ಹಿನಾ ಖಾನ್​​ - ರಾಕಿ ಜೈಸ್ವಾಲ್ ಸಂಬಂಧದಲ್ಲಿ ಬಿರುಕು ವದಂತಿಗೆ ಬ್ರೇಕ್

ನಟಿ ಹಿನಾ ಖಾನ್​​ ಅವರ 'ಷಡ್ಯಂತ್ರ' ಚಿತ್ರದ ಟೀಸರ್ ಬಿಡುಗಡೆ ಆಗಿದ್ದು, ರಾಕಿ ಜೈಸ್ವಾಲ್​ ಅವರಿಂದ ದೂರವಾಗಿದ್ದಾರೆ ಎನ್ನುವ ವದಂತಿಗೆ ಬ್ರೇಕ್​ ಬಿದ್ದಿದೆ.

ಬಾಲಿವುಡ್​ ನಟಿ ಹಿನಾ ಖಾನ್​​ ಅವರ ಇತ್ತೀಚಿನ ಪೋಸ್ಟ್ ಒಂದು ಸೋಷಿಯಲ್​ ಮೀಡಿಯಾದಲ್ಲಿ ಬಿರುಗಾಳಿ ಎಬ್ಬಿಸಿತ್ತು. ದ್ರೋಹ (betrayal) ಎಂದು ಸೂಚಿಸಿದ್ದ ಆ ಪೋಸ್ಟ್​​​ನಿಂದಾಗಿ ಹಿನಾ ಖಾನ್ ಲವ್​ ಲೈಫ್​ ಸರಿಯಿಲ್ಲ ಎಂದು ವರದಿ ಆಗಿತ್ತು. ಹಿನಾ ಮತ್ತು ಗೆಳೆಯ ರಾಕಿ ಜೈಸ್ವಾಲ್ ಅವರ 13 ವರ್ಷಗಳ ಸಂಬಂಧದಲ್ಲಿ ಬಿರುಕು ಮೂಡಿದೆ ಎಂಬ ಸುದ್ದಿ ಆಗಿತ್ತು. ಇದೀಗ ಹಿನಾ ಖಾನ್ ಹೊಸ ಪೋಸ್ಟ್ ಆ ಊಹಾಪೋಹಗಳಿಗೆ ಫುಲ್​ ಸ್ಟಾಪ್​​ ಇಟ್ಟಿದೆ.

'ಷಡ್ಯಂತ್ರ' (Shadyantra) ಚಿತ್ರದ ಟೀಸರ್ ಅನ್ನು ಹಿನಾ ಅವರು ತಮ್ಮ ಇನ್​ಸ್ಟಾಗ್ರಾಮ್​ನಲ್ಲಿ ಹಂಚಿಕೊಂಡಿದ್ದಾರೆ. ಜೊತೆಗೆ "ನಾನು ಸುಳ್ಳು, ಮೋಸದ ಜಾಲದಲ್ಲಿ ಸಿಕ್ಕಿಬಿದ್ದಿದ್ದೇನೆ. ಈ ಷಡ್ಯಂತ್ರವನ್ನು ಯಾರು ರಚಿಸಿದರು?" ಎಂದು ಬರೆದುಕೊಂಡಿದ್ದಾರೆ. ಈ ಪೋಸ್ಟ ನೋಡುತ್ತಿದ್ದರೆ, ನಟಿ ಈ ಮೊದಲು ಹಂಚಿಕೊಂಡಿದ್ದ ದ್ರೋಹ (betrayal) ಪೋಸ್ಟ್​ ಈ 'ಷಡ್ಯಂತ್ರ' ಚಿತ್ರಕ್ಕೆ ಸಂಬಂಧಿಸಿದ್ದು ಎಂಬುದು ಸ್ಪಷ್ಟವಾಗುತ್ತಿದೆ.

ರಾಕಿ ಜೈಸ್ವಾಲ್ ಇನ್​​ಸ್ಟಾ ಸ್ಟೋರಿ

ವದಂತಿಗಳಿಗೆ ಬ್ರೇಕ್ ಹಾಕಲು ಗೆಳೆಯ ರಾಕಿ ಜೈಸ್ವಾಲ್ ಕೂಡ ಇನ್‌ಸ್ಟಾಗ್ರಾಮ್​ನಲ್ಲಿ ಷಡ್ಯಂತ್ರ ಟೀಸರ್ ಅನ್ನು ಹಂಚಿಕೊಂಡು "ಕ್ವೀನ್ ಮತ್ತೆ ಬಂದಿದ್ದಾರೆ" ಎಂದು ಬರೆದುಕೊಡಿದ್ದಾರೆ. ಈ ಜೋಡಿ ಪ್ರೀತಿಯಲ್ಲಿರುವುದನ್ನು ಅರಿತ ಹಿನಾ ಖಾನ್ ಅವರ ಅಭಿಮಾನಿಗಳು ಮತ್ತು ಹಿತೈಷಿಗಳು ಸಂತಸಗೊಂಡಿದ್ದಾರೆ.

ಇದನ್ನೂ ಓದಿ:ಸಾರಾ ಅಲಿ ಖಾನ್ ಹೊಸ ಸಿನಿಮಾ ಯಾವುದು? ಖುಷಿ ಸುದ್ದಿ ಹಂಚಿದ ಬಾಲಿವುಡ್‌ ಬೆಡಗಿ

ಹಿನಾ ಮತ್ತು ರಾಕಿ ಬೇರೆಯಾಗುತ್ತಾರೆ ಎಂಬ ವದಂತಿಗಳು ವೈರಲ್ ಆಗಿದ್ದು, ಇದೇ ಮೊದಲೇನು ಅಲ್ಲ. 2021ರಲ್ಲಿಯೂ ಇಬ್ಬರೂ ಬ್ರೇಕ್​ ಅಪ್​​ ಮಾಡಿಕೊಂಡಿದ್ದಾರೆ ಎಂದು ಹೇಳಲಾಗಿತ್ತು. ಆದರೆ, ಈ ಜೋಡಿ ಮಾತ್ರ ವರ್ಷ ಕಳೆದಂತೆಲ್ಲ ತಮ್ಮ ಪ್ರೀತಿಯನ್ನು ಗಟ್ಟಿಗೊಳಿಸುತ್ತಾ ಮುಂದೆ ಸಾಗುತ್ತಿದ್ದಾರೆ.