ಬಾಲಿವುಡ್ ಸೂಪರ್ ಸ್ಟಾರ್ ಶಾರುಖ್ ಖಾನ್ ನಟನೆಯ ಜವಾನ್ ಸಿನಿಮಾ ಕಲೆಕ್ಷನ್ ಜೋರಾಗಿದೆ. ಈಗಾಗಲೇ ಹಲವು ದಾಖಲೆಗಳನ್ನು ಪುಡಿಗಟ್ಟಿರುವ ಸಿನಿಮಾ ಚಿತ್ರಮಂದಿರಗಳಲ್ಲಿ ಉತ್ತಮ ಪ್ರದರ್ಶನ ಮುಂದುವರಿಸಿದೆ. ಬಾಕ್ಸ್ ಆಫೀಸ್ ಸಂಖ್ಯೆ ಉತ್ತಮವಾಗಿದೆ. ಎಸ್ಆರ್ಕೆ ಸ್ಟಾರ್ಡಮ್ ಮತ್ತೊಮ್ಮೆ ಸಾಬೀತಾಗಿದೆ.
ಎರಡನೇ ಶನಿವಾರ ಸಿನಿಮಾದ ಗಳಿಕೆ ಬಹಳ ಉತ್ತಮವಾಗಿದೆ. ಸೌರ್ ಸ್ಟಾರ್ ಡೈರೆಕ್ಟರ್ ಅಟ್ಲೀ ನಿರ್ದೇಶನದ ಸಿನಿಮಾ ವಾರಾಂತ್ಯ ಉತ್ತಮ ಪ್ರದರ್ಶನ ಕಂಡಿದೆ. ಶನಿವಾರದ ಅಂಕಿಅಂಶ ಅತ್ಯುತ್ತಮವಾಗಿದ್ದು, ಎರಡನೇ ಭಾನುವಾರ ಈ ಸಂಖ್ಯೆ ಮತ್ತಷ್ಟು ಏರಲಿದೆ ಎಂದು ಸಿನಿ ಪಂಡಿತರು ಅಂದಾಜಿಸಿದ್ದಾರೆ. ಚಿತ್ರ ಜಾಗತಿಕ ಗಲ್ಲಾಪೆಟ್ಟಿಗೆಯಲ್ಲಿ ಈಗಾಗಲೇ 700 ಕೋಟಿ ರೂ. ಗಡಿ ದಾಟಿದ್ದು, ದೇಶೀಯ ಬಾಕ್ಸ್ ಆಫೀಸ್ನಲ್ಲಿ 500 ಕೋಟಿ ರೂ. ಸಮೀಪದಲ್ಲಿದೆ.
ಸಿನಿ ಇಂಡಸ್ಟ್ರಿ ಟ್ರ್ಯಾಕರ್ ಸ್ಯಾಕ್ನಿಲ್ಕ್ ಪ್ರಕಾರ, ಸಿನಿಮಾ 11ನೇ ದಿನ (ಭಾನುವಾರ, ಇಂದು) ದೇಶೀಯ ಬಾಕ್ಸ್ ಆಫೀಸ್ನಲ್ಲಿ 35 ಕೋಟಿ ರೂ. ಕಲೆಕ್ಷನ್ ಮಾಡುವ ಗುರಿ ಹೊಂದಿದೆ. ಜವಾನ್ 9ನೇ ದಿನ (ಶುಕ್ರವಾರ) 19.1 ಕೋಟಿ ರೂ. ಸಂಗ್ರಹಿಸಿತ್ತು. 10ನೇ ದಿನ ಶೇ.61.83 ರಷ್ಟು ಏರಿಕೆ ಆಗಿದೆ. ಶನಿವಾರದಂದು ಭಾರತೀಯ ಬಾಕ್ಸ್ ಆಫೀಸ್ನಲ್ಲಿ 30.91 ಕೋಟಿ ರೂ. ಸಂಗ್ರಹ ಮಾಡುವಲ್ಲಿ ಸಿನಿಮಾ ಯಶ ಕಂಡಿದೆ. ಇಂದು 35 ಕೋಟಿ ರೂ. ಕಲೆಕ್ಷನ್ ಮಾಡುವ ಸಾಧ್ಯತೆಗಳಿವೆ.
