ಅಬುಧಾಬಿಗೆ ತೆರಳಲು ನಟಿ ಜಾಕ್ವೆಲಿನ್​ ಫರ್ನಾಂಡಿಸ್​​​ಗೆ ಅನುಮತಿ ನೀಡಿದ ಕೋರ್ಟ್​​ ​

ಅಕ್ರಮ ಹಣ ವರ್ಗಾವಣೆ ಕೇಸ್​​​​​​ನಲ್ಲಿ ಆರೋಪ ಎದುರಿಸುತ್ತಿರುವ ನಟಿ ಜಾಕ್ವೆಲಿನ್​ ಫರ್ನಾಂಡಿಸ್ ಅಬುಧಾಬಿಗೆ ತೆರಳಲು ದೆಹಲಿ ಕೋರ್ಟ್​​​ ಅನುಮತಿ ನೀಡಿದೆ. ಈ ಬಗ್ಗೆ ಅವರು ದೆಹಲಿ ಕೋರ್ಟ್​ಗೆ ಅರ್ಜಿ ಸಲ್ಲಿಸಿದ್ದರು.

ಮುಂದಿನ ತಿಂಗಳು ಮೊದಲ ವಾರದಲ್ಲಿ ಅಬುಧಾಬಿಯಲ್ಲಿ ಐಐಎಫ್​​ಎ ಅವಾರ್ಡ್​ -2022 ರ ಕಾರ್ಯಕ್ರಮ ನಡೆಯಲಿದೆ. ಇದರಲ್ಲಿ ಪಾಲ್ಗೊಳ್ಳಲು ನಟಿ ಜಾಕ್ವೆಲಿನ್​​ ಫರ್ನಾಂಡಿಸ್​ಗೆ ಆಹ್ವಾನ ಬಂದಿದೆ. ಆದರೆ ಅವರು ಇಲ್ಲಿ ಅಕ್ರಮ ಹಣ ವರ್ಗಾವಣೆ ಪ್ರಕರಣದಲ್ಲಿ ಸಿಲುಕಿದ್ದು, ವಿಚಾರಣೆ ಎದುರಿಸುತ್ತಿದ್ದಾರೆ.

ಈ ಹಿನ್ನೆಲೆಯಲ್ಲಿ ಅವರು, ವಿದೇಶಕ್ಕೆ ತೆರಳಲು ಅಂದರೆ ಅಬುಧಾಬಿಗೆ ತೆರಳಲು ಅನುಮತಿ ನೀಡುವಂತೆ ದೆಹಲಿಯ​ ನ್ಯಾಯಾಲಯಕ್ಕೆ ಅರ್ಜಿ ಸಲ್ಲಿಸಿದ್ದರು. ಈ ಬಗ್ಗೆ ವಿಚಾರಣೆ ನಡೆಸಿದ ನ್ಯಾಯಾಲಯ ಅಬುಧಾಬಿ ಹಾಗೂ ಇತರ ದೇಶಗಳಿಗೆ ಭೇಟಿ ನೀಡಲು ಅನುಮತಿ ನೀಡಿದೆ.

ಸುಮಾರು 15 ದಿನಗಳ ಕಾಲ ತಾವು ಅಬುಧಾಬಿ ಸೇರಿ ವಿದೇಶಿ ಪ್ರವಾಸಕ್ಕೆ ತೆರಳಬೇಕಿರುವುದರಿಂದ ಇದಕ್ಕೆ ಅನುಮತಿ ನೀಡುವಂತೆ ದೆಹಲಿ ಕೋರ್ಟ್​ಗೆ ಮನವಿ ಮಾಡಿಕೊಂಡಿದ್ದರು. ಅವರ ಅರ್ಜಿಗೆ ಮಾನ್ಯತೆ ನೀಡಿರುವ ಕೋರ್ಟ್​​ ವಿದೇಶಕ್ಕೆ ತೆರಳಲು ಫರ್ಮಿಷನ್​ ಸಿಕ್ಕಿದೆ. ಮೇ 31 ರಿಂದ ಜೂನ್​ 6ರವರೆಗೆ ಐಐಎಫ್​​ಎ ಅವಾರ್ಡ್​- 2022 ರ ಕಾರ್ಯಕ್ರಮದಲ್ಲಿ ಪಾಲ್ಗೊಳ್ಳಲು ಅನುಮತಿ ಸಿಕ್ಕಿದೆ.

ಇದನ್ನು ಓದಿ: ಇಬ್ಬರು ಗರ್ಭಿಣಿಯರು, ಎರಡು ಮಕ್ಕಳು ಸೇರಿ ಐವರ ಮೃತದೇಹ ಬಾವಿಯಲ್ಲಿ ಪತ್ತೆ.. ಕೊಲೆ ಶಂಕೆ!?