ಬೆಂಗಳೂರು: ಅಂತಾರಾಷ್ಟ್ರೀಯ ಮಟ್ಟದಲ್ಲಿ 'ಆರ್ಆರ್ಆರ್' ಚಿತ್ರದ ಮೂಲಕ ಸದ್ದು ಮಾಡಿದ್ದ ನಟ ಜ್ಯೂನಿಯರ್ ಎನ್ಟಿಆರ್ ಇದೀಗ ತಮ್ಮ ಬಿಡುವಿಲ್ಲದ ಶೂಟಿಂಗ್ ನಡುವೆ ಕುಟುಂಬಕ್ಕೆ ಸಮಯ ನೀಡಲು ಮುಂದಾಗಿದ್ದಾರೆ. ರಜೆ ಮೋಜು ಸವಿಯಲು ಮುಂದಾಗಿರುವ ಅವರು, ತಮ್ಮ ಮುದ್ದು ಕುಟುಂಬದ ಜೊತೆಗೆ ವಿದೇಶಿ ಪ್ರವಾಸಕ್ಕೆ ಮುಂದಾಗಿದ್ದಾರೆ.
ಹೆಂಡತಿ ಲಕ್ಷ್ಮಿ ಪ್ರಣತಿ, ಇಬ್ಬರು ಮುದ್ದು ಮಕ್ಕಳಾದ ಅಭಯ್ ಮತ್ತು ಭಾರ್ಗವ್ ಅವರ ಜೊತೆಗೆ ಬೇಸಿಗೆ ಪ್ರವಾಸಕ್ಕಾಗಿ ಹಾರಿದ್ದಾರೆ. ಇದಕ್ಕೆ ಮುನ್ನ ಹೈದ್ರಾಬಾದ್ ವಿಮಾನ ನಿಲ್ದಾಣದಲ್ಲಿ ಕಾಣಿಸಿಕೊಂಡಿದ್ದು, ಈ ಫೋಟೋ, ವಿಡಿಯೋಗಳು ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.
ವಿಡಿಯೋದಲ್ಲಿ ಜ್ಯೂನಿಯರ್ ಎನ್ಟಿಆರ್ ಅವರು ತಮ್ಮ ಎರಡನೇ ಮಗ ಭಾರ್ಗವ್ ಕೈ ಹಿಡಿದು ಹೆಜ್ಜೆ ಆಗಿದ್ದು, ಪಕ್ಕದಲ್ಲಿ ಮೊದಲ ಮಗ ಅಭಯ್ ನೀಲಿ ಬಣ್ಣದ ಟೀ ಶರ್ಟ್ ಧರಿಸಿ ಕಾಣಿಸಿಕೊಂಡಿದ್ದಾರೆ. ಇನ್ನು ಜ್ಯೂ ಎನ್ಟಿಆರ್ ಕಪ್ಪು ಬಣ್ಣದ ಶರ್ಟ್, ಜಾಕೆಟ್ನಲ್ಲಿ ಕಾಣಿಸಿಕೊಂಡಿದ್ದಾರೆ. ಇನ್ನು ಇವರ ಹಿಂದೆ ಪ್ರಣಿತಾ ಅವರು ಸರಳವಾದ ಬಿಳಿ ಟಾಪ್ ಮತ್ತು ನೀಲಿ ಜೀನ್ಸ್ನಲ್ಲಿ ಕಾಣಿಸಿದ್ದಾರೆ. ಇಷ್ಟೇ ಅಲ್ಲದೆ, ಏರ್ಪೋರ್ಟ್ನಲ್ಲಿ ತಮ್ಮ ಫೋಟೋ ತೆಗೆಯಲು ಮುಂದಾದ ಪ್ಯಾಪಾರಾಜಿಗಳಿಗೆ ನಗು ಚೆಲ್ಲಿದ್ದಾರೆ ನಟ
