ಈ ಕ್ರಿಕೆಟ್‌ ಆಟಗಾರ್ತಿಗೆ ಅನುಷ್ಕಾ ಶರ್ಮಾ ಅಂದ್ರೆ ಅಚ್ಚುಮೆಚ್ಚಂತೆ

ಕ್ರಿಕೆಟ್​ ಪ್ಲೇಯರ್​ ಜೂಲನ್ ಗೋಸ್ವಾಮಿ ತಮ್ಮ ಸಾಮಾಜಿಕ ಜಾಲತಾಣದಲ್ಲಿ "ಆಸ್ಕ್ ಮಿ ಎನಿಥಿಂಗ್" ಸೆಷನ್ ಅನ್ನು ನಡೆಸಿದರು. ಇದರಲ್ಲಿ ನಟಿ ಅನುಷ್ಕಾ ಶರ್ಮಾ ಹೆಸರು ಕೇಳಿಬಂದಿದೆ.

ಭಾರತೀಯ ಚಿತ್ರರಂಗದಲ್ಲಿ ಅನುಷ್ಕಾ ಶರ್ಮಾ ಅತ್ಯುತ್ತಮ ನಟಿಯರಲ್ಲೊಬ್ಬರು. ಅದೆಷ್ಟೋ ಅಭಿಮಾನಿಗಳ ಮನದಲ್ಲಿ ಜಾಗ ಗಿಟ್ಟಿಸಿಕೊಂಡ ತಾರೆ ಈಕೆ. ಕ್ರಿಕೆಟಿಗ ವಿರಾಟ್​ ಕೊಹ್ಲಿ ಜೊತೆ ಅನುಷ್ಕಾ ಶರ್ಮಾ ಸಹ ಸಾಕಷ್ಟು ಹೆಸರು ಮಾಡಿರುವ ಸ್ಟಾರ್. ಪತಿ ವಿರಾಟ್​ ಕೊಹ್ಲಿ ಅಲ್ಲದೇ ಮತ್ತೋರ್ವ ಕ್ರಿಕೆಟ್​ ಪ್ಲೇಯರ್​ಗೂ ಅನುಷ್ಕಾ ಶರ್ಮಾ ಅಂದ್ರೆ ಫೇವರಿಟ್. ಹೌದು, ಕ್ರಿಕೆಟಿಗರಾದ ಜೂಲನ್ ಗೋಸ್ವಾಮಿ, ಅನುಷ್ಕಾ ಬಗ್ಗೆ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.

ಬುಧವಾರ, ಜೂಲನ್ ಗೋಸ್ವಾಮಿ ತಮ್ಮ ಸಾಮಾಜಿಕ ಜಾಲತಾಣದಲ್ಲಿ, "ಆಸ್ಕ್ ಮಿ ಎನಿಥಿಂಗ್" ಸೆಷನ್ ನಡೆಸಿದರು. ಇದರಲ್ಲಿ ಅಭಿಮಾನಿಯೊಬ್ಬರು ಜೂಲನ್ ಗೋಸ್ವಾಮಿ ಅವರಿಗೆ ಅನುಷ್ಕಾ ಶರ್ಮಾ ಬಗ್ಗೆ ಒಂದು ಪದದಲ್ಲಿ ಹೇಳುವಂತೆ ಕೇಳಿದರು. ಅದಕ್ಕೆ ಅವರು "ಫೇವರಿಟ್" ಎಂದರು. ಇದಕ್ಕೆ ಅನುಷ್ಕಾ ಶರ್ಮಾ ಪ್ರತಿಕ್ರಿಯಿಸಿ, ಜೂಲನ್ ಗೋಸ್ವಾಮಿ ಪೋಸ್ಟ್​​ ಅನ್ನು ತಮ್ಮ ಇನ್​ಸ್ಟಾ ಸ್ಟೋರಿಯಲ್ಲಿ ಹಾಕಿಕೊಂಡು ಹಾರ್ಟ್ ಇಮೋಜಿ ಮೂಲಕ ಪ್ರೀತಿ ವ್ಯಕ್ತಪಡಿಸಿದ್ದಾರೆ.

ಚಕ್ಡಾ ಎಕ್ಸ್‌ಪ್ರೆಸ್​ನಲ್ಲಿ ಅನುಷ್ಕಾ ಶರ್ಮಾ

ಅನುಷ್ಕಾ ಶರ್ಮಾ ತಮ್ಮ ಮುಂಬರುವ ಚಿತ್ರ ಚಕ್ಡಾ ಎಕ್ಸ್‌ಪ್ರೆಸ್​ನಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ. ಇದು ಟೀಂ ಇಂಡಿಯಾದ ಮಹಿಳಾ ಕ್ರಿಕೆಟ್​ ತಾರೆ ಜೂಲನ್ ಗೋಸ್ವಾಮಿ ಅವರ ಬಯೋಪಿಕ್​ ಆಗಿದ್ದು, ಅನುಷ್ಕಾ ಶರ್ಮಾ ಅವರ ಪಾತ್ರಕ್ಕೆ ಜೀವ ತುಂಬಿದ್ದಾರೆ. ಸಿನಿಮಾದ ಚಿತ್ರೀಕರಣ ಮುಗಿದಿದೆ. ಇದೇ ಡಿಸೆಂಬರ್​​ಗೆ ಬಿಡುಗಡೆ ಮಾಡಲು ಚಿತ್ರತಂಡ ತಯಾರಿ ನಡೆಸುತ್ತಿದೆ.

ಇದನ್ನೂ ಓದಿ:ಪತ್ನಿ ಜಯಾ ವಿವಾಹಕ್ಕೆ ಇದೇ ಕಾರಣ... ಕರೋಡ್​​​​ಪತಿ ಶೋನಲ್ಲಿ ರಹಸ್ಯ ಬಹಿರಂಗ ಪಡಿಸಿದ ಅಮಿತಾಬ್

ಚಿತ್ರವನ್ನು ಪ್ರಸಿತ್ ರಾಯ್ ನಿರ್ದೇಶನ ಮಾಡಿದ್ದಾರೆ. ಶಾರುಖ್​ ಖಾನ್​ ನಟನೆಯ ಝೀರೋ ಚಿತ್ರ ಅನುಷ್ಕಾ ಅವರು ಕೊನೆಯದಾಗಿ ನಟಿಸಿದ ಸಿನಿಮಾ. ನಾಲ್ಕು ವರ್ಷಗಳ ನಂತರ ಮತ್ತೆ ತೆರೆ ಮೇಲೆ ಮಿಂಚಲು ಅವರು ರೆಡಿಯಾಗಿದ್ದಾರೆ. ನಟಿ ತಾಯಿಯಾದ ನಂತರ ಬಿಡುಗಡೆಯಾಗುತ್ತಿರುವ ಮೊದಲ ಚಿತ್ರ ಇದಾಗಿದ್ದು, ಅವರನ್ನು ನೋಡಲು ಅಭಿಮಾನಿಗಳು ಕಾತರದಿಂದ ಕಾಯುತ್ತಿದ್ದಾರೆ.