ಶುಕ್ರವಾರ ಸಂಜೆ ಬಾಲಿವುಡ್ ಸೂಪರ್‌ ಸ್ಟಾರ್ ಹೃತಿಕ್ ರೋಷನ್ ರಾಕೆಟ್ ಬಾಯ್ಸ್ 2ರ ವಿಶೇಷ ಪ್ರದರ್ಶನದಲ್ಲಿ ಭಾಗಿ ಆಗಿದ್ದರು. ಎಂದಿನಂತೆ ಸಖತ್ ಸ್ಟೈಲಿಶ್ ಆಗಿ ಕಾಣಿಸಿಕೊಂಡ ನಟನ ಫೋಟೋ, ವಿಡಿಯೋಗಳು ವೈರಲ್ ಆಗುತ್ತಿದೆ. ಸೋನಿ ಲೈವ್ನ ಸೀರಿಸ್ ರಾಕೆಟ್ ಬಾಯ್ಸ್ 2ರ ಸ್ಪೆಷಲ್ ಶೋಗೆ ವಿಕ್ರಮ್ ವೇದ ಸ್ಟಾರ್ ಹೃತಿಕ್ ರೋಷನ್ ತಮ್ಮ ಗೆಳತಿ ಸಬಾ ಆಜಾದ್ ಅವರೊಂದಿಗೆ ಕೂಲ್ ಲುಕ್ನಲ್ಲಿ ಕಾಣಿಸಿಕೊಂಡರು. ನಟಿ ಸಬಾ ಆಜಾದ್ ಈ ಸರಣಿಯಲ್ಲಿ ಪ್ರಮುಖ ಪಾತ್ರದಲ್ಲಿ ನಟಿಸಿದ್ದಾರೆ.
ಶುಕ್ರವಾರ ಮುಂಬೈನಲ್ಲಿ ನಡೆದ ರಾಕೆಟ್ ಬಾಯ್ಸ್ 2 ಸ್ಕ್ರೀನಿಂಗ್‌ನಲ್ಲಿ ಬ್ಲ್ಯಾಕ್ ಸೂಟ್ನಲ್ಲಿ ನಟ ಹೃತಿಕ್ ರೋಷನ್ ಗಮನ ಸೆಳೆದರು. ಗೆಳತಿ ಸಬಾ ಆಜಾದ್ ಅವರೊಂದಿಗೆ ಪಾಪರಾಜಿಗಳ ಕ್ಯಾಮರಾಗೆ ಪೋಸ್ ಕೊಟ್ಟರು. ಸಬಾ ಆಜಾದ್ ಮತ್ತು ಹೃತಿಕ್ ರೋಷನ್ ಅವರ ಕೆಮಿಸ್ಟ್ರಿ ಸಖತ್ ವರ್ಕ್ ಔಟ್ ಅದಂತೆ ಕಾಣುತ್ತಿತ್ತು. ಇಬ್ಬರೂ ಜೋಡಿಯಾಗಿ ಎಲ್ಲರ ಮನ ಸೆಳೆಯುವಲ್ಲಿ ಸಫಲರಾದರು. ಈ ಚಿತ್ರಗಳನ್ನು ನೋಡಿದ ನೆಟ್ಟಿಗರು ಮಾಜಿ ಗೆಳತಿ ಎಂದು ಹೇಳಲಾದ ನಟಿ ಕಂಗನಾ ರಣಾವತ್ ಅವರನ್ನು ನೆನಪಿಸಿಕೊಂಡಿದ್ದಾರೆ.
ರಾಕೆಟ್ ಬಾಯ್ಸ್ 2 ಸ್ಕ್ರೀನಿಂಗ್‌ ಪ್ರೋಗ್ರಾಮ್ನಿಣದ ಹೃತಿಕ್ ರೋಷನ್ ಮತ್ತು ಸಬಾ ಅಜಾದ್ ಅವರ ವಿಡಿಯೋವನ್ನು ಪಾಪರಾಜಿಯೊಬ್ಬರು ಹಂಚಿಕೊಂಡಿದ್ದಾರೆ. ಅಚ್ಚರಿಯೆಂದರೆ, ನೆಟ್ಟಿಗರು ನಟಿ ಕಂಗನಾ ರಣಾವತ್ ಅವರನ್ನು ಸಬಾರಿಗೆ ಹೋಲಿಸುತ್ತಿದ್ದಾರೆ. ಈ ಜೋಡಿಯ ವಿಡಿಯೋ ಟ್ರೋಲಿಗರ ಆಹಾರವಾಗಿದೆ. "ಕಂಗನಾ ವೈಬ್ಸ್ ಆ ರಹೀ ಹೈ ಇಸ್ಸ್ ಲಡ್ಕಿ ಸೆ" (ಈ ಹುಡುಗಿಯಿಂದ ಕಂಗನಾರ ವೈಬ್ಸ್ ಬರುತ್ತಿದೆ) ಎಂದು ಓರ್ವ ಬಳಕೆದಾರ ಬರೆದಿದ್ದರೆ, ಮತ್ತೊಬ್ಬರು "ಸಸ್ತಿ ಕಂಗನಾ ಲಗ್ ರಹೀ ಹೈ" (ಕಂಗನಾ ಎಂದೇ ಅನಿಸುತ್ತಿದೆ) ಎಂದು ಹೇಳಿದರು. ಸಬಾ ಅವರನ್ನು ಕಂಗನಾ ರಣಾವತ್ ಅವರೊಂದಿಗೆ ಹೋಲಿಸುತ್ತಿರುವುದು ವಿಲಕ್ಷಣವಾಗಿದೆ ಎಂದು ಬಳಕೆದಾರರೊಬ್ಬರು ಹೇಳಿದ್ದಾರೆ. ಒಂದು ವರ್ಗದ ಸಾಮಾಜಿಕ ಮಾಧ್ಯಮ ಬಳಕೆದಾರರು ಸಾಬಾರನ್ನು ಟ್ರೋಲ್ ಮಾಡುತ್ತಿರುವಾಗ, ಕೆಲವರು ಬೆಂಬಲವನ್ನು ವ್ಯಕ್ತಪಡಿಸಿದರು, "ನಾನು ಅವರನ್ನು ಇಷ್ಟಪಡುತ್ತೇನೆ. ಅವರು ಯಾವಾಗಲೂ ರೆಟ್ರೋ ವೈಬ್‌ಗಳನ್ನು ನೀಡುತ್ತಾರೆ'' ಎಂದು ಬರೆದುಕೊಂಡಿದ್ದಾರೆ.