ಸಾಲು ಸಾಲು ಸಿನಿಮಾದಲ್ಲಿ ಬ್ಯುಸಿ: ಸದ್ಯ ಜೂನಿಯರ್ ಎನ್ಟಿಆರ್ 'ದೇವರಾ' ಸಿನಿಮಾದಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ. ಕೊರಟಾಲ ಶಿವ ಈ ಚಿತ್ರದ ನಿರ್ದೇಶನ ಮಾಡಿದ್ದಾರೆ. ಈ ಚಿತ್ರದಲ್ಲಿ ಮೊದಲ ಬಾರಿಗೆ ಎನ್ಟಿಆರ್ಗೆ ಜಾಹ್ನವಿ ಕಪೂರ್ ಜೊತೆಗೆಯಾಗಿದ್ದಾರೆ. ಇನ್ನು ಈ ಚಿತ್ರದಲ್ಲಿ ನಟ ಸೈಫ್ ಆಲಿ ಖಾನ್ ಪ್ರಮುಖ ಪಾತ್ರದಲ್ಲಿ ನಟಿಸಿದ್ದಾರೆ. ಈ ಚಿತ್ರದ ಪೋಸ್ಟರ್ ಇತ್ತೀಚೆಗೆ ಅವರ ಹುಟ್ಟು ಹಬ್ಬದ ಹಿನ್ನೆಲೆಯಲ್ಲಿ ಬಿಡುಗಡೆಯಾಗಿತ್ತು. ಈ ಚಿತ್ರದಲ್ಲಿ ನಟ ಜ್ಯೂ ಎನ್ಟಿಆರ್, ರಗಡ್ ಲುಕ್ನಲ್ಲಿ ಕಾಣಿಸಿಕೊಂಡಿದ್ದು, ಇದೊಂದು ರಕ್ತ ಸಿಕ್ತ ಕಥೆಯ ಆಕ್ಷ್ಯನ್ ಚಿತ್ರ ಎಂಬುದನ್ನು ಪೋಸ್ಟರ್ ಹೇಳುತ್ತಿತ್ತು. ಕಪ್ಪು ಬಣ್ಣದ ಉಡುಗೆಯಲ್ಲಿ ಮಿಂಚಿದ್ದ ನಟ ಎನ್ಟಿಆರ್ ಸಿನಿಮಾಗೆ ಅನೇಕ ಮಂದಿ ಶುಭಾಶಯ ತಿಳಿಸಿದ್ದರು. ಇದು ಅವರ 30ನೇ ಚಿತ್ರವಾಗಿದೆ.
ಇನ್ನು ಇದರ ಜೊತೆಗೆ ಜ್ಯೂ ಎನ್ಟಿಆರ್ ಅವರು 'ಎನ್ಟಿಆರ್ ಅವರ 31'ನೇ ಚಿತ್ರಕ್ಕೆ ಕೆಜಿಎಫ್ ನಿರ್ದೇಶಕ ಪ್ರಶಾಂತ್ ನೀಲ್ ನಿರ್ದೇಶನ ಮಾಡುತ್ತಿದ್ದಾರೆ. 'ಕೆಜಿಎಫ್' ಹಿಟ್ ಆದ ಬೆನ್ನಲ್ಲೇ ನಿರ್ದೇಶಕರಿಗೆ ಬೇಡಿಕೆ ಹೆಚ್ಚಿತು. ಅದಾಗಲೇ 'ಸಲಾರ್' ನಲ್ಲಿ ಬ್ಯುಸಿಯಾಗಿದ್ದ ನಿರ್ದೇಶಕ ಪ್ರಶಾಂತ್ ನೀಲ್, ಇದಾದ ಬಳಿಕ ತಮ್ಮ ಮುಂದಿನ ಚಿತ್ರವನ್ನು ನಟ ಜ್ಯೂ ಎನ್ಟಿಆರ್ ಜೊತೆಗೆ ಮಾಡುವುದಾಗಿ ಘೋಷಿಸಿದ್ದರು. ಸದ್ಯ ಈ ಚಿತ್ರಕ್ಕೆ 'ಎನ್ಟಿಆರ್ 31' ಎಂದು ಹೆಸರಿಸಲಾಗಿದ್ದು, ಈ ಚಿತ್ರ ಈ ವರ್ಷಾಂತ್ಯ ಅಥವಾ ಮುಂದಿನ ವರ್ಷ ಸೆಟ್ ಏರುವ ಸಾಧ್ಯತೆ ಇದೆ. ಇದರ ಜೊತೆಗೆ ವಾರ್ 2 ಚಿತ್ರದಲ್ಲಿ ನಟ ಹೃತಿಕ್ ರೋಷನ್ ಜೊತೆ ಕೂಡ ನಟಿಸುತ್ತಿದ್ದಾರೆ.
ಇದನ್ನೂ ಓದಿ:ನೂತನ ಸಂಸತ್ ಭವನ ಹೊಗಳಿದ ಶಾರುಖ್, ಅಕ್ಷಯ್: ಪ್ರಧಾನಿ ಮೋದಿ ಮೆಚ್ಚುಗೆ
