿದೆ. ಸರಿಸುಮಾರು 2 ಕೋಟಿ ಸಂಗ್ರಹಿಸಿದೆ ಎಂದು ವರದಿ ಆಗಿದೆ.

ಇದನ್ನೂ ಓದಿ:'ಮಾರ್ಟಿನ್​​' ಧ್ರುವ ಸರ್ಜಾ ಸೆಕ್ಯೂರಿಟಿಗೆ ನಿಂತಿದ್ದ ಚೆಂದುಳ್ಳಿ ಚೆಲುವೆಯರು ಯಾರು ಗೊತ್ತೇ?