ಇದನ್ನೂ ಓದಿ:ರಿಷಬ್ ಶೆಟ್ಟಿ ಕೈತುಂಬಾ ಸೈಮಾ ಪ್ರಶಸ್ತಿ; ವಿಡಿಯೋ ಶೇರ್ ಮಾಡಿದ ಡಿವೈನ್ ಸ್ಟಾರ್- ನೋಡಿ
ಸಿನಿಮಾ ಯಶಸ್ಸು ಕಂಡ ಹಿನ್ನೆಲೆಯಲ್ಲಿ ಚಿತ್ರತಂಡ ಇತ್ತೀಚೆಗಷ್ಟೇ ಸಕ್ಸಸ್ ಪಾರ್ಟಿ ಆಯೋಜಿಸಿತ್ತು. ಶುಕ್ರವಾರ ಸಂಜೆ ನಡೆದ ಜವಾನ್ ಸಕ್ಸಸ್ ಪಾರ್ಟಿಯಲ್ಲಿ ಕಿಂಗ್ ಖಾನ್ ಶಾರುಖ್, ಅತಿಥಿ ಪಾತ್ರ ನಿರ್ವಹಿಸಿರುವ ದೀಪಿಕಾ ಪಡುಕೋಣೆ, ಪ್ರಮುಖ ಪಾತ್ರ ನಿರ್ವಹಿಸಿರುವ ಸೌತ್ ಸೂಪರ್ ಸ್ಟಾರ್ ವಿಜಯ್ ಸೇತುಪತಿ, ಸಿನಿಮಾದ ನಿರ್ದೇಶಕ ಅಟ್ಲೀ ಮತ್ತು ಸಂಗೀತ ಸಂಯೋಜಕ ಅನಿರುಧ್ ರವಿಚಂದರ್ ಭಾಗಿಯಾಗಿದ್ದರು. ಅಭಿಮಾನಿಗಳು ಮತ್ತು ಮಾಧ್ಯಮಗಳೊಂದಿಗೆ ಚಿತ್ರತಂಡ ಸಂತೋಷ ಹಂಚಿಕೊಂಡಿದೆ. ಭರ್ಜರಿ ಡ್ಯಾನ್ಸ್ ಮತ್ತು ಸಂಗಿತ ಕಾರ್ಯಕ್ರಮದ ಮೆರುಗು ಹೆಚ್ಚಿಸಿತ್ತು. ಎರ್ಆರ್ಕೆ ಸೇರಿ ಸಂಪೂರ್ಣ ಚಿತ್ರತಂಡ ಉಪಸ್ಥಿತವಿತ್ತು. ಆದ್ರೆ ಚಿತ್ರದ ನಾಯಕ ನಟಿ ನಯನತಾರಾ ಗೈರಾಗಿದ್ದರು. ತಾಯಿ ಓಮನಾ ಕುರಿಯನ್ ಅವರ ಜನ್ಮದಿನಾಚರಣೆ ಸಲುವಾಗಿ ತಮ್ಮ ಸಿನಿಮಾ ಸಕ್ಸಸ್ ಪಾರ್ಟಿ ಮಿಸ್ ಮಾಡಿಕೊಳ್ಳಬೇಕಾಯಿತು.
ಇದನ್ನೂ ಓದಿ:ಸೈಮಾ ಪ್ರಶಸ್ತಿ ಪಡೆದ ತಮಿಳು, ಮಲಯಾಳಂ ಸಿನಿಮಾ ಸಾಧಕರು ಯಾರು? ಇಲ್ಲಿದೆ ಪಟ್ಟಿ
ಸೆಪ್ಟೆಂಬರ್ 7ರಂದು ತೆರೆಕಂಡ ಸಿನಿಮಾ ಈಗಾಗಲೇ ಹಲವು ದಾಖಲೆಗಳನ್ನು ಸೃಷ್ಟಿಸಿದೆ. ಸಿನಿ ವ್ಯವಹಾರ ವಿಷ್ಲೇಷಕ ರಮೇಶ್ ಬಾಲಾ ಪ್ರಕಾರ, ಜವಾನ್ ಸಾವಿರ ಕೋಟಿ ರೂ. ಕ್ಲಬ್ ಸೇರಿದರೆ, ಹಿಂದಿ ಚಿತ್ರರಂಗಕ್ಕೆ ಇದೊಂದು ಅಪರೂಪದ ಘಟನೆ ಆಗಲಿದೆ. ಏಕೆಂದರೆ, ಶಾರುಖ್ ಅವರ ಈ ಹಿಂದಿನ ಸಿನಿಮಾ ಪಠಾಣ್ ಜಾಗತಿಕ ಗಲ್ಲಾಪೆಟ್ಟಿಗೆಯಲ್ಲಿ 1,000 ಕೋಟಿ ರೂ. ವ್ಯವಹಾರ ನಡೆಸಿದೆ. ಜವಾನ್ ಸಿನಿಮಾ ಕೂಡ ಸಾವಿರ ಕೋಟಿ ರೂ. ಸಂಪಾದನೆ ಮಾಡಿದ್ರೆ, ಒಂದೇ ವರ್ಷದಲ್ಲಿ ಓರ್ವ ನಟನ ಎರಡೂ ಸಿನಿಮಾಗಳು ಬ್ಲಾಕ್ಬಸ್ಟರ್ ಹಿಟ್ ಆದಂತಾಗುತ್ತದೆ. ಶಾರುಖ್ ನಟನೆಯ ಮತ್ತೊಂದು ಸಿನಿಮಾ 'ಡಂಕಿ' ಕೂಡ ಇದೇ ಸಾಲಿನ ಕ್ರಿಸ್ಮಸ್ ಸಂದರ್ಭ ತೆರೆಕಾಣಲಿದೆ.
