ಚಿತ್ರಮಂದಿರಗಳಲ್ಲಿ ಧೂಳೆಬ್ಬಿಸುತ್ತಿದೆ ಹಿಂದಿ ಕಾಂತಾರ.. ಅ.20ಕ್ಕೆ ಮಲೆಯಾಳಂ ಅವತರಣಿಕೆ ಬಿಡುಗಡೆ

'ಕಾಂತಾರ' ಸಿನಿಮಾದ ಹಿಂದಿ ಅವತರಣಿಕೆ ಇಂದು ಸುಮಾರು 2,500ಕ್ಕೂ ಹೆಚ್ಚು ಪರದೆಗಳಲ್ಲಿ ಬಿಡುಗಡೆ ಅಗಿದೆ.

ನಟ ರಿಷಬ್​ ಶೆಟ್ಟಿ ಅಭಿನಯಿಸಿ ನಿರ್ದೇಶಿಸಿರುವ 'ಕಾಂತಾರ' ಸಿನಿಮಾದ ಹಿಂದಿ ಅವತರಣಿಕೆ ಇಂದು ಸುಮಾರು 2,500ಕ್ಕೂ ಹೆಚ್ಚು ಪರದೆಗಳಲ್ಲಿ ಬಿಡುಗಡೆ ಅಗಿ ಪರಭಾಷೆಯ ಪ್ರೇಕ್ಷಕರಿಂದ ಉತ್ತಮ ಪ್ರತಿಕ್ರಿಯೆ ಪಡೆದುಕೊಳ್ಳುತ್ತಿದೆ.

ಹೌದು, ಹಿಂದಿ ಭಾಷೆಗೆ ಕಾಂತಾರ ಸಿನಿಮಾ ಡಬ್​ ಆಗಿದೆ. ಇಂದಿನಿಂದ ಹಿಂದಿ ವರ್ಷನ್​ ಪ್ರದರ್ಶನ ಕಾಣುತ್ತಿದೆ​. ಈ ಸಿನಿಮಾ ಮೂಲಕ ಹೊಂಬಾಳೆ ಫಿಲ್ಮ್ಸ್​ ಸಂಸ್ಥೆಗೆ ಭರ್ಜರಿ ಲಾಭ ಆಗಿದೆ. ನಟ ರಿಷಬ್​ ಶೆಟ್ಟಿ ಅವರ ಡಿಮ್ಯಾಂಡ್​ ಕೂಡ ಹೆಚ್ಚಾಗಿದೆ.

ಕನ್ನಡದ ರಿಷಬ್​ ಶೆಟ್ಟಿ ಮತ್ತು ಹೊಂಬಾಳೆ ಫಿಲ್ಮ್ಸ್​​ ದೇಶಾದ್ಯಂತ ಕಾಂತಾರ ಮೂಲಕ ಧೂಳೆಬ್ಬಿಸುತ್ತಿದ್ದಾರೆ. ಇದೊಂದು ಅಸಾಧಾರಣ ಸಿನಿಮಾ. ಚಿತ್ರದ ಭಾಗವಾಗಿರುವ ಪ್ರತಿಯೊಬ್ಬರಿಗೂ ಅಭಿನಂದನೆಗಳು. ರಿಷಬ್ ಶೆಟ್ಟಿ ನಿಜವಾಗಿಯೂ ಸ್ಫೂರ್ತಿ ಎಂದು ಟಾಲಿವುಡ್ ನಟ ರಾಣಾ ದಗ್ಗುಬಾಟಿ ಟ್ವೀಟ್ ಮಾಡಿದ್ದಾರೆ.

ಮಲೆಯಾಳಂ ಚಿತ್ರರಂಗದ ಸೂಪರ್​ ಸ್ಟಾರ್ ಪೃಥ್ವಿರಾಜ್ ಸುಕುಮಾರನ್​ ಅವರು ಈ ಕಾಂತಾರ ಸಿನಿಮಾವನ್ನು ಮಲೆಯಾಳಂನಲ್ಲಿ ಪ್ರಸ್ತುತಪಡಿಸಲಿದ್ದಾರೆ. ಅಕ್ಟೋಬರ್​ 20ರಂದು ಮಲೆಯಾಳಂ ಕಾಂತಾರ ಚಿತ್ರಮಂದಿರಗಳಲ್ಲಿ ಬಿಡುಗಡೆ ಆಗಲಿದೆ. ನಾಳೆಯಿಂದ ತೆಲುಗು ಅವತರಣಿಕೆ ಥಿಯೇಟರ್​ಗಳಲ್ಲಿ ಪ್ರದರ್ಶನ ಕಾಣಲಿದೆ.

ಕಾಂತಾರ ಮೈಂಡ್​ ಬ್ಲೋಯಿಂಗ್ ಸಿನಿಮಾ. ನೋಡಲೇಬೇಕಾದ ಚಿತ್ರ. ರಿಷಬ್ ಶೆಟ್ಟಿ ನಿಮ್ಮ ಬಗ್ಗೆ ನೀವು ತುಂಬಾ ಹೆಮ್ಮೆ ಪಡಬೇಕು. ಅಭಿನಂದನೆಗಳು ಹೊಂಬಾಳೆ ಫಿಲ್ಮ್ಸ್. ಗಡಿಗಳನ್ನು ತಳ್ಳುತ್ತಲೇ ಇರಿ. ಚಿತ್ರದ ಎಲ್ಲ ನಟರು ಮತ್ತು ತಂತ್ರಜ್ಞರಿಗೆ ಒಂದು ದೊಡ್ಡ ಅಪ್ಪುಗೆ. ದೇವರು ಒಳ್ಳೆಯದು ಮಾಡಲಿ ಎಂದು ತಮಿಳು ನಟ ಧನುಷ್ ಟ್ವೀಟ್ ಮಾಡಿದ್ದಾರೆ.

ಇದನ್ನೂ ಓದಿ:ಶೀಘ್ರದಲ್ಲೇ ಗಂಧದ ಗುಡಿ ಬಿಡುಗಡೆ.. ಪುನೀತ್​ ಹೆಸರಿನಲ್ಲಿ ಫುಡ್ ಫೆಸ್ಟಿವಲ್