ಇಂಡಿಯನ್ ಸೂಪರ್ ಸ್ಟಾರ್ ಶಾರುಖ್ ಖಾನ್ ಮತ್ತು ದಕ್ಷಿಣ ಚಿತ್ರರಂಗದ ಯುವ ನಿರ್ದೇಶಕ ಅಟ್ಲೀ ಕಾಂಬಿನೇಶನ್ನಲ್ಲಿ 'ಜವಾನ್' ಎಂಬ ಆ್ಯಕ್ಷನ್ ಥ್ರಿಲ್ಲರ್ ಸಿನಿಮಾ ರೆಡಿಯಾಗಿದೆ. ಸೆಪ್ಟೆಂಬರ್ 7 ರಂದು ಥಿಯೇಟರ್ಗಳಲ್ಲಿ ಈ ಸಿನಿಮಾ ಅದ್ಧೂರಿಯಾಗಿ ತೆರೆಕಾಣಲಿದೆ. ಈಗಿನಿಂದಲೇ ಚಿತ್ರತಂಡ ಪ್ರಚಾರ ಆರಂಭಿಸಿದೆ. ಅದರ ಭಾಗವಾಗಿ ಸೋಮವಾರ 'ಜವಾನ್' ಪ್ರಿವ್ಯೂ ಅನ್ನು ಚಿತ್ರತಂಡ ಅನಾವರಣಗೊಳಿಸಿದೆ. ಈ ವಿಡಿಯೋಗೆ ನಟರು, ನಿರ್ದೇಶಕರು ಅಪಾರ ಮೆಚ್ಚುಗೆ ಗಳಿಸಿದ್ದಾರೆ. ಮೆಚ್ಚುಗೆ ಮಾತುಗಳ ಅಲೆಯಲ್ಲಿ ತೇಲುತ್ತಿರುವ ಜವಾನ್ ನಿರ್ದೇಶಕ ಅಟ್ಲೀ ಅವರು ನಾಯಕ ನಟ ಶಾರುಖ್ ಖಾನ್ ಅವರ ಇತ್ತೀಚಿನ ಟ್ವೀಟ್ ಒಂದಕ್ಕೆ ಪ್ರತಿಕ್ರಿಯಿಸಿದ್ದಾರೆ.
ಶಾರುಖ್ ಖಾನ್ ಟ್ವೀಟ್ಗೆ ಅಟ್ಲೀ ಪ್ರತಿಕ್ರಿಯಿಸಿ, "ರಾಜರ ಕಥೆಗಳನ್ನು ಓದುವುದರಿಂದ ಹಿಡಿದು ನಿಜವಾದ ರಾಜನೊಂದಿಗೆ ಪ್ರಯಾಣವನ್ನು ಪ್ರಾರಂಭಿಸುವವರೆಗೆ, ನಾನು ಕಂಡ ಕನಸಿನಂತೆ ಬದುಕುತ್ತಿದ್ದೇನೆ ಎಂದು ಭಾವಿಸುತ್ತೇನೆ, ನಿಮಗೆ ಬಹಳ ಧನ್ಯವಾದಗಳು, ಈ ಚಿತ್ರವು ನನ್ನನ್ನು ಇತಿಮಿತಿಗಳಿಂದ ಹೊರಕ್ಕೆ ತಂದಿತು, ಇಲ್ಲಿ ನಾನು ಅಮೂಲ್ಯವಾದ ಪಾಠಗಳನ್ನು ಕಲಿತುಕೊಂಡಿದ್ದೇನೆ, ಸಿನಿಮಾದೆಡೆಗಿನ ನಿಮ್ಮ ಉತ್ಸಾಹ ಮತ್ತು ಕಳೆದ 3 ವರ್ಷಗಳಲ್ಲಿ ನಾನು ಬಹಳ ಹತ್ತಿರದಿಂದ ಕಂಡಿರುವ ನಿಮ್ಮ ಕಠಿಣ ಪರಿಶ್ರಮ ಸ್ಫೂರ್ತಿದಾಯಕ. ಇದು ಕೇವಲ ಆರಂಭ ಸರ್. ನಿಮ್ಮನ್ನು ಬಹಳ ಪ್ರೀತಿಸುತ್ತೇನೆ, ಇಡೀ ತಂಡದ ಪರವಾಗಿ ಈ ಉತ್ತಮ ಅವಕಾಶಕ್ಕಾಗಿ ಮತ್ತೊಮ್ಮೆ ಧನ್ಯವಾದಗಳು. ದೇವರ ದಯೆ ನನ್ನ ಮೇಲಿದೆ, ಎಲ್ಲರಿಗೂ ಧನ್ಯವಾದಗಳು" ಎಂದು ಬರೆದುಕೊಂಡಿದ್ದಾರೆ.
ನಿರ್ದೇಶಕ ಅಟ್ಲೀ ಅವರಿಗೆ ಶಾರುಖ್ ಖಾನ್ ಮಂಗಳವಾರ ಟ್ವಿಟರ್ನಲ್ಲಿ ಕೃತಜ್ಞತೆ ಸಲ್ಲಿಸಿದ್ದರು. ಆ ಟ್ವೀಟ್ಗೆ ನಿರ್ದೇಶಕರು ಈ ಮೇಲಿನಂತೆ ಪ್ರತಿಕ್ರಿಯಿಸಿದ್ದಾರೆ. ಅಟ್ಲೀ ಅವರ ಪೋಸ್ಟ್ (ಜವಾನ್ ಪ್ರಿವ್ಯೂ) ಅನ್ನು ತಮ್ಮ ಖಾತೆಯಲ್ಲಿ ರೀ ಶೇರ್ ಮಾಡಿದ್ದ ಎಸ್ಆರ್ಕೆ, ''ಸರ್, ಮಾಸ್, ಯೂ ಆರ್ ದ ಮ್ಯಾನ್, ಎಲ್ಲದಕ್ಕೂ ಧನ್ಯವಾದಗಳು, ನಿಮ್ಮೆಲ್ಲರನ್ನೂ ಪ್ರೀತಿಸುತ್ತೇನೆ'' ಎಂದು ಬರೆದುಕೊಂಡಿದ್ದರು.