ಅಬುಧಾಬಿ :ಸಂಗೀತ ಮಾಂತ್ರಿಕ ಎಆರ್ ರೆಹಮಾನ್ ಅವರನ್ನು ಯಾರು ತಾನೆ ಇಷ್ಟಪಡುವುದಿಲ್ಲ? ಸಂಗೀತ ಆರಾಧಕರೆಲ್ಲರೂ ಅವರನ್ನು ಇಷ್ಟಪಡುವವರೆ. ಗಾಯಕ ಯೋ ಯೋ ಹನಿ ಸಿಂಗ್ ಕೂಡ ಆಸ್ಕರ್ ಪ್ರಶಸ್ತಿ ವಿಜೇತ ಎ ಆರ್ ರೆಹಮಾನ್ ಅವರ ಕಟ್ಟಾ ಅಭಿಮಾನಿ ಅನ್ನೋದಕ್ಕೆ ಇದೊಂದು ನಿದರ್ಶನ.
IIFA ಪ್ರಶಸ್ತಿ ಪ್ರದಾನ ಸಮಾರಂಭದಲ್ಲಿ ಸಂಗೀತ ದಿಗ್ಗಜ ಎ ಆರ್ ರೆಹಮಾನ್ ಸೇರಿದಂತೆ ಬಾಲಿವುಡ್ನ ಹಲವು ಸೆಲೆಬ್ರಿಟಿಗಳು ಹಾಜರಾಗಿದ್ದರು. ಪ್ರೇಕ್ಷಕರ ಗ್ಯಾಲರಿಯಲ್ಲಿ ಕುಳಿತಿದ್ದ ಎ ಆರ್ ರೆಹಮಾನ್ ಅವರನ್ನು ಕಂಡ ಪಂಜಾಬಿ ರ್‍ಯಾಪರ್ ಹನಿ ಸಿಂಗ್ ಅವರ ಆಶೀರ್ವಾದ ಪಡೆದಿದ್ದು ಹೀಗೆ..
ಶಿಷ್ಯ ತನ್ನ ನೆಚ್ಚಿನ ಗುರುಗಳಿಗೆ ನಮಸ್ಕಾರ ಮಾಡುವಂತೆ ಹನಿ ಸಿಂಗ್ ಅವರು ಎ ಆರ್ ರೆಹಮಾನ್ ಬಳಿ ತೆರಳಿ ಅವರ ಕಾಲು ಮುಟ್ಟಿ ನಮಸ್ಕಾರ ಮಾಡಿದರು. ಈ ವಿಶೇಷ ಕ್ಷಣದ ವಿಡಿಯೋವನ್ನು ತಮ್ಮ ಇನ್‌ಸ್ಟಾಗ್ರಾಮ್‌ನಲ್ಲಿ ಹಂಚಿಕೊಂಡಿದ್ದಾರೆ. ಅಲ್ಲದೇ, "ಎ ಆರ್ ರೆಹಮಾನ್ ಸರ್ ಅವರೊಂದಿಗೆ ನನ್ನ ಜೀವನದ ಕ್ಷಣ" ಎಂದು ಶೀರ್ಷಿಕೆ ಸಹ ಬರೆದುಕೊಂಡಿದ್ದಾರೆ.
ಬಾಲಿವುಡ್ ತಾರೆಯರಾದ ಅನನ್ಯಾ ಪಾಂಡೆ, ಸಾರಾ ಅಲಿ ಖಾನ್, ಟೈಗರ್ ಶ್ರಾಫ್, ನೋರಾ ಫತೇಹಿ, ಸಲ್ಮಾನ್ ಖಾನ್ ಮತ್ತು ಶೋ ಹೋಸ್ಟ್ ಮನೀಶ್ ಪಾಲ್, ಸಾರಾ ಅಲಿ ಖಾನ್, ಶಾಹಿದ್ ಕಪೂರ್ ಸೇರಿದಂತೆ ಅನೇಕ ಸೆಲಬ್ರೆಟಿಗಳು ಇಂಟರ್ನ್ಯಾಷನಲ್ ಇಂಡಿಯನ್ ಫಿಲ್ಮ್ ಅಕಾಡೆಮಿ ಅವಾರ್ಡ್ಸ್ (IIFA)ಗೆ ಹಾಜರಾಗಿದ್ದಾರೆ.